Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Булаев: Алхратә комиссиақәа аус руеит Аԥсны азакәан аҳәаақәа ирҭагӡаны

© Sputnik / Томас ТхайцукВыборы президента Абхазии 2025
Выборы президента Абхазии 2025 - Sputnik Аҧсны, 1920, 01.03.2025
Анапаҵаҩра
АҞӘА, хәажәкыра 1 - Sputnik. Алхратә комиссиақәа аус руеит Аԥсны азакәан аҳәаақәа ирҭагӡаны иара убас, адунеи атәылақәа реиҳарак рҿы иҟоу астандартқәа инарықәыршәаны ҳәа инаҵшьны иазгәеиҭеит Урыстәыла Алхратә комиссиа хада ахантәаҩы ихаҭыԥуаҩ Николаи Булаев.
"Сгәанала, алхрақәа рылҵшәақәа Аԥсны атәылауаа ргәазыҳәарақәа аанарԥшуа иҟалоит, иҟалап иуадаҩхар урҭ рықәшаҳаҭымхар".
Иара иазгәеиҭеит, аҭыԥантәи алхратә комиссиақәа рҟны акандидатцәа рҟынтәи анаԥшыҩцәа рганахь ала згәаҭара шыҟарымҵо.
Урыстәыла Ауаажәларратә палата аҟынтәи анаԥшҩы Алексеи Песков Аԥсны алхрақәа еилыкка, иаартны имҩаԥысуеит ҳәа азгәеиҭеит.
"Абиуллетенқәа реиқәыршәараан акомиссиа алахәылацәа рнаҩсгьы аҩ-кандидатк рҟынтәи анаԥшыҩцәагь рнапы анырҵон. Ари ииашацәҟаны алхрақәа ицқьаны, еилыкка ишымҩаԥысуа аанырԥшуеит", - ҳәа азгәеиҭеит Песков.
Иара иажәақәа рыла, абжьыҭара алҵшәақәеи амҩаԥысшьеи ирнырыр зылшо уадаҩра азгәаҭам. Аусура алҵшәақәа инарықәыршәаны, аихшьаалатә ҳасабырба еиқәыршәахоит.
Ауаа абжьыҭара азҿлымҳара дулла иазнеит, дара алхрақәа рымҩаԥгашьа зегьы еилыкка ирдыруеит ҳәа азгәеиҭеит Урыстәыла Ауаажәларратә палата аҟнытәи анаԥшҩы Александр Асафов.
Иара инаҵшьны иазгәеиҭеит, алхрақәа реиҿкаара ҩаӡара ҳаракыла ишымҩаԥгаз, Алхратә комиссиа хада ахаҭарнакцәеи абжьыҭарҭатә ҭыԥқәа ркомиссиақәа рхаҭарнакцәа активла аус шыруа.
"Алхратә ҭыԥқәа зегьы рҿы иҟоуп: акандидатцәеи, ауаажәларреи, Урыстәыла АКХ-и, 40-тәыла рҟынтәи жәларбжьаратәи анаԥшцәа. Аусмҩаԥгатә аиҩызаратә ҟазшьа аманы имҩаԥысуеит".
Аԥсны имҩаԥысуеит атәыла ахада иалхрақәа аҩбатәи ртур. Алхратә комиссиа хада излаанацҳауа ала, асааҭ 15:00 рзы алхрақәа рхы рыладырхәхьан 43% ауааԥсыра.
Абжьыҭира хыркәшахоит асааҭ 20:00 рзы.
Ажәабжьқәа зегьы
0