Аԥсны жәа-категориак ирыҵанакуа атәанчаҩцәа ртәанчахәы иацҵахоит
© Sputnik
/ Анапаҵаҩра
АҞӘА, лаҵара 27 - Sputnik. Аԥсны ԥхынгәымза акы инаркны жәа-категориак ирыҵанакуа атәанчаҩцәа ртәанчахәы иацҵахоит.
Зшәарацҵақәа шьҭыххо атәанчаҩцәа иааидкыланы 15795-ҩык ыҟоуп ҳәа "Аԥсныпресс" иазеиҭеиҳәеит Атәанчахәытә фонд анапхгаҩы Денис Гәлариа.
Аԥсны атәанчаҩцәа ашәарацҵақәа рыҭаразы шықәсык ахь 189,5 млн мааҭ аҭахуп.
Ашәараҵҵа азгәаҭаны ирызшәахоит:
зықәрахь инеихьоу атәанчаҩцәа — 5 000 мааҭ роулоит;
акыршықәсатәи аусуразы атәанчахәы зауа — 4 700 мааҭ;
аҳаҭыртә хьыӡқәа "Жәлар", "Зҽаԥсазтәыз" змоу атәанчаҩцәа — 5 500 мааҭ;
адгьыл аҵа аус зуаз (ашахтаҿ) атәанчаҩцәа — 4 500 мааҭ;
І агәыԥ змоу аџьа аинвалидцәа — 4 900, ІІ агәыԥ змоу — 4 800, III агәыԥ— 4 650 мааҭ;
иныҟәызгоз дахьрыԥхаз азы атәанчахәы зауа;
зынӡа ҭынха дызмам — 8 000 мааҭ;
асоциалтә тәанчахәы зауа қәрала — 4 100 мааҭк роулоит;
асоциалтә тәанчахәы зауа хымхәаралазы — 3 100 мааҭк роулоит;
иизар иинвалиду 16 шықәсанӡа — 6 000 мааҭ, I агәыԥ змоу — 6 000 мааҭ, II агәыԥ — 5 500 мааҭ рзыршәалоит.
