https://sputnik-abkhazia.info/20250526/alysa-chychba-diizhei-100-shysa-arazy-ibiust-aadyrtit-aati-amuzykat-araiuray-1055071981.html
Алықьса Чычба диижьҭеи 100 шықәса аҵразы ибиуст аадыртит Аҟәатәи амузыкатә ҵараиурҭаҿы
Алықьса Чычба диижьҭеи 100 шықәса аҵразы ибиуст аадыртит Аҟәатәи амузыкатә ҵараиурҭаҿы
Sputnik Аҧсны
АҞӘА, лаҵара 26 - Sputnik. Аԥсны зҽаԥсазтәыз аҟазара аусзуҩ, акомпозитор, амузыкаҭҵааҩ Алықьса Чычба диижьҭеи 100 шықәса аҵра инамаданы ибиуст аадыртит Аҟәатәи... 26.05.2025, Sputnik Аҧсны
2025-05-26T13:10+0300
2025-05-26T13:10+0300
2025-05-26T16:35+0300
аԥсны
ажәабжьқәа
https://cdnn1.img.sputnik-abkhazia.info/img/07e9/05/1a/1055069869_0:128:3184:1919_1920x0_80_0_0_2d0b4dc7a206c2a039df1cea9c6649cd.jpg
АҞӘА, лаҵара 26 - Sputnik. Аԥсны зҽаԥсазтәыз аҟазара аусзуҩ, акомпозитор, амузыкаҭҵааҩ Алықьса Чычба диижьҭеи 100 шықәса аҵра инамаданы ибиуст аадыртит Аҟәатәи амузыкатә ҵараиурҭаҿы. Ашкол адиректор Нинель Бжьаниаԥҳа иазгәалҭеит Чычба директорс даныҟаз аамҭа Аԥсны амузыкатә культура ашәҭымҭа ишҭагылаз. "Сара исҭахуп урҭ ашықәсқәа раан иҟаз аԥҟарақәа, аизҳара иахьагьы иҳамазарц", — лҳәеит лара. Абиуст авторс дамоуп аԥсуа скульптор қәыԥш Ҭемыр Аҳәба. Иара убас Аҟәатәи аҳәынҭқарратә музыкатә ҵараиурҭаҿы Алықьса Чычба диижьҭеи 100 шықәса аҵра иазкны аконференциа мҩаԥысит. Аусмҩаԥгатә аҿы акомпозитор имузыкала иаԥҵоу арҿиамҭақәа нарыгӡеит, ажәахәқәа ирыԥхьеит. Иқәгылоз еиҭарҳәеит Чычба ирҵаҩратәи ирҿиаратәи усура Аԥснытәи амузыкатә школ аҿиараҿы иамоу аҵакы. Аконференциа еиднакылеит Алықьса Чычба иҭынха еиҵагыло абиԥарақәа рзы иамоу аҵакы азгәазҭаз иналукааша аекспертцәеи аҭҵааҩцәеи.Алықьса Чычба диит лаҵара 25 1925 шықәсазы. Иара 50 ашәа инареиҳаны дравторуп, урҭ рахь иаҵанакуеит Баграт Шьынқәба иажәеинраалақәа рыла иаԥҵоу "Кәафҭа шкәакәа", "Иҟалазеи". Аԥсны Аџьынџьтәылатә еибашьра 1992–1993 шықәсқәа раан ихортә ашәа "Аԥсны аҵеицәа" аибашьцәа ргәы шьҭнахуан. Чычба аԥсуа ҟазаратә музыка ашьапы икит, иаԥиҵеит Аҳәынҭқарратә симфониатә аоркестр, ахортә капелла, иара убас жәлар рашәаҳәареи рыкәашареи рансамбльқәа. Иара ибзоурала иаԥҵан Аԥсны Акомпозиторцәа реидгыла. Алықьса Чычба иԥсҭазаара далҵит 1996 шықәсазы. Ихьӡ ахуп Аҟәатәи амузыкатә ҵараиурҭа.
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
АҞӘА, лаҵара 26 - Sputnik. Аԥсны зҽаԥсазтәыз аҟазара аусзуҩ, акомпозитор, амузыкаҭҵааҩ Алықьса Чычба диижьҭеи 100 шықәса аҵра инамаданы ибиуст аадыртит Аҟәатәи амузыкатә ҵараиурҭаҿы. Ашкол адиректор Нинель Бжьаниаԥҳа иазгәалҭеит Чычба директорс даныҟаз аамҭа Аԥсны амузыкатә культура ашәҭымҭа ишҭагылаз.
"Сара исҭахуп урҭ ашықәсқәа раан иҟаз аԥҟарақәа, аизҳара иахьагьы иҳамазарц", — лҳәеит лара. Абиуст авторс дамоуп аԥсуа скульптор қәыԥш Ҭемыр Аҳәба.
Иара убас Аҟәатәи аҳәынҭқарратә музыкатә ҵараиурҭаҿы Алықьса Чычба диижьҭеи 100 шықәса аҵра иазкны аконференциа мҩаԥысит. Аусмҩаԥгатә аҿы акомпозитор имузыкала иаԥҵоу арҿиамҭақәа нарыгӡеит, ажәахәқәа ирыԥхьеит.
Иқәгылоз еиҭарҳәеит Чычба ирҵаҩратәи ирҿиаратәи усура Аԥснытәи амузыкатә школ аҿиараҿы иамоу аҵакы. Аконференциа еиднакылеит Алықьса Чычба иҭынха еиҵагыло абиԥарақәа рзы иамоу аҵакы азгәазҭаз иналукааша аекспертцәеи аҭҵааҩцәеи.
Алықьса Чычба диит лаҵара 25 1925 шықәсазы. Иара 50 ашәа инареиҳаны дравторуп, урҭ рахь иаҵанакуеит Баграт Шьынқәба иажәеинраалақәа рыла иаԥҵоу "Кәафҭа шкәакәа", "Иҟалазеи". Аԥсны Аџьынџьтәылатә еибашьра 1992–1993 шықәсқәа раан ихортә ашәа "Аԥсны аҵеицәа" аибашьцәа ргәы шьҭнахуан.
Чычба аԥсуа ҟазаратә музыка ашьапы икит, иаԥиҵеит Аҳәынҭқарратә симфониатә аоркестр, ахортә капелла, иара убас жәлар рашәаҳәареи рыкәашареи рансамбльқәа. Иара ибзоурала иаԥҵан Аԥсны Акомпозиторцәа реидгыла. Алықьса Чычба иԥсҭазаара далҵит 1996 шықәсазы. Ихьӡ ахуп Аҟәатәи амузыкатә ҵараиурҭа.
