Микрофон  - Sputnik Аҧсны, 1920
Арадио

Атәылауаҩи аиҳабыреи: Џьопуа аӡын ашьамаҟа иаҳа изыргәамҵуа ачымазара иазкны

Атәылауаҩи аиҳабыреи: Џьопуа аӡын ашьамаҟа иаҳа изыргәамҵуа ачымазара иазкны
Анапаҵаҩра
Аӡын аамҭазы аҩнытә ԥстәқәа иаҳа изыргәамҵуа ачымазарақәа, хылаԥшрас ирҭаху атәы арадио Sputnik аефир аҟны далацәажәеит атәыла аветеринар хада Роман Џьопуа.
Ахьшәашәарақәа раан ашьамаҟа - хадаратәла ажәқәа, иаҳа ргәабзиара уашәшәырахоит. Уи еиҳарак изыдҳәалоу рныҟәгашьа ауп иҳәеит аветеринартә ҳақьым хада.
"Рыфатә, рыҭра ахьбзиоу, ажәқәа ирыцны ианыҟоу, уаҟа апроблема ҳәа акгьы ҟалаӡом. Аха ус акәымкәа рыфатә ианагхалак, даргьы ирыгны ианыҟоу аамҭазы, ахьҭа иакны мацарагьы, рыҭрагьы ишахәҭоу ианыҟам, џьара адәы иқәхама, нас иахьтәоу изымгыло аҟынӡа иҟалалоит. Усҟан аҳақьым ицхыраара аҭаххоит. Агәырқәа азыҟаҵатәуп арахә ашьада ашҟа. Абас еиԥш ауадаҩрақәа аӡын ирызцәырнагоит арахә", - иҳәеит Џьапуа.
Ажә ашоура 37,5 инаркны 39 градус рҟынӡа иҟазароуп. Ахьҭа ианаклак, ашоура лаҟәуеит, уи шаҟа икаҳауа аҟара арахә ашәарҭара иҭанаргылоит иҳәеит аветеринар хада. Арахә ашоура халоит инфекциак анамоу, иҳәеит Џьапуа.
Аицәажәара инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0