Володин: Урыстәыла атәылауаҩра змоу имхра алзыршо амзызқәа реиқәыԥхьаӡа ирҭбаахар алшоит
16:00 15.07.2025 (ирҿыцуп: 17:00 15.07.2025)
© Sputnik / Томас Тхайцук
Анапаҵаҩра
АҞӘА, ԥхынгәы 15 — Sputnik. Урыстәыла атәылауаҩра змоу имхра алзыршо амзызқәа реиқәыԥхьаӡа Урыстәыла Ашьаустә Закәанԥҵара аҽа 9 хәҭаҷк рыла ирҭбаахар алшоит ҳәа иҳәеит Аҳәынҭқарратә Дума ахантәаҩы Виачеслав Володин ихатәы Telegram канал аҟны.
Иара иажәақәа рыла, уаанӡа актәи аԥхьарала ирыдыркылаз азакәан апроект 72-тәи ахәҭаҷ иаҵанакуеит, аха алацәажәараан ажәалагалақәа ҟаҵан аҽа 9 хәҭаҷк рыцҵазарц:
️ауаҩшьра,
ахәыҷы иганахь ала аусхәымгақәа рымҩаԥгара,
12 шықәса зхыҵхьоу, аха 14 шықәса зхымҵыц ахәыҷы ицәеижьтә еизааигәахара,
️зықәра намӡац акаҳԥра иалархәра,
ахәыҷтәы "порнографиа" аҭыжьреи аларҵәареи,
гәыԥлатәи ацәаԥҽра,
зықәра намӡац мчыла ацәеижьтә еизааигәахара имҩарԥгара,
азакәаншьаҭа змам амиграциа аиҿкаара,
аекстремисттә ма атеррористтә ҟазшьа змоу ацәгьоурақәа.
"Дарбанзаалак Урыстәыла атәылауаҩра зауз ҳзакәанқәа рықәныҟәара иуалԥшьоуп", — ҳәа инаҵшьны иазгәеиҭеит Володин.
Аҩбатәии ахԥатәии аԥхьарақәа рыла азакәан рыдкылара мҩаԥгахоит ԥхынгәы 23 рзы.
