https://sputnik-abkhazia.info/20250102/aiaaira-khadaa-asnyti-asportsmentsa-2024-shysazy-iaadyrshyz-alshaa-1053174335.html
Аиааира хадақәа: Аԥснытәи аспортсменцәа 2024 шықәсазы иаадырԥшыз алҵшәақәа
Аиааира хадақәа: Аԥснытәи аспортсменцәа 2024 шықәсазы иаадырԥшыз алҵшәақәа
Sputnik Аҧсны
Ашықәс зегьы иалагӡаны Аԥснытәи аспортсменцәа иреиӷьыз рхыԥхьаӡараҿы изныкымкәа иҟалеит, аспорттә хкқәа жәпакы рҿы жәларбжьаратәи аренаҿы аԥхьахә ҭыԥқәа... 02.01.2025, Sputnik Аҧсны
2025-01-02T10:20+0300
2025-01-02T10:20+0300
2025-01-02T12:09+0300
аԥсны
аԥсны
ажәабжьқәа
аспорт
https://cdnn1.img.sputnik-abkhazia.info/img/07e8/06/17/1051439187_0:0:960:540_1920x0_80_0_0_a60c024d3d8e479510dfbae893ad11f3.jpg
Ашықәс зегьы иалагӡаны Аԥснытәи аспортсменцәа иреиӷьыз рхыԥхьаӡараҿы изныкымкәа иҟалеит, аспорттә хкқәа жәпакы рҿы жәларбжьаратәи аренаҿы аԥхьахә ҭыԥқәа ааныркылеит. Зегь реиҳа ихадоу, акыр зҵазкуа аихьӡарақәа Sputnik Аԥсны аматериал аҟны. Sputnik Абокс аҟны аиааирақәа Аԥснытәи аспортсменцәа риааира хадақәа иреиуоуп абҵарамза 4 рзы ҳџьынџьуаҩ Харитон Агрба Жәларбжьаратәи абокс Афедерациа IBA аверсиа инақәыршәаны 67 кг рҟынӡа зкапануа ркатегориаҿы адунеи ачемпион ҳәа ахьӡ ахьигаз. Аԥснытәи абоксиор IBA ачемпионс дҟалеит, абжьарабжатә капан аҿы америкауаҩ Хосе Валензуела имоу WBA атитул аиуразы хымԥадатәи шьҭазааҩыс дҟалеит. Ҩымз раԥхьа, Харитон Агрба актәи абжьарабжатә капан аҟны IBF Intercontinental, WBA Continental атитулқәа зауз ҳәа ахьӡ игеит, атурнир RCC Boxing Promotions аҿы жәа-раундк рыла имҩаԥысуаз ақәгылараҿы Аргентинеи Латинтәи Америкеи рчемпион, WBC аҩ-Америкеи рконтиненттә чемпион аргентинауаҩ Клаудио Габриел-Данефф дииааины. (21-3-1 KO 9). БРИКС ахәмаррақәа Рашәарамза 12 инаркны 23 рҟынӡа Казань имҩаԥысуаз БРИКС ахәмаррақәа рҿы Аԥснытәи еизгоу акоманда аспорттә хкқәа 13 ахы аланархәит. Акомандатә еицлабрақәа рҿы ареспублика 13-тәи аҭыԥ ааннакылеит. Акоманда аизгақәа ирыҵанакуеит: Ахьы (1) : Герман Арџьениа – абокс Араӡын (1): Рамазан Арапханов – абырзен-римтәи аиқәԥара Хә-џьаз медалк: Ахьӡ-аԥша апиедистал Давид Шьанаа апауерлифтинг азы X Адунеи Ачемпионат аҿы аиааира игеит. Аспортсмен апауерлифтинг адисциплинаҿы иахәҭаз аибыҭара ада дықәгылеит, насгьы адопингтә хылаԥшра иманы дыҟан. Аицлабрақәа лаҵарамза 14 инаркны 17 рҟынӡа Москва ақалақь аҿы имҩаԥысит. Дауҭ Гәыблиа Ханты-Мансииск имҩаԥысуаз ММА азы адунеи Ачемпионат аҿы аџьаз медал игеит. Бразилиа, Қырҭтәыла, Урыстәыла рҟынтәи аспортсменцәа дрындаҭлеит. Раԥхьатәи аҩба рҿы аиааира игеит, аха ахԥатәи аҿы даҵахеит. Ачемпионат Иугра аҳҭнықалақь аҿы абҵарамза 22 инаркны 24 рҟынӡа имҩаԥысит. Баграт Қәҭарба астильзегьтәи карате азы Адунеи Ачемпионат аҿы аџьаз медал игеит. Ачемпионати адунеи аԥхьагылареи абҵарамза 19 инаркны 25 рҟынӡа Ориол ақалақь аҿы имҩаԥысит. Аицлабрақәа 3000 инареиҳаны аспортсменцәа рхы аладырхәит. Инар Кьетиа аррамаҵзурауаа рыгәҭа зых иақәиҭу ақәԥаразы адунеи Ачемпионат аҿы аџьаз медал игеит. 37-тәи Адунеи арратә чемпионат Ереван ақалақь аҿы абҵарамза 20 инаркны 22 рҟынӡа имҩаԥысит. Сандро Цымцба 13-14 шықәса зхыҵуа арԥарцәа рыбжьара абокс азы Европа Ачемпионат аҿы араӡын медал игеит. Ачемпионат мҩаԥысит нанҳәамза анҵәамҭазы Баниа-Лука ақалақь аҿы (Босниа-Герцеговина). Аԥснытәи аспортсменцәа 17-тәи Адунеи ачемпионат аҿы напышьашәалатәи аиндаҭларазы аԥхьахәтә ҭыԥқәа ааныркылеит. Аицлабрақәа абҵарамза 30 инаркны ԥхынҷкәынмза 1 аҟынӡа Ставропольтәи атәылаҿацә ақалақь Ессентуки аҿы имҩаԥысит. Аԥснытәи аспортсменцәа араӡны медалқәа ԥшьба ранашьахеит: Роман Ҭахҭаџьиан – 50+ кг акапантә категориаҿы, Даниил Ес-оӷлы 57 кг зкапануа ркатегориаҿы, Александр Гобечиа 61 кг зкапануа ркатегориаҿы, Рауль Хзарџьиан 66 кг зкапануа ркатегориаҿы. Иааныркылеит ахԥатәи азеиԥшкомандатә ҭыԥ. 13-14 шықәса зхыҵуа аҷкәынцәа рыбжьара абокс азы Урыстәыла Аԥхьахәгараҿы Сандро Цымцба ахьтәы медал игеит, Едгар Депелиан – аџьаз медал. Ачемпионат Москватәи аобласт ақалақь Чехов аҿы имҩаԥысит. Ҳџьынџьуаҩ Ельвира Ҭодуаԥҳа, ЦСКА аҳәса ршьапылампылтә клуб далахәны Урыстәылатәи Суперкубок Winline аиааира лгеит. Ахәмарра Санкт-Петербург астадион "Газпром Арена" аҿы имҩаԥысит рашәарамзазы. Аиндаҭлара хыркәшахеит ЦСКА "Зенит" 1:0 ҳәа аиааирала. Вахтанг Акаба хынтә аолимпиатә чемпион ҳәа ахьӡ згахьаз Александр Медвед игәалашәара иазку жәларбжьаратәи атурнир аҿы аџьаз медал даԥсахеит. Аџьаз азы ақәԥараҿы Ҟазахсҭантәи аспортсмен 1:4 ҳәа дииааит. Аспортсмен 79 кг зкапануа ркатегориа далахәын, Калининград ахьӡала дықәгылон. Атурнир цәыббрамза 20-21 рзы Минск ақалақь аҿы имҩаԥысит. Анард азы Урыстәыла Ачемпионат аҿы Алхас Лагәлааи Ельдар Гәлиеи адисциплина "анард кьаҿқәа ҩыџьа-ҩыџьала" аҿы аиааира ргеит. Аспортсменцәа Краснодартәи атәылаҿацә ахьӡала иқәгылеит. Афинал аҿы урҭ москватәиқәа – Мгер Џьагариан/Манвел Аветисиан ириааит. Аспорттә нард азы Урыстәыла актәи аофициалтә чемпионат жьҭаарамза 14 инаркны 24 рҟынӡа Санкт-Петербург ақалақь аҿы имҩаԥысит. Тамерлан Аҭәмаа панкратион азы Евразиатәи Ачемпионат аҿы араӡны медал игеит. Аицлабрақәа лаҵарамза 11 рзы Москва ақалақь аҿы имҩаԥысит. Жьҭаарамза 4 инаркны 6 рҟынӡа Тула ақалақь аҿы аҳәса рыбжьара ашахматтә композициазы актәи адунеитә чемпионат мҩаԥысит. Атурнир далахәын аԥснытәи ашахматасҩы, аспорт азҟазараз акандидат Сарида Лакәатааԥҳа. Иааизакны аицлабрақәа рхы аладырхәит 28-тәыла рҟынтәи 60-ҩык инареиҳаны аспортсменцәа. Аԥсны 11-тәи аҭыԥ ааннакылеит. Елҟан Гәазаа атлетика хьанҭазы Урыстәыла Ачемпионат аҿы араӡын медал игеит БРИКС ахәмаррақәа рҿы Урыстәыла еизгоу акоманда далахәны аџьаз медал игеит.
https://sputnik-abkhazia.info/20241104/khariton-agrba-aboks-azy-iba-inayrshany-adunei-achempion-a-atitul-daiaait-1052758061.html
https://sputnik-abkhazia.info/20240625/arshba-briks-akhmarraa-rny-asny-aiaraa-iryzkny-eiaasha-amam-1051465688.html
https://sputnik-abkhazia.info/20240624/manargiei-kooniei-briks-azy-shneibats-a-gimn-akhaaz-nasyup-1051458811.html
https://sputnik-abkhazia.info/20241124/dau-gyblia-mma-azy-adunei-achempionat-ay-aaz-medal-dasakheit---1052961205.html
https://sputnik-abkhazia.info/20240810/sandro-tsymtsba-arany-daiaait-evropa-akhakhgarazy-aitslabraan-1051954907.html
https://sputnik-abkhazia.info/20240102/asny-asportt-eikharaa-2023-shysazti-aiaairaa--1049670647.html
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа, аспорт
аԥсны, ажәабжьқәа, аспорт
Ашықәс зегьы иалагӡаны Аԥснытәи аспортсменцәа иреиӷьыз рхыԥхьаӡараҿы изныкымкәа иҟалеит, аспорттә хкқәа жәпакы рҿы жәларбжьаратәи аренаҿы аԥхьахә ҭыԥқәа ааныркылеит. Зегь реиҳа ихадоу, акыр зҵазкуа аихьӡарақәа Sputnik Аԥсны аматериал аҟны.
Аԥснытәи аспортсменцәа риааира хадақәа иреиуоуп абҵарамза 4 рзы ҳџьынџьуаҩ Харитон Агрба Жәларбжьаратәи абокс Афедерациа IBA аверсиа инақәыршәаны 67 кг рҟынӡа зкапануа ркатегориаҿы адунеи ачемпион ҳәа ахьӡ ахьигаз. Аԥснытәи абоксиор IBA ачемпионс дҟалеит, абжьарабжатә капан аҿы америкауаҩ Хосе Валензуела имоу WBA атитул аиуразы хымԥадатәи шьҭазааҩыс дҟалеит.
Ҩымз раԥхьа, Харитон Агрба актәи абжьарабжатә капан аҟны IBF Intercontinental, WBA Continental атитулқәа зауз ҳәа ахьӡ игеит, атурнир RCC Boxing Promotions аҿы жәа-раундк рыла имҩаԥысуаз ақәгылараҿы Аргентинеи Латинтәи Америкеи рчемпион, WBC аҩ-Америкеи рконтиненттә чемпион аргентинауаҩ Клаудио Габриел-Данефф дииааины. (21-3-1 KO 9).
Рашәарамза 12 инаркны 23 рҟынӡа Казань имҩаԥысуаз БРИКС ахәмаррақәа рҿы Аԥснытәи еизгоу акоманда аспорттә хкқәа 13 ахы аланархәит. Акомандатә еицлабрақәа рҿы ареспублика 13-тәи аҭыԥ
ааннакылеит.
Акоманда аизгақәа ирыҵанакуеит:
Ахьы (1) :
Герман Арџьениа – абокс
Араӡын (1): Рамазан Арапханов – абырзен-римтәи аиқәԥара
Даниил Харчлааи Мараҭ Кәакәасқьериеи – зхы иақәиҭу аиқәԥара.
Давид Шьанаа апауерлифтинг азы X Адунеи Ачемпионат аҿы аиааира игеит. Аспортсмен апауерлифтинг адисциплинаҿы иахәҭаз аибыҭара ада дықәгылеит, насгьы адопингтә хылаԥшра иманы дыҟан. Аицлабрақәа лаҵарамза 14 инаркны 17 рҟынӡа Москва ақалақь аҿы имҩаԥысит.
Дауҭ Гәыблиа Ханты-Мансииск имҩаԥысуаз ММА азы адунеи Ачемпионат аҿы аџьаз медал игеит. Бразилиа, Қырҭтәыла, Урыстәыла рҟынтәи аспортсменцәа дрындаҭлеит. Раԥхьатәи аҩба рҿы аиааира игеит, аха ахԥатәи аҿы даҵахеит. Ачемпионат Иугра аҳҭнықалақь аҿы абҵарамза 22 инаркны 24 рҟынӡа имҩаԥысит.
Баграт Қәҭарба астильзегьтәи карате азы Адунеи Ачемпионат аҿы аџьаз медал игеит. Ачемпионати адунеи аԥхьагылареи абҵарамза 19 инаркны 25 рҟынӡа Ориол ақалақь аҿы имҩаԥысит. Аицлабрақәа 3000 инареиҳаны аспортсменцәа рхы аладырхәит.
Инар Кьетиа аррамаҵзурауаа рыгәҭа зых иақәиҭу ақәԥаразы адунеи Ачемпионат аҿы аџьаз медал игеит. 37-тәи Адунеи арратә чемпионат Ереван ақалақь аҿы абҵарамза 20 инаркны 22 рҟынӡа имҩаԥысит.
Сандро Цымцба 13-14 шықәса зхыҵуа арԥарцәа рыбжьара абокс азы Европа Ачемпионат аҿы араӡын медал игеит. Ачемпионат мҩаԥысит нанҳәамза анҵәамҭазы Баниа-Лука ақалақь аҿы (Босниа-Герцеговина).
Аԥснытәи аспортсменцәа 17-тәи Адунеи ачемпионат аҿы напышьашәалатәи аиндаҭларазы аԥхьахәтә ҭыԥқәа ааныркылеит. Аицлабрақәа абҵарамза 30 инаркны ԥхынҷкәынмза 1 аҟынӡа Ставропольтәи атәылаҿацә ақалақь Ессентуки аҿы имҩаԥысит. Аԥснытәи аспортсменцәа араӡны медалқәа ԥшьба ранашьахеит: Роман Ҭахҭаџьиан – 50+ кг акапантә категориаҿы, Даниил Ес-оӷлы 57 кг зкапануа ркатегориаҿы, Александр Гобечиа 61 кг зкапануа ркатегориаҿы, Рауль Хзарџьиан 66 кг зкапануа ркатегориаҿы. Иааныркылеит ахԥатәи азеиԥшкомандатә ҭыԥ.
13-14 шықәса зхыҵуа аҷкәынцәа рыбжьара абокс азы Урыстәыла Аԥхьахәгараҿы Сандро Цымцба ахьтәы медал игеит, Едгар Депелиан – аџьаз медал. Ачемпионат Москватәи аобласт ақалақь Чехов аҿы имҩаԥысит.
Ҳџьынџьуаҩ Ельвира Ҭодуаԥҳа, ЦСКА аҳәса ршьапылампылтә клуб далахәны Урыстәылатәи Суперкубок Winline аиааира лгеит. Ахәмарра Санкт-Петербург астадион "Газпром Арена" аҿы имҩаԥысит рашәарамзазы. Аиндаҭлара хыркәшахеит ЦСКА "Зенит" 1:0 ҳәа аиааирала.
Вахтанг Акаба хынтә аолимпиатә чемпион ҳәа ахьӡ згахьаз Александр Медвед игәалашәара иазку жәларбжьаратәи атурнир аҿы аџьаз медал даԥсахеит. Аџьаз азы ақәԥараҿы Ҟазахсҭантәи аспортсмен 1:4 ҳәа дииааит. Аспортсмен 79 кг зкапануа ркатегориа далахәын, Калининград ахьӡала дықәгылон. Атурнир цәыббрамза 20-21 рзы Минск ақалақь аҿы имҩаԥысит.
Анард азы Урыстәыла Ачемпионат аҿы Алхас Лагәлааи Ельдар Гәлиеи адисциплина "анард кьаҿқәа ҩыџьа-ҩыџьала" аҿы аиааира ргеит. Аспортсменцәа Краснодартәи атәылаҿацә ахьӡала иқәгылеит. Афинал аҿы урҭ москватәиқәа – Мгер Џьагариан/Манвел Аветисиан ириааит. Аспорттә нард азы Урыстәыла актәи аофициалтә чемпионат жьҭаарамза 14 инаркны 24 рҟынӡа Санкт-Петербург ақалақь аҿы имҩаԥысит.
Тамерлан Аҭәмаа панкратион азы Евразиатәи Ачемпионат аҿы араӡны медал игеит. Аицлабрақәа лаҵарамза 11 рзы Москва ақалақь аҿы имҩаԥысит.
Жьҭаарамза 4 инаркны 6 рҟынӡа Тула ақалақь аҿы аҳәса рыбжьара ашахматтә композициазы актәи адунеитә чемпионат мҩаԥысит. Атурнир далахәын аԥснытәи ашахматасҩы, аспорт азҟазараз акандидат Сарида Лакәатааԥҳа. Иааизакны аицлабрақәа рхы аладырхәит 28-тәыла рҟынтәи 60-ҩык инареиҳаны аспортсменцәа. Аԥсны 11-тәи аҭыԥ ааннакылеит.
Елҟан Гәазаа атлетика хьанҭазы Урыстәыла Ачемпионат аҿы араӡын медал игеит БРИКС ахәмаррақәа рҿы Урыстәыла еизгоу акоманда далахәны аџьаз медал игеит.
