Аҳәынҭқарра-зинтә политиказы Жәлар Реизара аилак аилатәара мҩаԥысит Аҟәа
© Sputnik / Томас Тхайцук
Анапаҵаҩра
АҞӘА, абҵара 11 - Sputnik. Аконституциатә закәан апроект Аконституциа "Азакәанԥҵаратәии анагӡаратәии амчрақәа рзы" аиҭакрақәа ралагаларазы Жәлар Реизара аилатәарахь инашьҭхоит, абри атәы аанацҳауеит азакәанԥҵаратә усбарҭа апресс-маҵзура.
Азакәан апроект иазԥхьагәанаҭоит:
Аминистрцәа реилазаара аԥыхра, уи иахҟьаны иаԥыххоит аԥыза-министри аԥыза-министр ихаҭыԥуааи рмаҵурақәа.
Аконституциа анорма цҵақәа алагалара, урҭ инарықәыршәаны Апарламент ақәшаҳаҭрала аминистрцәа рмаҵураҿы ишьақәырӷәӷәахоит.
Апарламент ԥхьатәара ашьҭразы ахада азин иҭара, адепутатцәа ирыдгалоу аминистрцәа ркандидатурақәа хынтә мап анырцәырклак ашьҭахь амаҵурақәа 1/3 рыхәҭа ҭацәны иаанхазар.
Анагӡаратә мчра ацентртә усбарҭақәа реилазаара ашьақәырӷәӷәаразы ахада азинмч иҭара.
ахада ихаҭыԥуаҩ изинмчқәа хаз игоу закәанла рышьақәырӷәӷәара.
