Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Бадра Гәынба ибжьы аиҭеит ахада иалхрақәа аҩбатәи ртур аан

© Sputnik / Томас ТхайцукБадра Гунба
Бадра Гунба  - Sputnik Аҧсны, 1920, 01.03.2025
Анапаҵаҩра
АҞӘА, хәажәкыра 1 - Sputnik. Аԥсны ахадарахьы акандидат Бадра Гәынба ибжьы аиҭеит ахада иалхрақәа аҩбатәи ртур аан.
Иара ибжьы аиҭеит Аҟәатәи аҳәынҭқарратә коллеџь аҿы иҟоу алхратә ҭыԥ аҿы.
"Иахьа иҟаҳҵо алкаа ҳҳәынҭқарра аԥеиԥш, анаҩстәи ахныҟәгашьа ианубаало иҟалоит", — иҳәеит иара.
Актәи атур аҿы аиааира згаз Бадра Гәынбеи (46,38%), уи иоппонент Адгәыр Арӡынбеи (36,92%) аҳәынҭқарра ахада имаҵураҭыԥ азы еицлабуеит.
Атәыла ахадарахьы далхуп ҳәа дыԥхьаӡахоит, иоппонент иоуз абыжьқәеи "зегьы ирҿагыло" аграфаҿы иарбоу абыжьқәеи реиҳа еиҳаны абжьы зауз акандидат. Акандидатцәа аӡәгьы далхымхар, Алхратә комиссиа хада ҿыц алхрақәа мҩаԥнагоит.
Атәылаҿы иаартуп алхырҭатә ҭыԥқәа 152, даҽа ҩба аҳәаанырцә – Москвеи Черқьесски аус руеит.
Ажәабжьқәа зегьы
0