Жәларбжьаратәи аҳаирбаӷәаза "Аҟәа" аҭыԥқәа рыднагалеит Аҟәатәи аколлеџь астудентцәа
© Foto / Министерство просвещения Абхазии
Анапаҵаҩра
АҞӘА, рашәара 5 — Sputnik. Жәларбжьаратәи аҳаирбаӷәаза "Аҟәа" аҭыԥқәа рыднагалеит Аҟәатәи аколлеџь астудентцәа.
Аҳаирбаӷәаза анапхгара иаарту алекциа-ӡыргара мҩаԥыргеит ҳәа аанацҳауеит Аԥсны аҵара аминистрра.
Астудентцәа ирзеиҭарҳәеит иахьазы иҟоу аҭыԥқәа, азанааҭтә еизҳаразы алшарақәа, аусуратә ҭагылазаашьақәа ртәы.
Ҷыдала хшыҩзышьҭра рыҭан:
адгьылхыхьтәи амаҵзура (аоператорцәа, аспециалистцәа, аҳаирпланқәа рыӡәӡәаҩцәа);
амҩангарақәа реиҿкаара (агентцәа, адиспетчерцәа, администраторцәа-акассирцәа);
аинформациатә технологиақәеи аимадарақәеи рзы (анџьнырцәа, асистематә администраторцәа, атехникцәа);
иҷыдоу атранспорти аиҭашьақәыргылареи рзы (аныҟәцаҩцәа, аиха аус адулаҩцәа-аиҭашьақәыргылаҩцәа, анџьнырцәа);
амцарцәаҩцәеи аҳаирпланқәа рыԥырра ашәарҭадара аиҿкаареи (аиқәырхаҩцәа, адиспетчерцәа, амашьынаныҟәцаҩцәа).
Иназыцҵоу аинформациа аиуразы: +7 940 770 79 67, +7 940 713 58 97 (WatsApp, Telegram).
