Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аицлабра "Аԥсны акоманда" дистанциалатәи аамҭахәҭа хыркәшоуп

© FotoКоманда Абхазии
Команда Абхазии - Sputnik Аҧсны, 1920, 01.04.2025
Анапаҵаҩра
АҞӘА, мшаԥы 1- Sputnik. Аицлабра "Аԥсны акоманда" дистанциалатәи аамҭахәҭа хыркәшоуп.
Аицлабра ҩ-хәҭак рыла ишьақәгылан. Актәи аҿы асистематә хәыцра ахәшьара аҭареи аессеии аҵанакит. Аихшьаалақәа инарықәыршәаны 600-ҩык рҟынӡа ауаа анаҩстәи ахәҭа иахысит, уаҟа рнапхгаратә лшарақәа ахәшьара рзыруан. 345-ҩык ауаа онлаин-тестқәа қәҿиарала ирхысит.
Латәаратәи ахәҭаҿы урҭ рзанааҭдырреи, апроектқәа аус рыдулашьеи, Аԥсны азы иактуалу азҵаарақәа рыдкылашьеи аадырԥшыроуп ҳәа инаҵшьны иазгәеиҭеит Аҿари аспорти русқәа рзы аҳәынҭеилакы аиҳабы Ҭарашь Ҳагба.
"Афиналистцәа зегьы Урыстәылатәи Афедерациаҿ иаԥхьагылоу аҵаратә центрқәа рҿы ишьақәгылоу зеԥшыҟам, Аԥсны Аҳәынҭқарра аҿиара иадҳәалоу анапхгаҩцәа ркоманда ашьақәыргылареи азыҟаҵареи ирызку, иҷыдоу аҵаратә программақәа рхы иадырхәар рылшоит ", — ҳәа иҳәеит иара.
Аиааира згаз аҟазарҭатә усбарҭа "Сенеж" аҿы иҷыдоу азыҟаҵарақәа роур рылшоит, иара убасгьы Урыстәылатәи аҳәынҭқарратә усбарҭақәеи иаԥхьагылоу аилахәырақәеи рҿы аԥышәахысра ауеит, иара убас, Аԥсны анапхгаратә усбарҭақәа рҿы аҭакԥхықәра зцу амаҵураҭыԥқәа раанкылареи рзы алшарақәа роуеит.
Аицлабра " Аԥсны акоманда " Урыстәыла акадртә еицлабрақәа рпринцип ала имҩаԥысуеит "Урыстәыла - Алшарақәа ртәыла" аплатформа ацхыраарала, аусура иаларган жәабран 12 рзы.
Конкурс Команда Абхазии - Sputnik Аҧсны, 1920, 28.03.2025
Аԥсны
Аицлабра "Аԥсны акоманда" дистанциала аҩбатәи ахәҭа хацыркхеит
Ажәабжьқәа зегьы
0