Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Шәачатәи аҳазалхыҩцәа Аԥснынтәи Урыстәылаҟа аҭаҭын аиагара аконтрабанда ааныркылеит

© Foto / Сочинская таможняСочинские таможенники пресекли контрабанду сигарет из Абхазии
Сочинские таможенники пресекли контрабанду сигарет из Абхазии - Sputnik Аҧсны, 1920, 12.02.2025
Анапаҵаҩра
АҞӘА, жәабран 12 - Sputnik. Шәачатәи аҳазалхратә усзуҩцәа Аԥснынтәи Урыстәылаҟа аҭаҭын аиагара аконтрабанда ааныркылеит.
Ареспублика иалҵны аҳәаахь инеиз амашьына JETOUR DASHING агәаҭараан, аконтрабанда ахәҭак рыԥшааит аидараҭаҵарҭаҟны апакетқәа ишырҭаз, егьи ахәҭа аԥсахгатә барбал ахьҭоу аҭыԥ аҿы ирыԥшааит. Иааидкыланы урыстәылатәи акцизтә дыргақәа зқәымыз 600 ҭаҭынҭра "KING" рбеит.
Амашьынарныҟәцаҩ иҳәеит урҭ Аԥсны иҟоу адәқьанқәа руак аҿы ихатә хықәкқәа рзы ишааихәаз. Аҭаҭын аалыҵ имхуп. Административтә еилагарақәа рзы аус хацыркуп.
2024 шықәса мшаԥымза 1 инаркны ЕАЕС аҳазалхратә ҳәаа 100 нызқь мааҭ инареиҳаны зыхә ыҟоу арыжәтәи аҭаҭынтә аалыҵқәеи закәандарала риагаразы ашьаустә ҭакԥхықәра шьақәыргылоуп. Хаҭалатәи ахархәаразы 200 сигареҭ, мамзаргьы 50 сигара (сигарилла), мамзаргьы 250 грамм аҭаҭын алагалара азин ыҟоуп.
Ажәабжьқәа зегьы
0