Урыстәыла Аԥсны иацхраауеит акультура ахырхарҭаҿы ирзымхо аспециалистцәа разыҟаҵараҿы
23:40 12.02.2025 (ирҿыцуп: 00:04 13.02.2025)
© Sputnik
Анапаҵаҩра
АҞӘА, жәабран 12 - Sputnik. Урыстәыла Аԥсны ацхыраара анаҭоит ареспубликаҿы акультура ахырхарҭаҿы ззымхара ыҟоу аспециалистцәа разыҟаҵараҿы. Абри азы еиқәшаҳаҭхеит Урыстәыла акультура аминистр Ольга Лиубимовеи Аԥсны акультура аминистр ин.н. Динара Смырԥҳаи реиԥылараан.
"Ҳара ҳахиоуп. Даара акраҵанакуеит еиҳа иқәыԥшу, аҟыбаҩ змоу ахәыҷқәа заа ралкаара. Қәрас иарбан иаҳа ианаало? Ашкол акәу, аучилишье, ма ауниверситет акәу. Шәара ижәдыруеит, ҳҵаратә система убас ахәыҷқәа азыҟанаҵоит, урҭ нас "аоркестр раԥхьатәи аскрипка" ҳәа шырҳәо еиԥш, иреиӷьу рахьтә иреиӷьхо ракәны иазыҟанаҵоит", — лҳәеит Ольга Лиубимова.
Россотрудничество аганахьала заанаҵ аквотақәа азгәаҭахоит, акурсқәагьы хықәкылатәихоит: ахәыҷқәа рҵара анхдыркәшалак ашьҭахь иахьыхынҳәуа хымԥада идырны ирымазаауеит.
