https://sputnik-abkhazia.info/20241209/sputnik-amchybzh-aratifikatsia-map-atskra-aenergetikat-kollaps-aourykht-khybra-agara-1053101858.html
Sputnik амчыбжь: аратификациа мап ацәкра, аенергетикатә коллапс, аҭоурыхтә хыбра ақәгара
Sputnik амчыбжь: аратификациа мап ацәкра, аенергетикатә коллапс, аҭоурыхтә хыбра ақәгара
Sputnik Аҧсны
Аинформациатә маҵзура Sputnik еиқәнаршәеит ареспубликаҿы ԥхынҷкәын 2-8 рыҩнуҵҟа имҩаԥысыз акрызҵазкуа ахҭысқәа рыхҳәаа. 09.12.2024, Sputnik Аҧсны
2024-12-09T09:00+0300
2024-12-09T09:00+0300
2024-12-09T09:00+0300
аԥсны
ажәабжьқәа
аԥсны
аекономика
аԥсны аенергетика апроблемақәа
акультура
https://cdnn1.img.sputnik-abkhazia.info/img/07e8/0c/08/1053101056_0:120:1280:840_1920x0_80_0_0_0ab7117a1c5a4fa2e71ba1f4f499ddb3.jpg
Аԥсны аенергетикатә усхк аҿы аҭагылазаашьа ззеицәахаз, Жәлар Реизара-Апарламент Аԥсни Урыстәылеи ирыбжьарҵаз аинвестициатә еиқәшаҳаҭра аганахь ала иарбан ӡбароу иаднакылаз, Аҟәа ақалақь аҭоурыхтә хыбра арбгара ишақәҿырҭыз Sputnik аматериал аҿы.Аенергетикатә коллапсАԥсны аенергетикатә ҭагылазаашьа еицәахеит. Ԥхынҷкәын 4 рзы, Аԥсны аенергетикатә шәарҭадара ашьақәыргыларазы аштаб аилатәараҿы аԥыза-министр анапынҵақәа назыгӡо Валери Бганба иҷыдоу аҭагылазаашьа алагалахар ҟалоит ҳәа агәҽанҵара ҟаиҵеит.Џьуартәи аӡеизакырҭаҿы аӡы ахьмаҷу инамаданы, ЕгрыГЕС акомплекс аусура аанкылара ашәхымс ихықәгылоуп.Аԥсны, Урыстәылантәи афымцамч иаарышьҭуа амҽхак иацҵазарц аҳәара ҟанаҵар акәхеит. Убри аан, иазгәаҭан афымцамч ахә ԥхынҷкәын 7 рҟынӡа ишшәоу, уи иахҟьаны аҳәынҭқарратә усзуҩцәа рулафахәы абҵарамзаахыс ишырмоуц.Афинансқәа рминистр и.н Владимир Делба иҳәеит, есҽны аенергетикатә усхк аҟны алшарақәа рацәаӡаны ишаго, аҳәынҭқарра,аулафахәы ашәаразы Урыстәылатәи афинанстә цхыраара аԥсахразы алшара шамам.Ԥхынҷкәын 8 рзы "Амшынеиқәафымцамч" алашара аиуразы аихшанҵа ҿыц акьыԥхьит. Уи инақәыршәаны ԥхынҷкәынмза 9 инаркны ҽынла алашара 4 сааҭки 40 минуҭи, уахынла - 21:00 инаркны 07:00 рҟынӡа алашара роуеит атәыла ауааԥсыра.Аиқәшаҳаҭра ашьақәырӷәӷәара аҿагылараԤхынҷкәын 3 рзы Апарламент аҿы Аԥсни Урыстәылеи рыбжьара аинвестициатә еиқәшаҳаҭра ашьақәырӷәӷәара иаҿагыланы рыбжьқәа арҭеит.Адокумент ҩ-миллиард мааҭ иреиҵамкәа аинвестициатә мҽхак змоу апроектқәа назыгӡо Урыстәылатәи анаплакҩцәа рзы альготақәа азыԥхьагәанаҭоит.Аҭыӡшәа цәырзгаз ахәаҷаԤхынҷкәын 6 рзы Урыстәылеи Аԥсни рҳәааҿы ацитрус карантинтә хәаҷа трипс здырбалаз амандаринақәа рпартиа аҳәаа иахырмыжьит.Аԥхьа асоциалтә ҳақәа аԥснытәи рсегмент аҿы ицәырҵит ацитрустә шәырқәа рекспорт зынӡа иаанкылахоит ҳәа аинформациа. Аха "Россельхознадзор" уи мап ацәнакит, иагьазгәанаҭеит ақыҭанхамҩатә аалыҵ анҭыҵҟа ашьҭра еснагь еиԥш ишымҩаԥысуа.Ԥхынҷкәын 7 рзы Аԥсны ақыҭанхамҩа аминистр и.н. Беслан Џьопуа иҳәеит аԥснытәи ацитрустә шәырқәа мҩанызго амашьынақәа Аԥсни Урыстәылеи рҳәааҿы ԥынгылада ишымҩасуа, атрипс егьырҭ аидарақәа рҿы ишырԥымлац.Акультуратә мчыбжьыԤхынҷкәын 2 рзы РУСДРАМ аҿы Шьепкин ихьӡ зху атеатртә ҵараиурҭа астудентцәа аспектакль "Ауаҩи уи икәша-мыкәша иҟоуи" ықәдыргылеит.Аклассик диижьҭеи 95 шықәса аҵра иазкыз аспектакль режиссиорс дыҟан акурс асахьаркыратә напхгаҩы, Урыстәыла зҽаԥсазтәыз артист Алексеи Дубровски. Шьепкинаа ргастрольқәа рымҩаԥгара алыршахеит апрограмма "Агастроль дуқәеи" Урыстәыла акультура аминистрреи рыбзоурала.Ахәаԥшцәа иреиӷьу аспектакль ҳәа иалыркааит "Ахьча Махаз". Аспектакль арежиссиор Олесиа Невмержицкаиа даиааит аноминациа "Иреиӷьу арежиссиортә усумҭа" аҿы.Иреиӷьу ахаҵа ироль ҳәа иалыркааит сер Џьон Фальстаф ироль "Виндзортәи аҳәатәхамҵақәа". Уи дыхәмарит Кирилл Шишкин. Анна Гиурегиан аноминациа "Иреиӷьу аԥҳәыс лроль" аҿы даиааит Аманда Уингфрид "Исаркьалыху агагшәыгҭакырҭа" аҿы лроль азы.Аҩбатәи аплан арольқәа рзы аиааира ргеит Милана Ломиаԥҳаи Емиль Петрови.Витали Қацәба аиааира игеит "Иреиӷьу асахьаҭыхыҩ-ақәыргылаҩ иусура" аҿы, Ирина Уколова — аноминациа "Иреиӷьу акостиумқәа рзы асахьаҭыхыҩ иусура", Илларион Пасаниа — аноминациа "Иреиӷьу алашаразы асахьаҭыхыҩ иусура".Ԥхынҷкәын 7 рзы РУСДРАМ ихыркәшахеит арежиссиортә лабораториа "Сандро". Атеатр актиорцәеи Шьепкин ихьӡ зху аинститут астудентцәеи ахәаԥшцәа ирыдыргалеит аԥсуа классикцәа рҩымҭақәа рыла иҟаҵоу аескизқәа ԥшьба: Џьума Аҳәба иҩымҭа "Аҵыҵындра", Шьалодиа Аџьынџьал иҩымҭа "Амзаҿа ангыло", Фазиль Искандер иҩымҭақәа "Амшын лакәи" "Тали - Чегемтәи аџьашьахәи". Аспектакльқәа рышьҭахь, атеатр афоие аҿы ахцәажәара мҩаԥысуан. Аҵыхәтәаны ахәаԥшцәа зегь реиҳа иргәаԥхаз аспектакль рыбжьқәа арҭеит. Абжьыҭара алҵшәақәа мышқәак рышьҭахь ирылаҳәахоит. Еиҳаны абжьы зауз аескиз 2025 ашықәсазы инаӡоу спектакльны иқәыргылахоит. Идырбгаз аҭынхаԤхынҷкәын 7 рзы, Аҟәа Аршба имҩаду аҿы (уаанӡа Сахаров – азгә.) 1914 шықәсазы идыргылаз ԥыхьатәи аферментациатә зауад ахыбра ықәыргарц рҽазыршәеит. Аҭоурыхтә культуратә баҟақәа рыхьчаразы аҳәынҭқарратә усбарҭа аиҳабы Гарри Сангәлиа Sputnik иазеиҭеиҳәеит XX -тәи ашәышықәса алагамҭаз иргылаз ахыбра Аҭоурыхтә культуратә баҟақәа рсиа ишахыԥхьаӡалоу, иҷыдоу азин ыҟамкәа ақәгара шалымшо. Аусбарҭа иалшеит аҭагылазаашьақәа зегьы еилкаахаанӡа ахыбра ақәгара аанкылара.Сангәлиа иара убас инаҵшьны иазгәеиҭеит Аҭоурыхтә культуратә баҟақәа рыхьчаразы аҳәынҭқарратә усбарҭа адҵа шыҟанаҵо, аԥхасҭа зырҭаз ахыбра аиҭашьақәыргылараз.Аха ԥхынҷкәын 8 рзы ахыбра зегь дара роуп, иқәыргеит. Аҟәа ақалақь апрокуратура аҳәамҭа ҟанаҵеит ари аус азы аматериалқәа ҭҵааны ахәшьара шанаҭо азы.
https://sputnik-abkhazia.info/20241203/asny-aparlament-ainvestitsiat-eishaara-ashayrara-iashaaymkheit-1053050001.html
https://sputnik-abkhazia.info/20241207/opua-ieieit-amandarina-zu-aidaramangagaa-asni-urystylei-raa-ishakhysua-1053082268.html
https://sputnik-abkhazia.info/20241207/rusdram-ikhyrkshakheit-arezhissiort-laboratoria-sandro-1053088983.html
Sputnik Аҧсны
media@sputniknews.com
+74956456601
MIA „Rossiya Segodnya“
2024
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аԥсны, аекономика, аԥсны аенергетика апроблемақәа, акультура
ажәабжьқәа, аԥсны, аекономика, аԥсны аенергетика апроблемақәа, акультура
Sputnik амчыбжь: аратификациа мап ацәкра, аенергетикатә коллапс, аҭоурыхтә хыбра ақәгара
Аинформациатә маҵзура Sputnik еиқәнаршәеит ареспубликаҿы ԥхынҷкәын 2-8 рыҩнуҵҟа имҩаԥысыз акрызҵазкуа ахҭысқәа рыхҳәаа.
Аԥсны аенергетикатә усхк аҿы аҭагылазаашьа ззеицәахаз, Жәлар Реизара-Апарламент Аԥсни Урыстәылеи ирыбжьарҵаз аинвестициатә еиқәшаҳаҭра аганахь ала иарбан ӡбароу иаднакылаз, Аҟәа ақалақь аҭоурыхтә хыбра арбгара ишақәҿырҭыз Sputnik аматериал аҿы.
Аԥсны аенергетикатә ҭагылазаашьа еицәахеит. Ԥхынҷкәын 4 рзы, Аԥсны аенергетикатә шәарҭадара ашьақәыргыларазы аштаб аилатәараҿы аԥыза-министр анапынҵақәа назыгӡо Валери Бганба иҷыдоу аҭагылазаашьа алагалахар ҟалоит ҳәа агәҽанҵара ҟаиҵеит.
Џьуартәи аӡеизакырҭаҿы аӡы ахьмаҷу инамаданы, ЕгрыГЕС акомплекс аусура аанкылара ашәхымс ихықәгылоуп.
Аԥсны, Урыстәылантәи афымцамч иаарышьҭуа амҽхак иацҵазарц аҳәара ҟанаҵар акәхеит. Убри аан, иазгәаҭан афымцамч ахә ԥхынҷкәын 7 рҟынӡа ишшәоу, уи иахҟьаны аҳәынҭқарратә усзуҩцәа рулафахәы абҵарамзаахыс ишырмоуц.
Афинансқәа рминистр и.н Владимир Делба иҳәеит, есҽны аенергетикатә усхк аҟны алшарақәа рацәаӡаны ишаго, аҳәынҭқарра,аулафахәы ашәаразы Урыстәылатәи афинанстә цхыраара аԥсахразы алшара шамам.
Ԥхынҷкәын 8 рзы "Амшынеиқәафымцамч" алашара аиуразы аихшанҵа ҿыц акьыԥхьит. Уи инақәыршәаны ԥхынҷкәынмза 9 инаркны ҽынла алашара 4 сааҭки 40 минуҭи, уахынла - 21:00 инаркны 07:00 рҟынӡа алашара роуеит атәыла ауааԥсыра.
Аиқәшаҳаҭра ашьақәырӷәӷәара аҿагылара
Ԥхынҷкәын 3 рзы Апарламент аҿы Аԥсни Урыстәылеи рыбжьара аинвестициатә еиқәшаҳаҭра ашьақәырӷәӷәара иаҿагыланы рыбжьқәа арҭеит.
Адокумент ҩ-миллиард мааҭ иреиҵамкәа аинвестициатә мҽхак змоу апроектқәа назыгӡо Урыстәылатәи анаплакҩцәа рзы альготақәа азыԥхьагәанаҭоит.
Ԥхынҷкәын 6 рзы Урыстәылеи Аԥсни рҳәааҿы ацитрус карантинтә хәаҷа трипс здырбалаз амандаринақәа рпартиа аҳәаа иахырмыжьит.
Аԥхьа асоциалтә ҳақәа аԥснытәи рсегмент аҿы ицәырҵит ацитрустә шәырқәа рекспорт зынӡа иаанкылахоит ҳәа аинформациа. Аха "Россельхознадзор" уи мап ацәнакит, иагьазгәанаҭеит ақыҭанхамҩатә аалыҵ анҭыҵҟа ашьҭра еснагь еиԥш ишымҩаԥысуа.
Ԥхынҷкәын 7 рзы Аԥсны ақыҭанхамҩа аминистр и.н. Беслан Џьопуа иҳәеит аԥснытәи ацитрустә шәырқәа мҩанызго амашьынақәа Аԥсни Урыстәылеи рҳәааҿы ԥынгылада ишымҩасуа, атрипс егьырҭ аидарақәа рҿы ишырԥымлац.
Ԥхынҷкәын 2 рзы РУСДРАМ аҿы Шьепкин ихьӡ зху атеатртә ҵараиурҭа астудентцәа аспектакль "Ауаҩи уи икәша-мыкәша иҟоуи" ықәдыргылеит.
Аклассик диижьҭеи 95 шықәса аҵра иазкыз аспектакль режиссиорс дыҟан акурс асахьаркыратә напхгаҩы, Урыстәыла зҽаԥсазтәыз артист Алексеи Дубровски. Шьепкинаа ргастрольқәа рымҩаԥгара алыршахеит апрограмма "Агастроль дуқәеи" Урыстәыла акультура аминистрреи рыбзоурала.
Ахәаԥшцәа иреиӷьу аспектакль ҳәа иалыркааит "Ахьча Махаз". Аспектакль арежиссиор Олесиа Невмержицкаиа даиааит аноминациа "Иреиӷьу арежиссиортә усумҭа" аҿы.
Иреиӷьу ахаҵа ироль ҳәа иалыркааит сер Џьон Фальстаф ироль "Виндзортәи аҳәатәхамҵақәа". Уи дыхәмарит Кирилл Шишкин. Анна Гиурегиан аноминациа "Иреиӷьу аԥҳәыс лроль" аҿы даиааит Аманда Уингфрид "Исаркьалыху агагшәыгҭакырҭа" аҿы лроль азы.
Аҩбатәи аплан арольқәа рзы аиааира ргеит Милана Ломиаԥҳаи Емиль Петрови.
Витали Қацәба аиааира игеит "Иреиӷьу асахьаҭыхыҩ-ақәыргылаҩ иусура" аҿы, Ирина Уколова — аноминациа "Иреиӷьу акостиумқәа рзы асахьаҭыхыҩ иусура", Илларион Пасаниа — аноминациа "Иреиӷьу алашаразы асахьаҭыхыҩ иусура".
Ԥхынҷкәын 7 рзы РУСДРАМ ихыркәшахеит арежиссиортә лабораториа "Сандро".
Атеатр актиорцәеи Шьепкин ихьӡ зху аинститут астудентцәеи ахәаԥшцәа ирыдыргалеит аԥсуа классикцәа рҩымҭақәа рыла иҟаҵоу аескизқәа ԥшьба: Џьума Аҳәба иҩымҭа "Аҵыҵындра", Шьалодиа Аџьынџьал иҩымҭа "Амзаҿа ангыло", Фазиль Искандер иҩымҭақәа "Амшын лакәи" "Тали - Чегемтәи аџьашьахәи".
Аспектакльқәа рышьҭахь, атеатр афоие аҿы ахцәажәара мҩаԥысуан. Аҵыхәтәаны ахәаԥшцәа зегь реиҳа иргәаԥхаз аспектакль рыбжьқәа арҭеит.
Абжьыҭара алҵшәақәа мышқәак рышьҭахь ирылаҳәахоит. Еиҳаны абжьы зауз аескиз 2025 ашықәсазы инаӡоу спектакльны иқәыргылахоит.
Ԥхынҷкәын 7 рзы, Аҟәа Аршба имҩаду аҿы (уаанӡа Сахаров – азгә.) 1914 шықәсазы идыргылаз ԥыхьатәи аферментациатә зауад ахыбра ықәыргарц рҽазыршәеит. Аҭоурыхтә культуратә баҟақәа рыхьчаразы аҳәынҭқарратә усбарҭа аиҳабы Гарри Сангәлиа Sputnik иазеиҭеиҳәеит XX -тәи ашәышықәса алагамҭаз иргылаз ахыбра Аҭоурыхтә культуратә баҟақәа рсиа ишахыԥхьаӡалоу, иҷыдоу азин ыҟамкәа ақәгара шалымшо. Аусбарҭа иалшеит аҭагылазаашьақәа зегьы еилкаахаанӡа ахыбра ақәгара аанкылара.
Сангәлиа иара убас инаҵшьны иазгәеиҭеит Аҭоурыхтә культуратә баҟақәа рыхьчаразы аҳәынҭқарратә усбарҭа адҵа шыҟанаҵо, аԥхасҭа зырҭаз ахыбра аиҭашьақәыргылараз.
Аха ԥхынҷкәын 8 рзы ахыбра зегь дара роуп, иқәыргеит. Аҟәа ақалақь апрокуратура аҳәамҭа ҟанаҵеит ари аус азы аматериалқәа ҭҵааны ахәшьара шанаҭо азы.
