Аԥсны ахада Бадра Гәынба Жәларбжьаратәи ахәыҷқәа рыхьчара амш рыдиныҳәалеит
11:25 01.06.2025 (ирҿыцуп: 17:26 01.06.2025)
© Sputnik / Томас Тхайцук
Анапаҵаҩра
АҞӘА, рашәара 1 — Sputnik, Аԥсны ахада Гәынба Бадра Жәларбжьаратәи ахәыҷқәа рыхьчара амш рыдиныҳәалеит.
Иара раԥхьа иргыланы иҭабуп ҳәа реиҳәеит ахәыҷқәа рааӡареи еизҳауа абиҧарақәа рыхьчареи есҽны зхы-зыҧсы адызҵо ауаа.
"Ахәыҷқәа - ҳара уаҵәтәи ҳҧеиҧш ауп. Урҭ рыҟны ҳара иаҳбоит ҳаҧсадгьыл аизҳазыӷьара, ҳҵасқәеи ҳгәыӷрақәеи зцу аҧсҭазаара, уи зеиӷьыҟам ҳамҭоуп. Ҳара иҳалшо зегьы ҟаҳҵалоит аҭагылазаашьа бзиақәа раҧҵара дарбан хәыҷызаалак абзиабареи азҿлымҳареи иманы изҳаларц азы, аҵарадырра ҳаракы иаурц, игәы бзиазарц, илоу ибаҩхатәра аӡыргара илшарц азы", — азгәаҭоуп адныҳәалараҿы.
Бадра Гәынба аԥсуа жәлар аҭынчра, ақәҿиарақәа рзеиӷьеишьеит, аҿар — агәабзиареи агәамчи.
