Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны АКХ: 70% алхыҩцәа абжьыҭара рхы аладырхәит

© Sputnik / Томас ТхайцукЦИК Абхазии
ЦИК Абхазии - Sputnik Аҧсны, 1920, 01.03.2025
Анапаҵаҩра
АҞӘА, хәажәкыра 1 - Sputnik. 70% алхыҩцәа абжьыҭара рхы аладырхәит ареспублика зегь аҿы, хыԥхьаӡарала иугозар — 100 нызқьҩык рҟынӡа ауаа рыбжьы арҭеит, иҳәеит АКХ ахантәаҩы Дмитри Маршьан.
Москва иҟоу алхратә ҭыԥ аҿы рыбжьы арҭеит х-нызқьҩык инареиҳаны алхыҩцәа, Черқьесск — ҩ-нызқьҩык рҟынӡа. Ари актәи атур аан зыбжьы азҭаз раасҭа еиҳауп ҳәа адырра ҟаиҵеит Маршьан.
Алхырҭатә ҭыԥқәа аамҭаказ асааҭ 08:00 рзы иаадыртит. Абжьыҭаратә сиақәа рҿы иарбан 134 500-ҩык алхыҩцәа. Атәылаҿы иаартын алхырҭатә ҭыԥқәа 152, даҽа ҩба аҳәаанырцә – Москвеи Черқьесски.
Алхрақәа рҟны 25% иреиҵамкәа рыбжьы рҭиир алхрақәа мҩаԥысит ҳәа иԥхьаӡахоит.
Алхратә комиссиа хада излаанацҳауа ала, асааҭ 15:00 рзы алхрақәа рхы рыладырхәхьан 43% ауааԥсыра. Алхрақәа ирылахәын 120-ҩык рҟынӡа 35 тәыла рҟынтәи жәларбжьаратәи анаԥшыҩцәа.
Аҳәынҭқарра ахадарахьы иқәгылан акандидатцәа актәи атур аҿы аиааира згаз Бадра Гәынбеи (46,38%), уи иоппонент Адгәыр Арӡынбеи (36,92%). Аҩбатәи атур аҟны иааира агаразы акандидат ииашахаҭоу абиуллетенқәа 50% даҽа бжьык нарыцны иоуроуп.
Ажәабжьқәа зегьы
0