https://sputnik-abkhazia.info/20241216/sputnik-amchybzh-afymtsamch-krizis-alasharaz-aameikhsha-yts-auaazhlarrat-palatay-ailatara-1053154849.html
Sputnik амчыбжь: афымцамч кризис, алашараз аамҭеихша ҿыц, Ауаажәларратә Палатаҿы аилатәара
Sputnik амчыбжь: афымцамч кризис, алашараз аамҭеихша ҿыц, Ауаажәларратә Палатаҿы аилатәара
Sputnik Аҧсны
Аинформациатә маҵзура Sputnik есымчыбжьатәи ахҳәаа еиқәнаршәеит ареспублика аҿы ԥхынҷкәынмза 9 инаркны 15 рҟынӡа имҩаԥысыз акыр зҵазкуа ахҭысқәа рзы. 16.12.2024, Sputnik Аҧсны
2024-12-16T09:00+0300
2024-12-16T09:00+0300
2024-12-16T09:00+0300
аԥсны
ажәабжьқәа
https://cdnn1.img.sputnik-abkhazia.info/img/07e7/04/0e/1045278123_0:218:2867:1831_1920x0_80_0_0_db465b3151f99ab0686a3dac8480b536.jpg
SputnikАенергетикатә кризисАмчыбжь иалагӡаны ареспубликаҿы алашара арцәараз аамҭеихша ҩынтә аҽаԥсахит. Ԥхынҷкәынмза 9 инаркны афымцамч аашьҭра ҽынла 4 сааҭи 40 минуҭи рҟынӡа иркьаҿын. Ԥхынҷкәынмза 11 инаркны амш аҩныҵҟа афымцамч аашьҭра 2 сааҭки 48 минуҭи рҟынӡа идыркьаҿит.Џьуартәи аӡеизакырҭаҿы аӡы ахьмаҷу инамаданы, ЕгрыГЕС иахәҭоу афымцамч ала ареспублика аиқәыршәара алшаӡом. Атәыла анапхгара ауааԥсыра уахынла алашара рыҭаразы Урыстәылантәи акоммерциатә хәыԥсала афымцамч аахәара иаҿуп. Аҭагылазаашьа еицәартәуеит изакәантәым акриптовалиута арҳаразы иқәдыргыло амаининг-фермақәа.“Аҭагылазаашьа уадаҩуп, абонентцәа рахь ааԥхьарақәа шыҟаҳҵогьы, есыҽны амаинингқәа русура ааԥшуеит”, - ҳәа азгәеиҭеит иара.Ашколқәеи ахәышәтәырҭатә усбарҭақәеи аенергетикатә кризис аанԤхынҷкәынмза 9 азы Гәдоуҭа араион аҿы ихадоу аструктурақәа русура анагӡаразы аштаб еиҿкаан.Аштаб аҿы аҵараиурҭақәеи амедицинатә усбарҭақәеи русура, ауааԥсыра чала реиқәыршәара, абанктә система аусура ахылаԥшра мҩаԥысуеит.Алашара арцәара инамаданы, Аԥсны аминистрцәа Реилазаара ашколқәеи ахәыҷбаҳчақәеи мчыбжьык иаркхоит ҳәа адырра ҟанаҵеит. Анаҩс аиҳабыра иазгәарҭеит ари аинформациа абжьгаратә ҟазшьа шамаз. Аҵараиурҭақәа русура иацырҵеит.Аԥсны амедицинатә усбарҭақәа зегьы русура нарыгӡоит. Урҭ адизельтә генераторқәеи абылтәи рыла еиқәыршәоуп.Ареспубликатәи ахәыҷтәи хәышәтәырҭақәа рҿы, акьыбачымазаратә центр аҿы, аинфекциатә хәышәтәырҭаҿы, ареанимациатә ҟәшақәа ахьыҟоу Аҟәатәи ақалақьтә хәышәтәырҭа №2 рҿы, иара убас, Ареспубликатә ԥсихиатриатә хәышәтәырҭаҿы иааиԥмырҟьаӡакәа агенераторқәа аус руеит.Очамчыратәи ахәышәтәырҭа аламҵакәа, араионтә медицинатә усбарҭақәа зегьы афымцамч аныҟам аамҭазы автономла алашара роуртә еиқәыршәоуп. Очамчыратәи ахәышәтәырҭаҿы адизельтә генератор аремонт иаҿуп ҳәа Sputnik иазеиҭеиҳәеит Агәабзиарахьчара аминистр и.н. Едуард Быҭәба. Убри аан, иара иажәақәа рыла, афымцамч аекономиа хымԥадатәиуп, избан акәзар, адизельтә генераторқәа рхатәы ресурс рымоуп, иааиԥмырҟьаӡакәа ахархәара роур, иԥхасҭахар алшоит.Аҳақьым хадацәа анапынҵа рыҭоуп еиҷаҳаны афымцамч ахархәара арҭаларц.Абиуџьеттә усзуҩцәа руалафахәқәаԤхынҷкәын 9 азы афинансқәа рминистр и.н. Владимир Делба адырра ҟаиҵеит, афинансқәа Рминистрра азинхьчаратә усбарҭақәа русзуҩцәа руалафахәы ашәаразы аԥаратә хархәагақәа шазоурыжьыз, анаҩс: амиграциатә Маҵзура, Иҷыдоу аҭагылазаашьақәа Рминистрра, ашәахтәқәеи абаџьқәеи Рминистрра, Аҳәынҭқарратә ҳазылхратә Еилакы ауалафахәы роуеит, Ашәарақәа рзы ахԥатәи ашьаҿа ҟаҵахоит асоциалтә усзуҩцәа рганахь ала.Иара иазгәеиҭеит, ауалафахәы ашәаразы аҭагылазаашьа шыуадаҩу, аха ахылаԥшра шалшо.Аԥсыӡ азы аквотаАԥсны Аминистрцәа реилазаара аилатәараҿы 2024-2025 шықәса, ҭагалан-аӡынтәи аамҭахәҭаан акразы ззин ыҟоу аԥсыӡкреи аквотақәа рымҽхаки шьақәнарӷәӷәеит.Акра ҟалоит:Хазы игоу ақәҵарала ишьақәырӷәӷәоуп аӡатә биологиатә ресурсқәа рхархәаразы аԥарашәара: тоннак аԥсардаҳан азы 1050 мааҭ инаркны тоннак ашәиаҟ-калкан азы 80000 мааҭ рҟынӡа.Амилаҭтә Банк ахантәаҩы ҩаԥхьа далхупБеслан Бараҭелиа ҩаԥхьа Аԥсны Амилаҭтә банк ахантәаҩыс далхуп ԥхынҷкәын 11 рзы.Маӡалатәи абжьыҭираан иара икандидатура 25-ҩык адепутатцәа еицҿакны иадгылеит.РУСДРАМ аҿы "Аҵыҵындра"Аурыс театр аҿы арежиссиортә лабораториа “Сандро” аихшьаалақәа ҟарҵеит, иара ԥхынҷкәынмза 2 инаркны 7 рҟынӡа имҩаԥысуан. Атеатр анапхгара ахәаԥшцәеи ахеилаки ргәаанагара хшыҩзышьҭра рҭаны, Џьума Аҳәба иҩымҭа “Аҵыҵындра” шьаҭас измаз аескиз алырхит.Џьума Аҳәба иажәабжь ала иқәыргылоу аспектакль "Аҵыҵындра" аԥхьарбара ҟалоит РУСДРАМ аҿы жәабран 8-9 рзы.
https://sputnik-abkhazia.info/20241211/alashara-aushra-aameikhsha-yts-alagaloup-1053132050.html
https://sputnik-abkhazia.info/20241210/asnyti-ashkolei-akhybachaei-rny-aarat-protsess-abzhaaneish-imaysueit-1053120727.html
https://sputnik-abkhazia.info/20241215/byba-asny-ameditsinat-usbaraa-adizelt-generatorei-abylti-ryla-eiyrshoup-1053154548.html
https://sputnik-abkhazia.info/20241213/aspektakl-ayyndra-akharbara-aloit-rusdram-ay-zhabran-8-9-rzy-1053144078.html
Sputnik Аҧсны
media@sputniknews.com
+74956456601
MIA „Rossiya Segodnya“
2024
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Sputnik амчыбжь: афымцамч кризис, алашараз аамҭеихша ҿыц, Ауаажәларратә Палатаҿы аилатәара
Аинформациатә маҵзура Sputnik есымчыбжьатәи ахҳәаа еиқәнаршәеит ареспублика аҿы ԥхынҷкәынмза 9 инаркны 15 рҟынӡа имҩаԥысыз акыр зҵазкуа ахҭысқәа рзы.
Амчыбжь иалагӡаны ареспубликаҿы алашара арцәараз аамҭеихша ҩынтә аҽаԥсахит. Ԥхынҷкәынмза 9 инаркны афымцамч аашьҭра ҽынла 4 сааҭи 40 минуҭи рҟынӡа иркьаҿын. Ԥхынҷкәынмза 11 инаркны амш аҩныҵҟа афымцамч аашьҭра 2 сааҭки 48 минуҭи рҟынӡа идыркьаҿит.
Џьуартәи аӡеизакырҭаҿы аӡы ахьмаҷу инамаданы, ЕгрыГЕС иахәҭоу афымцамч ала ареспублика аиқәыршәара алшаӡом. Атәыла анапхгара ауааԥсыра уахынла алашара рыҭаразы Урыстәылантәи акоммерциатә хәыԥсала афымцамч аахәара иаҿуп. Аҭагылазаашьа еицәартәуеит изакәантәым акриптовалиута арҳаразы иқәдыргыло амаининг-фермақәа.
"Амшынеиқәафымцамч" аиҳабы Ҭимур Џьынџьал иажәақәа рыла, ареспублика ЕгрыГЕС аҟынтәи ҽнак аҩныҵҟа 2,1 миллион кВт-сааҭ аиуеит, аха акриптовалиута амаининг ари анорма абжа агоит.
“Аҭагылазаашьа уадаҩуп, абонентцәа рахь ааԥхьарақәа шыҟаҳҵогьы, есыҽны амаинингқәа русура ааԥшуеит”, - ҳәа азгәеиҭеит иара.
Ашколқәеи ахәышәтәырҭатә усбарҭақәеи аенергетикатә кризис аан
Ԥхынҷкәынмза 9 азы Гәдоуҭа араион аҿы ихадоу аструктурақәа русура анагӡаразы аштаб еиҿкаан.
Аштаб аҿы аҵараиурҭақәеи амедицинатә усбарҭақәеи русура, ауааԥсыра чала реиқәыршәара, абанктә система аусура ахылаԥшра мҩаԥысуеит.
Алашара арцәара инамаданы, Аԥсны аминистрцәа Реилазаара ашколқәеи ахәыҷбаҳчақәеи мчыбжьык иаркхоит ҳәа адырра ҟанаҵеит. Анаҩс аиҳабыра иазгәарҭеит ари аинформациа абжьгаратә ҟазшьа шамаз. Аҵараиурҭақәа русура иацырҵеит.
Аԥсны амедицинатә усбарҭақәа зегьы русура нарыгӡоит. Урҭ адизельтә генераторқәеи абылтәи рыла еиқәыршәоуп.
Ареспубликатәи ахәыҷтәи хәышәтәырҭақәа рҿы, акьыбачымазаратә центр аҿы, аинфекциатә хәышәтәырҭаҿы, ареанимациатә ҟәшақәа ахьыҟоу Аҟәатәи ақалақьтә хәышәтәырҭа №2 рҿы, иара убас, Ареспубликатә ԥсихиатриатә хәышәтәырҭаҿы иааиԥмырҟьаӡакәа агенераторқәа аус руеит.
Очамчыратәи ахәышәтәырҭа аламҵакәа, араионтә медицинатә усбарҭақәа зегьы афымцамч аныҟам аамҭазы автономла алашара роуртә еиқәыршәоуп. Очамчыратәи ахәышәтәырҭаҿы адизельтә генератор аремонт иаҿуп ҳәа Sputnik иазеиҭеиҳәеит Агәабзиарахьчара аминистр и.н. Едуард Быҭәба. Убри аан, иара иажәақәа рыла, афымцамч аекономиа хымԥадатәиуп, избан акәзар, адизельтә генераторқәа рхатәы ресурс рымоуп, иааиԥмырҟьаӡакәа ахархәара роур, иԥхасҭахар алшоит.
Аҳақьым хадацәа анапынҵа рыҭоуп еиҷаҳаны афымцамч ахархәара арҭаларц.
Абиуџьеттә усзуҩцәа руалафахәқәа
Ԥхынҷкәын 9 азы афинансқәа рминистр и.н. Владимир Делба адырра ҟаиҵеит, афинансқәа Рминистрра азинхьчаратә усбарҭақәа русзуҩцәа руалафахәы ашәаразы аԥаратә хархәагақәа шазоурыжьыз, анаҩс: амиграциатә Маҵзура, Иҷыдоу аҭагылазаашьақәа Рминистрра, ашәахтәқәеи абаџьқәеи Рминистрра, Аҳәынҭқарратә ҳазылхратә Еилакы ауалафахәы роуеит, Ашәарақәа рзы ахԥатәи ашьаҿа ҟаҵахоит асоциалтә усзуҩцәа рганахь ала.
Иара иазгәеиҭеит, ауалафахәы ашәаразы аҭагылазаашьа шыуадаҩу, аха ахылаԥшра шалшо.
“Ҳазҭоу аамҭазы иҟоу аресурсқәа рхархәарала апроблема аӡбара мҩаԥысуеит, ҳуалԥшьақәа рынагӡаразы аусура иацаҳҵоит”, - ҳәа азгәеиҭеит Делба.
Аԥсны Аминистрцәа реилазаара аилатәараҿы 2024-2025 шықәса, ҭагалан-аӡынтәи аамҭахәҭаан акразы ззин ыҟоу аԥсыӡкреи аквотақәа рымҽхаки шьақәнарӷәӷәеит.
егьырҭ аԥсыӡхкқәа — 50 тонна.
Хазы игоу ақәҵарала ишьақәырӷәӷәоуп аӡатә биологиатә ресурсқәа рхархәаразы аԥарашәара: тоннак аԥсардаҳан азы 1050 мааҭ инаркны тоннак ашәиаҟ-калкан азы 80000 мааҭ рҟынӡа.
Амилаҭтә Банк ахантәаҩы ҩаԥхьа далхуп
Беслан Бараҭелиа ҩаԥхьа Аԥсны Амилаҭтә банк ахантәаҩыс далхуп ԥхынҷкәын 11 рзы.
Маӡалатәи абжьыҭираан иара икандидатура 25-ҩык адепутатцәа еицҿакны иадгылеит.
Аурыс театр аҿы арежиссиортә лабораториа “Сандро” аихшьаалақәа ҟарҵеит, иара ԥхынҷкәынмза 2 инаркны 7 рҟынӡа имҩаԥысуан. Атеатр анапхгара ахәаԥшцәеи ахеилаки ргәаанагара хшыҩзышьҭра рҭаны, Џьума Аҳәба иҩымҭа “Аҵыҵындра” шьаҭас измаз аескиз алырхит.
Џьума Аҳәба иажәабжь ала иқәыргылоу аспектакль "Аҵыҵындра" аԥхьарбара ҟалоит РУСДРАМ аҿы жәабран 8-9 рзы.
