Ашықәс Sputnik аблала: Амилаҭтә галереиа афонд абылреи, афестивали аҿагыларатә акциақәеи

📎 Аԥсны асахьаҭыхыҩцәа реидгыла ахыбра блит ажьырныҳәа 20-21 руха. Ахыбра ргылан 1912 шықәсазы, иара аҭоурых-культуратә ҭынха ахыбрақәа ирхыԥхьаӡалоуп. Аҩбатәи аихагыла зынӡа иблит, актәи аҟны -Ацәыргақәҵатә зал ахьыҟаз аӡы хыҵәеит.

Амилаҭтә сахьаҭыхымҭақәа ргалереиа афонд иамаз 4000 сахьаҭыхымҭа блит — аиқәырхара зылшаз 200 сахьа роуп, урҭ рхыԥхьаӡараҿы Варвары Бубнова лусумҭақәа ҩба. Абылра ашьҭахь ахыбра арыцқьарақәеи аилыргарақәеи мышқәак ҵуеит имҩаԥысуеижьҭеи. Александр Чачба-Шервашиӡе иусумҭақәа рыдагьы, абылра ахьыҟалаз ирԥыхьашәеит Валентина Хәырхәмалԥҳа илнапкымҭаз адекоративтә скульптурақәеи адекоративтә саанқәеи.

Асахьаҭыхыҩцәа реидгыла ахыбра абылра иацәынхаз аусумҭақәа рахьтә 80% аконсервациа рзура алшеит. Урыстәылатәи ареставраторцәа Аԥсныҟа иааит. Аспециалистцәа раԥхьа аинвентаризациа мҩаԥыргароуп асахьақәа иааидкыланы ирзутәу аилкааразы - иаарласӡаны ареставрациа рзутәу, "Аконсервациа" аҭыԥан ирзутәу. Асахьақәа ирыхәаԥшуеит, рфото ҭырхуеит, урҭ усс ирыдулатәу азгәарҭоит.

Аԥсни Урыстәылеи рзинхьчаратә усбарҭақәа атактикатә ҽазыҟаҵарақәа еицымҩаԥыргоит Риҵатәи амилаҭтә парк аҳәынҭдача аҵакыраҿы. Атеррористҿагыларатәии аиқәырхаратәии зыҟаҵарақәа ирылахуп Аԥсны АҩАР, АҶА, АҳәАМ, АШәМ, иара убас Урыстәылатәи АҩАР, Росгвардиа, АШәМ.

Зимой на озере Скурча тренировалась молодежная сборная России по гребле на байдарках и каноэ.

Аԥсны 2024 шықәса Дырмит Гәлиа ишықәсны ирылаҳәан. Аԥсуа сахьаркыратә литература ауасхыр азышьҭаҵаҩ, аԥсуа "Анбан" аиқәыршәаҩ, арҵаҩы, арккаҩы, раԥхьатәи аԥсуа ҭҵаарадырратә усумҭақәа равтор, раԥхьатәи аԥсуа газеҭ "Аԥсны" аредактор, раԥхьатәи атеатртә труппа аиҿкааҩ Дырмит Иасыф-иԥа Гәлиа диижьҭеи 150 шықәса ҵит. Дырмит Гәлиа иажәеинраала "Арԥызбеи Аԥҳәызбеи рысалам шәҟәы" иалху аспектакль "Иареи Лареи" ықәыргалан Аԥсуа драматә театр аҟны.

Иҳаҩсыз ашықәс азы аспорттә хҭысқәагьы рацәан. Аԥсны Ахраҿа хадазы ахәмарра мҩаԥган хәажәкыра 7 рзы Аҟәа. 2023 шықәсазы Аԥсны ачемпионат иаиааиз "Гагреи" 2023 шықәсазы Аԥсны Ахраҿа хада занашьахаз "Динамои" еиԥылеит.

Оҭар Хәынҵариа ихьӡ зху Жәлар рарҳәагақәа роркестр аҳасабырбатә концерт мҩаԥнагеит Аԥснытәи аҳәынҭқарратә филармониаҟны. Ахәаԥшцәа рзы инарыгӡеит аԥсуа жәлар реиԥш, Кавкази адунеи ажәларқәеи рмелодиақәа. Аоркестр инанагӡоз амелодиақәа ашәа ацырҳәеит аԥсуа естрада ашәаҳәаҩцәа.

Ааҧыни Аџьеи рымшныҳәа иазку аҽыбҕаҟазаратә спорт азы аицлабрақәа аатит Кәтол ақыҭан.

Аҽыбҕаҟазаратә спорт азы аицлабрақәа мҩаԥган Дәрыԥшь ақыҭангьы.

Аԥсны ақалақьқәа зегьы рҟны иазгәарҭеит афашизм иаҿагыланы ақәԥараҟны игаз Аиааира 79 шықәса ахыҵра амш. Шәҩыла ауаа иргәаладыршәеит Аџьынџьтәылатә еибашьра Ду аан иҭахаз аҵеицәа.

Кавказтәи аибашьра иалаӡыз ргәалашәара иазкны ауаа мҩасит Аҟәа аԥшаҳәаҿы. Нарҭаа рымца еиқәырҵеит, ашьамаҟа адыркит Аҟәа Амҳаџьырқәа рбаҟа аҿаԥхьа, есышықәса ишыҟарҵо еиԥш. Есышықәса лаҵарамза 21 рзы аԥсуа диаспорақәа адунеи зегь аҿы иазгәарҭоит Кавказтәи аибашьра иалаӡыз ргәалашәара амш. Аԥсуа мҳаџьырқәа рхылҵшьҭрақәа нхоит адунеи атәылақәа 50 рҟны. Зегь реиҳа рхыԥхьаӡара рацәоуп Ҭырқәтәыла.

Ԥсҳәы-Гәымсҭатәи аҳәырԥсарра аҵакыраҟны Кавказтәи абынҽацәқәа рааӡара иалагеит.

Кавказтәи абынҽацә – Кавказ иамоу Ажәеиԥшьаа ирахә зегь иреиҳақәоу ирхыԥхьаӡалоуп. Аԥсқьарцәа ирхырҟьаны 1926 шықәса рзеиԥш Аԥснытәи ашьхақәа рыҟны иамаз абынҽацәқәа аныӡааит, иаанхаз Нхыҵ Кавказтәи ашьхақәа рахь иахыҵны ицеит. Шықәсқәак раԥхьа Жәлар Реизара адепутат Резо Занҭариа иӡбеит Ԥсҳәы-Гәымсҭатәи аҳәырԥсарра аҵакыраҟны ианыӡааз ашәарах реиҭарҿиара. Ростовтәии Кавказтәи аҳәырԥсаррақәа рҟынтәи абынҽацәқәа ааганы ианиҵеит.

Акәашаратә еицлабра Eytsikәashow мҩаԥысит Аԥсны.

Ԥхынгәы 6 рзы Аҟәа ақалақь Амш азгәарҭеит.

Аҟәа — ижәытәӡоу адунеи ақалақьқәа иреиуоуп. Сынтәа уи 2508 шықәса ахыҵит.

Пицундатәи афестиваль мҩаԥысуеит ԥхынгәы 29 инаркны нанҳәа 3 рҟынӡа. Уи иалагӡаны амузыкатә программақәа жәба ҟалоит. Афестиваль ашьаҭаркҩы, асахьаркыратә напхгаҩы — Чаиковски ихьӡ зху аҳәынҭқарратә консерваториа аушьҭымҭа Барас Кәыџба.

Атрагедиа "Антигона" аԥхьарбара мҩаԥысит Аԥсуа ҳәынҭқарратә аҿар ртеатр асценаҿы Аҟәа. Аспектакль афранцыз драматург Жан Ануи ипиеса "Антигона" аҟынтә иаагоуп. Иара 1970-тәи ашықәсқәа раан аԥсшәахь еиҭаргахьан. Ақәыргыламҭа ҿыц азы аредакциа азиуит атеатр аиҳабы Аслан Еныкь.

Аҟәатәи аӡсаратә еицлабра SwimSukhum мҩаԥган. Сынтәатәи аицлабра агәыҳалалра иазкуп — идырҳауа аԥара зегьы Фридонна Аҩӡԥҳа лыхәшәтәра иазырхан. Аӡсаратә еицлабра еиҿыркааит Аԥсны атриатлон азы афедерациеи аилахәыра "А-Мобаили".

Аӡсаразы Аԥсны Ахраҿа агаразы аицлабрақәа мҩаԥган Аҟәа. Аицлабрақәа ирылахәын Аԥсни, Москвеи, Краснодари рҟынтәи 60-ҩык аспортсменцәа.

Амузыкатә фестиваль "Хьыбла Гьерзмааԥҳа шәаалыԥхьоит" Аԥснытәи апрограмма хә-концертк рыла ишьақәгылан.

Аконцертқәа руак мҩаԥган Бедиа.

Арепер Баста иконцерт мҩаҧысит Аҟәа Ахьыҧшымра азхаҵара амш аҳаҭыр азы.

"Аҟәа-марафон" мҩаԥган Аԥсны аҳҭнықалақь аҟны жьҭаара 25-27 рзы. Амарафон аҳәаақәа ирҭагӡаны имҩаԥгахоит амузыкатә фестиваль, амилаҭтә крыфареи амилаҭтә ҩы афестивальқәеи. Аусмҩаԥгатә мҩаԥнагоит аилахәыра "Беговая История" Аԥсны Аҿари аспорти рзы аҳәынҭеилаки Аԥсны атриатлон Афедерациеи рыцхыраарала.

Лыхнашҭа аҽаҩраныҳәа сынтәа имҩаԥган абҵара 3 рзы. Уи 1984 шықәса раахыс еиҿыркаауеит, ҳазҭоу ашықәс азы иара иалахәхоит Гәдоуҭа ақыҭақәеи Афон ҿыц ақалақьи, Ҟарачы-Черқьестәылатәи аделегациеи. Дара иӡырыргоит рхатәы аалыҵ, рҽаҩра, инаргоит рнапкымҭақәа, еиҿыркаауеит ацәыргақәҵақәа. Лыхнашҭа иқәгылоит акәашаратәии авокалтәии аколлективқәа, аԥсуа естрада ашәаҳәаҩцәа, имҩаԥгахоит аҽырыҩреи амилаҭтә хәмаррақәеи.

РУСДРАМ аспектакль ҿыц "Аби аԥацәеи" ықәнаг=ргылеит.

Аҟәа аҿагыларатә қәгыларақәа ԥшьымш ицон, абҵара 18-19 руха ихыркәшахеит, аоппозициеи атәыла аиҳабыреи акыр сааҭ реиҿцәажәарақәа рышьҭахь. Аҳәынҭқарра ахада имаҵураҭыԥ аанижьуеит, аҿагылара зуа аиҳабыратә хыбрақәа ааныжьны иқәҵуеит ҳәа аиқәшаҳаҭра иазкылсит. Аҳәынҭқарра ахада инапынҵақәа неигӡалоит Бадра Гәынба.