https://sputnik-abkhazia.info/20250403/marykhba-eieieit-ansambl-amtsabz-znykala-akhakha-zhpaky-ishrysakhaz-aty-1054318093.html
Марыхәба еиҭеиҳәеит ансамбль "Амцабз" зныкала аԥхьахәқәа жәпакы ишрыԥсахаз атәы
Марыхәба еиҭеиҳәеит ансамбль "Амцабз" зныкала аԥхьахәқәа жәпакы ишрыԥсахаз атәы
Sputnik Аҧсны
Москва еиҿкаау ахәыҷтәы акәашаратә аԥсуа ансамбль "Амцабз" Урыстәыла имҩаԥысуаз жәларбжьаратәи аицлабра-афестиваль "Таланты России" аҟны агран -приқәа ҩба... 03.04.2025, Sputnik Аҧсны
2025-04-03T10:19+0300
2025-04-03T10:19+0300
2025-04-03T11:26+0300
арадио
аԥсны
аподкаст
https://cdnn1.img.sputnik-abkhazia.info/img/07e9/04/03/1054324050_0:0:535:301_1920x0_80_0_0_16a4f9782a3ab2f3eb792a7a8a1eeddb.jpg
Марыхәба еиҭеиҳәеит ансамбль "Амцабз" зныкала аԥхьахәқәа жәпакы ишрыԥсахаз атәы
Sputnik Аҧсны
Марыхәба еиҭеиҳәеит ансамбль "Амцабз" зныкала аԥхьахәқәа жәпакы ишрыԥсахаз атәы
Москва еиҿкаау ахәыҷтәы акәашаратә аԥсуа ансамбль "Амцабз" Урыстәыла имҩаԥысуаз жәларбжьаратәи аицлабра-афестиваль "Таланты России" аҟны агран -приқәа ҩба, актәи аҩаӡара адипломқәеи ахраҿақәеи хԥа ирыԥсахеит. Иарбан кәашарақәоу аӡбаҩцәа хызхыз, ансамбль зныкала арсҟак аҳамҭақәа шанашьахаз, иааидкыланы арҿиаратә ҭагылазаашьа зеиԥшроу, гәҭакқәас иамоу ансамбль "Амцабз", арадио Sputnik аефир аҟны еиҭеиҳәеит асахьаркыратә напхгаҩы Лаша Марыхәба."Амцабз" акәашацәа ҩышықәса инацны Никита Михалков иқәыргыламҭа "12" иалахәуп, агастрольқәа ирыхҟьаны еиуеиԥшым афестивальқәа рылахәхара рцәыцәгьоуп, ҳәа азгәеиҭеит ицәажәараҿы ансамбль асахьаркыратә напхгаҩы. Убасгьы Лаша Марыхәба иҳәеит лымкаала ишгәеиҭо аицлабрақәа, афестивальқәа рҿы ажиури иалоу ажәлар рыкәашара ибзианы иахьынӡардыруа атәы."Жәлар рыкәашарақәа ртәы здыруа даннарго (ажиури-азгәаҭа), убасҟан ауп сара ианаласырхәо, егьыс аламала џьаргьы ҳнеиӡом. Ари афестиваль даара амҽхак дуун, 300 инареиҳаны аномерқәа ыҟан, даара ирацәан аноминациақәа, аколлективқәа иалахәыз. Асааҭ 12 рзы инеиз ауха асааҭ 12 рзы ауп ҳанеидыҵ. Жәлар рыкәашараҟны 4 кәашарак дҳарбеит, нас хазы аноминациа аинструментқәа ртәы ахьыҟаз, уа ахәыҷқәа адаулқәа ирысуан, ансамбль аҟны апедагог дҳамоуп, иара иџьабаауп, агран-при ргеит уаагьы. Ажәлар рыкәашарақәа рҟынгьы иаҳгеит агран-при. Егьырҭ акәашарақәа хазы актәи аҩаӡара змоу ҳәа иалыркааит", - иҳәеит Марыхәба. Аицәажәара инеиҵыхны ишәаҳар шәылшоит аудиофаил аҟны хыхь.
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, аподкаст, аудио
Марыхәба еиҭеиҳәеит ансамбль "Амцабз" зныкала аԥхьахәқәа жәпакы ишрыԥсахаз атәы
10:19 03.04.2025 (ирҿыцуп: 11:26 03.04.2025) Москва еиҿкаау ахәыҷтәы акәашаратә аԥсуа ансамбль "Амцабз" Урыстәыла имҩаԥысуаз жәларбжьаратәи аицлабра-афестиваль "Таланты России" аҟны агран -приқәа ҩба, актәи аҩаӡара адипломқәеи ахраҿақәеи хԥа ирыԥсахеит. Иарбан кәашарақәоу аӡбаҩцәа хызхыз, ансамбль зныкала арсҟак аҳамҭақәа шанашьахаз, иааидкыланы арҿиаратә ҭагылазаашьа зеиԥшроу, гәҭакқәас иамоу ансамбль "Амцабз", арадио Sputnik аефир аҟны еиҭеиҳәеит асахьаркыратә напхгаҩы Лаша Марыхәба.
"Амцабз" акәашацәа ҩышықәса инацны Никита Михалков иқәыргыламҭа "12" иалахәуп, агастрольқәа ирыхҟьаны еиуеиԥшым афестивальқәа рылахәхара рцәыцәгьоуп, ҳәа азгәеиҭеит ицәажәараҿы ансамбль асахьаркыратә напхгаҩы. Убасгьы Лаша Марыхәба иҳәеит лымкаала ишгәеиҭо аицлабрақәа, афестивальқәа рҿы ажиури иалоу ажәлар рыкәашара ибзианы иахьынӡардыруа атәы.
"Жәлар рыкәашарақәа ртәы здыруа даннарго (ажиури-азгәаҭа), убасҟан ауп сара ианаласырхәо, егьыс аламала џьаргьы ҳнеиӡом. Ари афестиваль даара амҽхак дуун, 300 инареиҳаны аномерқәа ыҟан, даара ирацәан аноминациақәа, аколлективқәа иалахәыз. Асааҭ 12 рзы инеиз ауха асааҭ 12 рзы ауп ҳанеидыҵ. Жәлар рыкәашараҟны 4 кәашарак дҳарбеит, нас хазы аноминациа аинструментқәа ртәы ахьыҟаз, уа ахәыҷқәа адаулқәа ирысуан, ансамбль аҟны апедагог дҳамоуп, иара иџьабаауп, агран-при ргеит уаагьы. Ажәлар рыкәашарақәа рҟынгьы иаҳгеит агран-при. Егьырҭ акәашарақәа хазы актәи аҩаӡара змоу ҳәа иалыркааит", - иҳәеит Марыхәба.
Аицәажәара инеиҵыхны ишәаҳар шәылшоит аудиофаил аҟны хыхь.
