Ишьақәырӷәӷәоуп астратегиатә уснагӡатәқәа азгәазҭо адокументқәа аҳәынҭаҩра аԥҟарақәа
13:45 11.07.2024 (ирҿыцуп: 13:51 11.07.2024)
© Sputnik / Томас Тхайцук
Анапаҵаҩра
АҞӘА, ԥхынгәы 11 – Sputnik. Аԥсны Аминистрцәа реилазаара ишьақәнарӷәӷәеит астратегиатә уснагӡатәқәа азгәазҭо адокументқәа рышәҟәынҵа аҳәынҭқарратә ҭаҩшьеи рымҩаԥгашьеи.
Ақәҵараҟны ишьақәыргылоуп:
Аекономика аминистрра имҩаԥнаго адокументқәа аҳәынҭқарратә ҭаҩра рзура аԥҟарақәеи аҿҳәарақәеи;
аҳәынҭқарратә, акомерциатә, амаҵзуратә, ма аҽа маӡарак рзы азакәанԥҵара аҭахрақәа ирықәныҟәаны ақьаадтәии аелектронтәии мҩангагақәа, ацифратә системақәагьы рхы иархәаны ашәҟәынҵа амҩаԥгара.
Аԥсны Аминистрцәа реилазаара анапаҵаҟа иҟоу астратегиатә уснагӡатәқәа азгәазҭо азҵаарақәа рзы адокументқәа рпроектқәа ауаажәларра рыҟны алацәажәараз алшара рыҭахоит.
Алацәажәарақәа рыԥҟарақәеи рыҿҳәарақәеи шьақәзыргыло ақәҵара ареспублика аиҳабыра ирыдыркылеит. Арахь иаҵанакуеит абарҭ адокументқәа:
Аԥсны ҿҳәара дула асоциал-економикатә ҿиара азԥхьагәаҭара апроект;
Аԥсны бжьаратә ҿҳәарала асоциал-економикатә ҿиара азԥхьагәаҭара апроект;
Аминистрцәа реилазаара аусура ахырхарҭа хадақәа рыпроектқәа;
Аԥсны аҵакыратә уснагӡатәқәа азгәазҭо асхемақәа рыпроектқәа;
Аԥсны Аминистрцәа реилазаара анапаҵаҟа иҟоу аусхктә стратегиатә уснагӡатәқәа азгәазҭо азҵаарақәа рзы адокументқәа рыпроектқәа.
