Микрофон  - Sputnik Аҧсны, 1920
Арадио

Еицырдыруа ахьыӡқәа: Ҷанба амузыкант, адирижиор Анатоли Ҳагба изкны

Еицырдыруа ахьыӡқәа: Ҷанба амузыкант, адирижиор Анатоли Ҳагба изкны
Анапаҵаҩра
Амузыкант, Аҳәынҭқарратә акамертә оркестр асахьаркыратә напхгаҩыс иҟаз, адирижиор, Аԥсны Жәлар рартист, Аҟазара зҽаԥсазтәыз аусзуҩ, Аԥсны Аџьынџьтәылатә еибашьра алахәыла Анатоли Дмитри-иԥа Ҳагба диижьҭеи иахьа 85 шықәса ҵит. Аҟаза аԥсуа культураҟны илагала, иус дшазыҟаз, уи ашҟа имаз агәыбылра атәы арадио Sputnik аефир аҟны далацәажәеит Аԥсны Жәлар рартист, Аҳәынҭқарратә хортә капелла асахьаркыратә напхгаҩы Нодар Ҷанба.
"Анатоли Ҳагба Аԥсны аҟазараҟны илагала рацәоуп, еиҳарак асимфониатә музыкаҟны. Асимфониатә аоркестр акыр аамҭа напхгара азиуан. Адирижиор иаҳасабала аконцерт амҩаԥгара адагьы даараӡа иџьабаа рацәоуп иара аоркестр аиқәырхараҿы. Сара издыруеит аҭагылазаашьа аныцәгьаз иара иҩны амузыкантцәа ҩнаҵаны иман. Арепетициа ахьыҟарҵоз аҭагылазаашьа уадаҩын, абиблиотека аҩны иман, аинструментқәа еиқәирхон",- иҳәеит Ҷанба.
Аицәажәара инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0