Аԥсны аԥыза-министр ихаҭыԥуаҩи атуризм аминистри аусуратә еиԥылара мҩаԥыргеит
18:30 30.05.2025 (ирҿыцуп: 22:05 30.05.2025)
© Foto / Минтуризма Абхазии
Анапаҵаҩра
АҞӘА, лаҵара 30 — Sputnik. Аԥсны атуризм аминистр Асҭамыр Логәуеи аԥыза-министр ихаҭыԥуаҩ Вараздат Миносиани аусуратә еиԥылара мҩаԥыргеит.
Ихадоу:
Дара алацәажәеит анхарҭатә ҭыԥқәа русхкаҿы адемпинг азҵаареи атуризм аџьармыкьа алахәылацәа зегьы ринтересқәа хшыҩзышьҭра ҳасаб азуны аԥырҟәҟәара алыршареи.
Аԥсны мрагыларатәи ахәҭаҿы хымԥада ирҿиатәуп атуристтә лшарақәа.
Логәуа ареспублика мраҭашәаратәи ахәҭа атуристтә ҭыԥқәа зегьы еидызкыло аекскурсиатә хырхарҭа ҿыц — "Илакәтәылоу мрагыларатәи Аԥсны" аԥҵаразы аԥшьгара ҟаиҵеит.
Аусбарҭа иазгәанаҭоит ашьхатәи ақыҭатәи атуризм аҿиара. Абри азы ахшыҩҵакқәа алкааны аус рыдырулоит.
Аԥсны атуризм аминистрра Жәларбжьаратәи атуристтә форум "Шәныҟәала" ахы аланархәуеит. Уи ареспублика атуристтә лшара жәларбжьаратәи аплатформаҿы аарԥшреи урыстәылатәи апартниорцәа рымадара арӷәӷәареи рзы алшара ҟанаҵоит.
