https://sputnik-abkhazia.info/20241226/eitsyrdyrua-akhya-chamagua-zhlar-rartist-shalua-gytsba-izkny--1053259636.html
Еицырдыруа ахьыӡқәа: Чамагәуа Жәлар рартист Шьалуа Гыцба изкны
Еицырдыруа ахьыӡқәа: Чамагәуа Жәлар рартист Шьалуа Гыцба изкны
Sputnik Аҧсны
Аԥсны Жәлар рартист, "Ахьӡ-Аԥша" Аорден II аҩаӡара занашьоу Шьалуа Ҷыф-иԥа Гыцба асценаҿы иаԥиҵаз ахаҿсахьақәа, иуаҩра, арадио Sputnik аефир аҟны дрылацәажәеит... 26.12.2024, Sputnik Аҧсны
2024-12-26T10:40+0300
2024-12-26T10:40+0300
2024-12-26T10:47+0300
арадио
аԥсны
аподкаст
https://cdnn1.img.sputnik-abkhazia.info/img/07e8/0c/19/1053259739_0:0:3067:1725_1920x0_80_0_0_cf74571d0fa779a2f17943265fe096d1.jpg
Еицырдыруа ахьыӡқәа: Чамагәуа Жәлар рартист Шьалуа Гыцба изкны
Sputnik Аҧсны
Еицырдыруа ахьыӡқәа: Чамагәуа Жәлар рартист Шьалуа Гыцба изкны
Абаҩхатәра ду злаз Жәлар рартист Шьалуа Гыцба аспектакльқәа рҟны ахаҿсахьақәа жәпакы ааирԥшхьан, дрылахәын убасгьы акинопроектқәа. Еиуеиԥшым аамҭақәа рзы Шьалуа Ҷыф-иԥа напхгара рзиуан адраматә гәыԥқәеи жәлар ртеатрқәеи. Аҵыхәтәантәи ашықәсқәа рзы абиԥара ҿа иаҵанкуа артистцәа реиҵааӡара дацхраауан.Шьалуа Гыцба изанааҭ иазнеишьа акыр аҵанакуан, имҽхак ҭбаан, дуаҩы лашан, иара иеиԥш артистцәа ԥсра рықәым ҳәа азгәеиҭеит актиор Ҭемраз Чамагәуа."Шьалуа ԥсабарала дуаҩы лашан. Раԥхьаӡа асценаҟны дызбеит 1972 шықәсазы, ҳастудентцәаны аҵара ҳҭан, Москваҟа раԥхьатәи аныҟәара ыҟан. Нелли Ешба лрепертуар зегьы лыманы Москва ҳнеиуан. "Дон Карлос" ҳәа аспектакль бзиа ыҟан, убри аҟны ауп раԥхьа дахьызбаз… Москва "атеатртә Мекка" ҳәа иахьашьҭоу ахәаԥшцәа дыршанхо анубалак, убасҟан ауп атеатр аҵакы еилукаауа уаналаго. Абас ҵакыла иныҟәазгоз абиԥаран дара адуқәа. "Отелло" ҳәа ҳамҳәои Лео (Касланӡиа - аред.) изы, "Иаго" ҳамҳәои Шәарах (Ԥачалиа - аред.) изы, Минадора (Зыхәба - аред.) лзы "Медеиа" ҳамҳәои, абас зегьы хаҭа-хаҭаны иҟан Нурбеи (Камкьиа - аред.) иоума, Шьалуа (Гыцба - аред.) иоума. Иааихәмаруаз зегьы аԥсы ахан. Насгьы рзанааҭ азнеишьа аума аҵанакуан… Шьалуа дызлаз абиԥарала ауп ҳзааӡоу зегьы", - иҳәеит Чамагәуа.Аицәажәара инеиҵыхны ишәаҳар шәылшоит аудиофаил аҟны хыхь.89 шықәса ирҭагылаз артист Шьалуа Гыцба иԥсҭазаара зегьы Аԥсуа театр иазкын. Асценаҿы иаԥиҵаз еиуеиԥшым арольқәеи ахаҿсахьақәеи атеатр аҭоурых аҿы иаанхоит – Смирнов (А. П. Чехов иҩымҭа "Амшә"), Маркиз де Поза (Ф. Шиллер иҩымҭа "Дон Карлос"), Дон Алонсо (П. Кальдерон, "Дон Алонсо"), Алиас Смырба (Г. Габуниа, "Амра агыламҭаз"), Осман (Р. Гамзатов, "Ашьха ҭыԥҳа"), Дудкин (А. Островски, "Харада ахара зыдҵоу") уҳәа убас егьырҭгьы. Аспектакльқәа рнаҩсгьы, дрылахәын еиуеиԥшым акинопроектқәа – "Робинзон Крузо", "Амзаҿа ангыло", "Иԥшьоу ажьира асаркьал".
Sputnik Аҧсны
media@sputniknews.com
+74956456601
MIA „Rossiya Segodnya“
2024
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, аподкаст, аудио
Еицырдыруа ахьыӡқәа: Чамагәуа Жәлар рартист Шьалуа Гыцба изкны
10:40 26.12.2024 (ирҿыцуп: 10:47 26.12.2024) Аԥсны Жәлар рартист, "Ахьӡ-Аԥша" Аорден II аҩаӡара занашьоу Шьалуа Ҷыф-иԥа Гыцба асценаҿы иаԥиҵаз ахаҿсахьақәа, иуаҩра, арадио Sputnik аефир аҟны дрылацәажәеит Аԥсны Зҽаԥсазтәыз артист Ҭемраз Чамагәуа.
Абаҩхатәра ду злаз Жәлар рартист Шьалуа Гыцба аспектакльқәа рҟны ахаҿсахьақәа жәпакы ааирԥшхьан, дрылахәын убасгьы акинопроектқәа. Еиуеиԥшым аамҭақәа рзы Шьалуа Ҷыф-иԥа напхгара рзиуан адраматә гәыԥқәеи жәлар ртеатрқәеи. Аҵыхәтәантәи ашықәсқәа рзы абиԥара ҿа иаҵанкуа артистцәа реиҵааӡара дацхраауан.
Шьалуа Гыцба изанааҭ иазнеишьа акыр аҵанакуан, имҽхак ҭбаан, дуаҩы лашан, иара иеиԥш артистцәа ԥсра рықәым ҳәа азгәеиҭеит актиор Ҭемраз Чамагәуа.
"Шьалуа ԥсабарала дуаҩы лашан. Раԥхьаӡа асценаҟны дызбеит 1972 шықәсазы, ҳастудентцәаны аҵара ҳҭан, Москваҟа раԥхьатәи аныҟәара ыҟан. Нелли Ешба лрепертуар зегьы лыманы Москва ҳнеиуан. "Дон Карлос" ҳәа аспектакль бзиа ыҟан, убри аҟны ауп раԥхьа дахьызбаз… Москва "атеатртә Мекка" ҳәа иахьашьҭоу ахәаԥшцәа дыршанхо анубалак, убасҟан ауп атеатр аҵакы еилукаауа уаналаго. Абас ҵакыла иныҟәазгоз абиԥаран дара адуқәа. "Отелло" ҳәа ҳамҳәои Лео (Касланӡиа - аред.) изы, "Иаго" ҳамҳәои Шәарах (Ԥачалиа - аред.) изы, Минадора (Зыхәба - аред.) лзы "Медеиа" ҳамҳәои, абас зегьы хаҭа-хаҭаны иҟан Нурбеи (Камкьиа - аред.) иоума, Шьалуа (Гыцба - аред.) иоума. Иааихәмаруаз зегьы аԥсы ахан. Насгьы рзанааҭ азнеишьа аума аҵанакуан… Шьалуа дызлаз абиԥарала ауп ҳзааӡоу зегьы", - иҳәеит Чамагәуа.
Аицәажәара инеиҵыхны ишәаҳар шәылшоит аудиофаил аҟны хыхь.
89 шықәса ирҭагылаз артист Шьалуа Гыцба иԥсҭазаара зегьы Аԥсуа театр иазкын. Асценаҿы иаԥиҵаз еиуеиԥшым арольқәеи ахаҿсахьақәеи атеатр аҭоурых аҿы иаанхоит – Смирнов (А. П. Чехов иҩымҭа "Амшә"), Маркиз де Поза (Ф. Шиллер иҩымҭа "Дон Карлос"), Дон Алонсо (П. Кальдерон, "Дон Алонсо"), Алиас Смырба (Г. Габуниа, "Амра агыламҭаз"), Осман (Р. Гамзатов, "Ашьха ҭыԥҳа"), Дудкин (А. Островски, "Харада ахара зыдҵоу") уҳәа убас егьырҭгьы. Аспектакльқәа рнаҩсгьы, дрылахәын еиуеиԥшым акинопроектқәа – "Робинзон Крузо", "Амзаҿа ангыло", "Иԥшьоу ажьира асаркьал".
