https://sputnik-abkhazia.info/20241028/azlatsazhasha-amoup-gergedaai-chkaduei-azhira-iazkny-1052684928.html
Ҳазлацәажәаша ҳамоуп: Гьергьедааи Чкадуеи ажьира иазкны
Ҳазлацәажәаша ҳамоуп: Гьергьедааи Чкадуеи ажьира иазкны
Sputnik Аҧсны
Аҟәатәи абааш аҵакыраҿы ажьицәа рфестивали ацәыргақәҵеи мҩаԥысит. Асахьаҭыхыҩцәеи, ажьицәеи, абџьарҟаҵаҩцәеи реидгыла "Х-напы" алахәылацәа, ажьицәа Дато... 28.10.2024, Sputnik Аҧсны
2024-10-28T13:54+0300
2024-10-28T13:54+0300
2024-10-28T15:12+0300
арадио
аԥсны
аподкаст
ҳазлацәажәаша ҳамоуп
https://cdnn1.img.sputnik-abkhazia.info/img/07e8/0a/1c/1052685506_0:0:1281:720_1920x0_80_0_0_c1ef40a064aac38f9d858b32d0c10f64.jpg
Ҳазлацәажәаша ҳамоуп: Гьергьедааи Чкадуеи ажьира иазкны
Sputnik Аҧсны
Ҳазлацәажәаша ҳамоуп: Гьергьедааи Чкадуеи ажьира иазкны
Аҟәатәи абааш аҵакыраҿы ажьицәа рфестивали ацәыргақәҵеи мҩаԥысит. Асахьаҭыхыҩцәеи, ажьицәеи, абџьарҟаҵаҩцәеи реидгыла "Х-напы" алахәылацәа, ажьицәа Дато Гьергьедааи, Гурам Чкадуеи Sputnik арадиостудиаҿы иалацәажәеит афестиваль, ажьира ҳаамҭазы иацу аинтерес, ҳдоуҳатә культура иахәҭаку аҟазара аҿиаразы иҟаҵатәу.Ҩымш ицоз ацәыргақәҵаҿы анапҟазацәа аҭыԥаҿы ижьиуан, агәазыҳәара змаз зегьы ирыман алшара ажьихәышҭаараҟны арыҭәа аашьҭыхны, иҳәызбоума, иҟамоума, ишыҟарҵо агәаҭара. Ацәыргақәҵа ахаҭа акәзар, ҩ-хәҭакны еихшан – Аԥсны ажрақәа раан ирыԥшааз аҭоурыхтә бџьари ҳаамҭазтәи аҟазацәа русумҭақәеи аҭааҩцәа ирыдгалан.Даҭо сынтәа Едем Коӷониеи иареи афестиваль аҿы аԥсуа маҟа еибиҭон. Абжеиҳара зегьы аҟаҵара рылдыршеит, иаанхаз аҩны инаигӡарц игәы иҭоуп."Уи аус са сзы иаҳа ицәгьан, аԥышәа сымамызт аҟынтә. Аҳәызба ҟаҵара даара исзымариахо салагеит. Аԥсны хар амаӡам ажьицәа рхыԥхьаӡара, 20-ҩык инархыҳәҳәо ахеилак иалоуп. Даара ирыцҳаран иҟоуп, ацәа аус адызуло ахьыҟам, Едем Коӷониа ида сара аӡәгьы дсыздыруам. Ари иӡуа акоуп. Уи шьҭкааны исымоуп, иахьынӡасылшо ҳбап", - ҳәа иҳәеит аиҿцәажәараҿы Гьергьедаа.Гурам Чкадуа иажәақәа рыла иҟоуп аҿар ажьира иазҿлымҳау. Урҭ рдыррақәа рыцеиҩыршоит. Ижьиимхаргьы, ирдыруазаауеит ажьира закәу, уи аҵасқәа, ҳәа азгәеиҭеит Чкадуа.Инеиҵыху аиҿцәажәара шәазыӡырҩыр шәылшоит аудиофаил аҿы.
Sputnik Аҧсны
media@sputniknews.com
+74956456601
MIA „Rossiya Segodnya“
2024
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, аподкаст, ҳазлацәажәаша ҳамоуп, аудио
аԥсны, аподкаст, ҳазлацәажәаша ҳамоуп, аудио
Аҟәатәи абааш аҵакыраҿы ажьицәа рфестивали ацәыргақәҵеи мҩаԥысит. Асахьаҭыхыҩцәеи, ажьицәеи, абџьарҟаҵаҩцәеи реидгыла "Х-напы" алахәылацәа, ажьицәа Дато Гьергьедааи, Гурам Чкадуеи Sputnik арадиостудиаҿы иалацәажәеит афестиваль, ажьира ҳаамҭазы иацу аинтерес, ҳдоуҳатә культура иахәҭаку аҟазара аҿиаразы иҟаҵатәу.
Ҩымш ицоз ацәыргақәҵаҿы анапҟазацәа аҭыԥаҿы ижьиуан, агәазыҳәара змаз зегьы ирыман алшара ажьихәышҭаараҟны арыҭәа аашьҭыхны, иҳәызбоума, иҟамоума, ишыҟарҵо агәаҭара. Ацәыргақәҵа ахаҭа акәзар, ҩ-хәҭакны еихшан – Аԥсны ажрақәа раан ирыԥшааз аҭоурыхтә бџьари ҳаамҭазтәи аҟазацәа русумҭақәеи аҭааҩцәа ирыдгалан.
Даҭо сынтәа Едем Коӷониеи иареи афестиваль аҿы аԥсуа маҟа еибиҭон. Абжеиҳара зегьы аҟаҵара рылдыршеит, иаанхаз аҩны инаигӡарц игәы иҭоуп.
"Уи аус са сзы иаҳа ицәгьан, аԥышәа сымамызт аҟынтә. Аҳәызба ҟаҵара даара исзымариахо салагеит. Аԥсны хар амаӡам ажьицәа рхыԥхьаӡара, 20-ҩык инархыҳәҳәо ахеилак иалоуп. Даара ирыцҳаран иҟоуп, ацәа аус адызуло ахьыҟам, Едем Коӷониа ида сара аӡәгьы дсыздыруам. Ари иӡуа акоуп. Уи шьҭкааны исымоуп, иахьынӡасылшо ҳбап", - ҳәа иҳәеит аиҿцәажәараҿы Гьергьедаа.
Гурам Чкадуа иажәақәа рыла иҟоуп аҿар ажьира иазҿлымҳау. Урҭ рдыррақәа рыцеиҩыршоит. Ижьиимхаргьы, ирдыруазаауеит ажьира закәу, уи аҵасқәа, ҳәа азгәеиҭеит Чкадуа.
Инеиҵыху аиҿцәажәара шәазыӡырҩыр шәылшоит аудиофаил аҿы.
