Адгәыр Арӡынба ибжьы аиҭеит Аԥсны ахада иалхрақәа аҩбатәи ртур аан
13:02 01.03.2025 (ирҿыцуп: 14:07 01.03.2025)
© SputnikКандидат в президенты Абхазии Адгур Ардзинба

© Sputnik
Анапаҵаҩра
АҞӘА, хәажәкыра 1 - Sputnik. Аԥсны ахадарахьы акандидат Адгәыр Арӡынба ибжьы аиҭеит Афон ҿыц иҟоу алхратә ҭыԥ аҿы.
"Сара сыбжьы асҭеит аҭышәынтәаларазы, аҿиаразы, ареформақәа рзы, иаҳа иааигәоу, адинамика зҵоу, ицқьоу Урыстәылатәи Афедерациеи ҳареи ҳаизыҟазаашьақәа рзы, ҳԥеиԥш азы", — ҳәа азгәеиҭеит Арӡынба.
Аԥсны ахада иалхрақәа аҩбатәи ртур мҩаԥысуеит. Ахада имаҵураҭыԥ азы еицлабуеит ҩыџьа акандидатцәа – Бадра Гәынбеи Адгәыр Арӡынбеи.
Алхрақәа мҩаԥысит ҳәа иԥхьаӡахоит алхыҩцәа 25% иреиҵамкәа абжьыҭара рхы аладырхәыр. Алхратә ҭыԥқәа адыркуеит асааҭ 20:00 рзы.