Гәынба Аминистрцәа реилазаара ашьақәыргыларазы Аусԥҟақәа инапы рыҵеиҩит
20:40 18.04.2025 (ирҿыцуп: 00:10 19.04.2025)
© Sputnik / Томас Тхайцук
Анапаҵаҩра
АҞӘА, мшаԥы 18 - Sputnik. Аԥсны ахада Бадра Гәынба Аминистрцәа реилазаара хаҭалатәи аилазаашьа ашьақәыргыларазы Аусԥҟақәа инапы рыҵеиҩит, абри атәы аанацҳауеит атәыла ахада ипресс-маҵзура.
Аԥсны аԥыза-министр ихаҭыԥуаас иҟаҵоуп Нанба Џьансыхә, Ҳагба Тарас, Миносиан Вараздат, иара убас Кьиут Роберт – аԥыза-министр ихаҭыԥуаҩси Аҩнуҵҟатәи аусқәа рминистрси.
Иара убас абарҭ амаҵураҭыԥқәа рҿы иаҭоуп:
Ажьиба Иаҭыр – Аԥсны Аминистрцәа реилазаара Аусбарҭа аиҳабыс;
Барцыц Олег Мсас-иԥа – Аԥсны Адәныҟатәи аусқәа рминистрс;
Ақаҩба Даур – Аԥсны Акультура аминистрс;
Ануа Владимир – Аԥсны Атәылахьчара аминистрс;
Быҭәба Едуард – Аԥсны Агәабзиарахьчара аминистрс;
Бениа Едгар – Аԥсны Ашәахтәқәеи аизгақәеи рминистрс;
Гәынба Хана – Аԥсны Аҵара аминистрс;
Гәбаз – Аԥсны Афинансқәа рминистрс;
Џьопуа Беслан – Аԥсны Ақыҭанхамҩа аминистрс;
Барцыц Анри – Аԥсны Аиустициа аминистрс;
Амқәаб Ҭеимураз – Аԥсны Аекономика аминистрс;
Мышәба Баҭал – Аԥсны Аенергетика аминистрс;
Аџьба Руслан – Аԥсны Асоциалтә еиқәыршәареи адемографиатә политикеи рминистрс;
Анқәаб Ахра Аҳәынҭқарратә бызшәатә политиказы Аԥсны аҳәынҭеилакы ахантәаҩыс;
Сангәлиа Нарсоу – Аԥсны Астандартқәеи ахархәаратәи атехникатәи хылаԥшреи рзы аҳәынҭеилакы ахантәаҩыс;
Гогьиа Кама – Аԥсны Астатистиказы аҳәынҭеилакы ахантәаҩыс;
Зыхәба Иури – Аԥсны Аҳәынҭқарратә мазара анапхгареи априватизациеи рзы аҳәынҭеилакы ахантәаҩыс;
Ҷыҭанаа Савели – Аԥсны Аекологиеи аԥсабарахьчареи рзы аҳәынҭеилакы ахантәаҩыс;
Хьециа Оҭар – Аԥсны Аҳазалхратә еилакы ахантәаҩыс;
Ҵнариа Саид – Аԥсны Аҳәынҭқарратә миграциатә маҵзура аиҳабыс;
Гамсаниа Демир – Аԥсны Аҳәынҭқарратә акапиталтә ргыларатә усбарҭа аиҳабыс;
Ашәхәаҵаа Анзор – Аԥсны Аҳәынҭқарратә абнанхамҩатә усбарҭа аиҳабыс;
Ҵәыџьба Омар – Аԥсны Аҵиаақәа ркарантин азы Аҳәынҭқарратә инспекциа аиҳабыс;
Сангәлиа Гарик – Аԥсны Аҭоурыхтә-культуратә ҭынхахьчаразы аҳәынҭқарратә усбарҭа аиҳабыс;
Џьопуа Роман – Аԥсны Аҳәынҭқарратә ветеринартә маҵзура аиҳабыс;
Цымцба Дмитри – Аԥсны Архитектуреи ақалақьргылареи рзы аҳәынҭқарратә усбарҭа аиҳабыс.
