Урыстәыла Аԥсны ацхыраара анаҭоит аԥсуа бызшәа аиқәырхараҿы
15:06 13.02.2025 (ирҿыцуп: 15:10 13.02.2025)
© Sputnik
Анапаҵаҩра
АҞӘА, жәабран 13 - Sputnik. Урыстәыла Аԥсны ацхыраара анаҭоит аԥсуа бызшәа аиқәырхараҿы.
Уи алыршахоит иахьазы иҟоу аурыс бызшәа аҿиара иазку иҷыдоу ацентрқәа рԥышәеи рбазеи рышьаҭала ҳәа азгәалҭеит Урыстәылатәи Афедерациа акультура аминистр Ольга Лиубимова Аԥсны акультура аусзуҩцәа рԥылараҿы.
Иаҭаху — аԥсуа ган аҟынтәи иконкреттәу апроекттә ажәалагалақәа роуп.
"Сгәы иаанагоит, ҳара аус еицаҳуп ҳәа. Иконкреттәу ажәалагалақәа ҟаҵатәуп. Ҳбызшәадырратә центрқәа даара идууп, жәаҳәарада, ацхыраара аҟаҵарагьы иазхиоуп. Ҳара ҳазхәыцроуп ари апроект зеиԥшрахаша. Ари арккаратә усуроуп,ацәыргақәҵаратә усуроуп. Ҳара ҳҟны абаза ыҟоуп, атехникатә лшарақәа ҳамоуп. Ҳара ҳазхиоуп адгылара шәыҭара", — лҳәеит аминистр.
