https://sputnik-abkhazia.info/20241117/asny-aagylara-zua-auaasyra-aiabyrat-khybraa-aankylany-ishrymats-irymoup-1052901674.html
Аԥсны аҿагылара зуа ауааԥсыра аиҳабыратә хыбрақәа аанкыланы ишрымац ирымоуп
Аԥсны аҿагылара зуа ауааԥсыра аиҳабыратә хыбрақәа аанкыланы ишрымац ирымоуп
Sputnik Аҧсны
АҞӘА, абҵара 17 - Sputnik. Аԥсны аҿагылара зуа ауааԥсыра аиҳабыратә хыбрақәа аанкыланы ирымоуижьҭеи иахьа хымшуп. Абҵара 17 ашьыжь Апарламент аҿаԥхьа... 17.11.2024, Sputnik Аҧсны
2024-11-17T10:30+0300
2024-11-17T10:30+0300
2024-11-17T17:05+0300
аԥсны
ажәабжьқәа
https://cdnn1.img.sputnik-abkhazia.info/img/07e8/0b/11/1052900207_0:85:1620:996_1920x0_80_0_0_e7f8f2892e6d14f61c0473bc1448d9b2.jpg
АҞӘА, абҵара 17 - Sputnik. Аԥсны аҿагылара зуа ауааԥсыра аиҳабыратә хыбрақәа аанкыланы ирымоуижьҭеи иахьа хымшуп. Абҵара 17 ашьыжь Апарламент аҿаԥхьа аҭагылазаашьа ҭынчын. Аԥсны Ауаажәларратә палата аиҳабыреи аоппозициеи ирыбжьаҟазоит, аполитикатә кризис алҵразы авариантқәа алнаԥшаауеит. Иаԥҵоуп апалата алахәыла, уаанӡатәи аԥыза-министр Сократ Џьынџьал напхгара зиҭо иҷыдоу агәыԥ. Иахьа аилабжьарақәа ирыцырҵараны иҟоуп. Иацы Аслан Бжьаниа идгылаҩцәа дырԥылеит иқыҭа гәакьа Тамшь. Иара аҳәамҭа ҟаиҵеит аоппозициатә мчрақәа аиҳабыра рхыбрақәа аанрыжьыр, ахада иалхра ҿыцқәа рымш азгәаҭара дшазыхиоу, ажәлар рхаҭа ирҭаху ахада далырхырц азы. Убасҟан Бжьаниа икандидатура ықәиргыларц игәы иҭоуп. Аиԥылара иалахәын ахада ихаҭыԥуаҩ, Аиҳабыра рхаҭарнакцәа, Апарламент аиҳабы, гәыԥҩык адепутатцәа, араионқәа рхадацәа. Аԥсны ахада иажәақәа рыла, адепутатцәа ирықәыӷәӷәоит, изинтәым аӡбамҭа рыдыркыларц иазааргоит. Иара инаҵшьны иҳәеит аҭагылазаашьа азакәан мҩахь ишыргьежьтәу. Аҿагылара зуа ауааԥсыра Аслан Бжьаниа ԥхьатәара дцоит, заанаҵтәи ахада иалхрақәа ррыцхә азгәеиҭоит, аиҳабыратә хыбрақәа аанрыжьыр ҳәа ириҭаз ажәа мап ацәыркит. Дара иара убас адҵа ықәдыргылеит АҩАР, АШәМ, АТ рнапхгаҩцәа ԥхьатәара ицарц. Бжьаниа идгылаҩцәа данырԥыла ашьҭахь, аҳәынҭқарратә усбарҭақәа рнапхгаҩцәа идикылеит, дара аҳасабырба ҟарҵеит ишьақәгылаз аҭагылазаашьаан русушьа шцо. Ахада иазгәеиҭеит аҳәынҭқарра аарҳәра аҽазышәара шыҟазгьы, аиҳабыра русура ишацырҵо, ишдырӷәӷәо. Агәабзиарахьчара аминистрреи, Афымцамчи атранспорти рминистрреи, Аҭагылазаашьа ҷыдақәа рминистрреи, Афинансқәа рминистрреи адырра ирҭеит абжьааԥнеиԥш русура шымҩаԥысуа. Бжьаниа Аԥсныҟа Урыстәыла ахада Иусбарҭа ахаҭарнакцәа аҭагылазаашьа аҭышныртәаларазы иааргьы ауеит ҳәа азгәеиҭеит. Аԥсны АҩАР, АШәМ, Атәылахьчара аминистрра аҳәамҭақәа ҟарҵеит русбарҭақәа абжьааԥнеиԥш аус шыруа ахада Аслан Бжьаниа инапхгарала. Аоппозициа аҳәамҭа ҟарҵеит аиҳабыратә хыбрақәа ркомплекс шаанырмыжьуа Аслан Бжьаниа ԥхьатәара дымцакәа.
https://sputnik-abkhazia.info/20241116/auaazhlarrat-palata-iydou-agy-aoppozitsiei-amchrei-irybzhaazoit-1052901889.html
https://sputnik-abkhazia.info/20241116/aslan-bzhania-aiabyra-rkhaaranktsa-alarkhny-ailatsazhara-maigeit-tamsh-1052897763.html
https://sputnik-abkhazia.info/20241116/aagylara-zua-auaa-aslan-bzhania-alkhra-ytsa-rymagarazy-iiaz-rydrymkylaeit-1052897546.html
Sputnik Аҧсны
media@sputniknews.com
+74956456601
MIA „Rossiya Segodnya“
2024
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
АҞӘА, абҵара 17 - Sputnik. Аԥсны аҿагылара зуа ауааԥсыра аиҳабыратә хыбрақәа аанкыланы ирымоуижьҭеи иахьа хымшуп. Абҵара 17 ашьыжь Апарламент аҿаԥхьа аҭагылазаашьа ҭынчын.
Аԥсны Ауаажәларратә палата аиҳабыреи аоппозициеи ирыбжьаҟазоит, аполитикатә кризис алҵразы авариантқәа алнаԥшаауеит. Иаԥҵоуп апалата алахәыла, уаанӡатәи аԥыза-министр Сократ Џьынџьал напхгара зиҭо иҷыдоу агәыԥ.
Иахьа аилабжьарақәа ирыцырҵараны иҟоуп.
Иацы Аслан Бжьаниа идгылаҩцәа дырԥылеит иқыҭа гәакьа Тамшь. Иара аҳәамҭа ҟаиҵеит аоппозициатә мчрақәа аиҳабыра рхыбрақәа аанрыжьыр, ахада иалхра ҿыцқәа рымш азгәаҭара дшазыхиоу, ажәлар рхаҭа ирҭаху ахада далырхырц азы. Убасҟан Бжьаниа икандидатура ықәиргыларц игәы иҭоуп.
Аиԥылара иалахәын ахада ихаҭыԥуаҩ, Аиҳабыра рхаҭарнакцәа, Апарламент аиҳабы, гәыԥҩык адепутатцәа, араионқәа рхадацәа.
Аԥсны ахада иажәақәа рыла, адепутатцәа ирықәыӷәӷәоит, изинтәым аӡбамҭа рыдыркыларц иазааргоит. Иара инаҵшьны иҳәеит аҭагылазаашьа азакәан мҩахь ишыргьежьтәу.
Аҿагылара зуа ауааԥсыра Аслан Бжьаниа ԥхьатәара дцоит, заанаҵтәи ахада иалхрақәа ррыцхә азгәеиҭоит, аиҳабыратә хыбрақәа аанрыжьыр ҳәа ириҭаз ажәа мап ацәыркит. Дара иара убас адҵа ықәдыргылеит АҩАР, АШәМ, АТ рнапхгаҩцәа ԥхьатәара ицарц.
Бжьаниа идгылаҩцәа данырԥыла ашьҭахь, аҳәынҭқарратә усбарҭақәа рнапхгаҩцәа идикылеит, дара аҳасабырба ҟарҵеит ишьақәгылаз аҭагылазаашьаан русушьа шцо. Ахада иазгәеиҭеит аҳәынҭқарра аарҳәра аҽазышәара шыҟазгьы, аиҳабыра русура ишацырҵо, ишдырӷәӷәо.
Агәабзиарахьчара аминистрреи, Афымцамчи атранспорти рминистрреи, Аҭагылазаашьа ҷыдақәа рминистрреи, Афинансқәа рминистрреи адырра ирҭеит абжьааԥнеиԥш русура шымҩаԥысуа.
Бжьаниа Аԥсныҟа Урыстәыла ахада Иусбарҭа ахаҭарнакцәа аҭагылазаашьа аҭышныртәаларазы иааргьы ауеит ҳәа азгәеиҭеит.
Аԥсны АҩАР, АШәМ, Атәылахьчара аминистрра аҳәамҭақәа ҟарҵеит русбарҭақәа абжьааԥнеиԥш аус шыруа ахада Аслан Бжьаниа инапхгарала.
Аоппозициа аҳәамҭа ҟарҵеит аиҳабыратә хыбрақәа ркомплекс шаанырмыжьуа Аслан Бжьаниа ԥхьатәара дымцакәа.
