Аԥсны инхо Аџьынџьтәылатә еибашьра Ду алахәылацәа изныктәу аԥарашәарақәа роуеит
16:10 28.03.2025 (ирҿыцуп: 18:08 28.03.2025)
© Sputnik / Григорий Сысоев
/ Анапаҵаҩра
АҞӘА, хәажәкыра 28 - Sputnik. Аԥсны инхо Аџьынџьтәылатә еибашьра Ду алахәылацәа изныктәу аԥарашәарақәа роуеит.
Абри аҩыза ажәалагала ҟанаҵеит Аԥыза-министр актәи ихаҭыԥуаҩ ин.н. Џьансыхә Нанба хантәаҩыс дызмоу Аиааира Ду агара 80 шықәса ахыҵра иазку агәаларшәаратә усмҩаԥгатәқәа разыҟаҵаразы аҳәынҭқарратә комиссиа.
Акомиссиа абарҭ араионқәа рҿы аныҳәатә уснагӡатәқәа рымҩаԥгаразы аплан шьақәнарӷәӷәеит:
️лаҵара 9 рзы Аҟәа ақалақь аҿы Аиааира апаради аконцерти мҩаԥгахоит, урҭ хыркәшахоит аныҳәатә феиерверкқәа рыла,
лаҵара 8-9 рзы аҽыбӷаҟазаратә хәмаррақәа мҩаԥысуеит Дәрыԥшь ақыҭан,
ашколқәа рҿы аицлабрақәеи 14 спорттә хкы рзы Ареспубликатә Спартакиадеи рымҩаԥгара азԥхьагәаҭоуп,
Аҿари аспорти рзы аҳәынҭеилакы еиҿнакаауеит аспорт афестивали Аԥснытәи раԥхьаӡатәи апрофессионалтә ԥырҩы Мери Аҩӡԥҳаи ахԥатәи апулемиоттә рота аполитнапхгаҩы Александра Наӡаӡеԥҳаи ирызку агәалашәаратә хәылԥази,
Аԥсуа телехәаԥшра архивтә материалқәеи Аџьынџьтәылатә еибашьра Ду афырхацәа рхылҵшьҭрақәа злахәу апроект ҿыцқәеи днарбоит.
