https://sputnik-abkhazia.info/20250722/asny-aelt-mtsatsa-rkhykhaara-eizaueit-a-aganara-anaoit-psb--1056293829.html
Аԥсны аҭелтә мцҳәаҩцәа рхыԥхьаӡара еизҳауеит ҳәа агәҽанҵара ҟанаҵоит ПСБ
Аԥсны аҭелтә мцҳәаҩцәа рхыԥхьаӡара еизҳауеит ҳәа агәҽанҵара ҟанаҵоит ПСБ
Sputnik Аҧсны
АҞӘА, ԥхынгәы 22 — Sputnik. Аԥсны ауааԥсыра рбанктә ԥхьаӡамҭақәа рҟынтәи аԥара рӷьычырц зҽазызшәо "аҭелтә мцҳәаҩцәа" рхыԥхьаӡара еизҳауеит ҳәа аанацҳауеит... 22.07.2025, Sputnik Аҧсны
2025-07-22T14:27+0300
2025-07-22T14:27+0300
2025-07-22T14:54+0300
аԥсны
аԥсны
ажәабжьқәа
https://cdnn1.img.sputnik-abkhazia.info/img/07e9/07/10/1056062655_0:160:3072:1888_1920x0_80_0_0_3621d02b16147bd2fbe6f5c4d208a32a.jpg
АҞӘА, ԥхынгәы 22 — Sputnik. Аԥсны ауааԥсыра рбанктә ԥхьаӡамҭақәа рҟынтәи аԥара рӷьычырц зҽазызшәо "аҭелтә мцҳәаҩцәа" рхыԥхьаӡара еизҳауеит ҳәа аанацҳауеит абанк апресс-маҵзура. Ацәгьоуцәа абанк, азинхьчаратә усбарҭақәа, мамзаргьы асоциалтә усбарҭақәа русзуҩцәа ракәушәа ҟарҵоит. Зны-зынла урҭ авидеоеимадара алагьы аҭел иасуеит, аԥаршеи дыргақәа ргәы икыдҵаны, ма аԥаршеишәҟәқәа цәырганы. Амцҳәаҩцәа еиҳа рхы иадырхәо: Раԥхьа СМС аауеит, нас ацҵа шьақәшәыргыларц, мамзаргьы "аоперациа аанкыларазы" ҳәа аҵаҩрахьы шәиасырц азы ааҭел ишәзасуеит. Урҭ CVV-акод рашәҳәарц, шәхатәы аккаунт апароль, насгьы СМС акодқәа рышәҭарц шәазаагара иалагоит. Аҩбатәи асхема – амессенџьерқәа рышьақәҟьара. Ацәгьоуцәа аккаунт ахь анеира рылшоит, нас иззасуаз ихьӡала урҭ рҩызцәа аԥаразы ирыҳәоит. Еиҳарак асеиԥш ҟалоит ахархәаҩ иԥырхагоу акод змоу ацҵахьы даниаслак ашьҭахь. Иаҳҳәап, "сашьа иԥа изы аицлабраҿы шәыбжьы шәҭи" ҳәа СМС аҭак ҟашәҵазар.ПСБ ишәгәаланаршәоит абанк аусзуҩцәа аклиентцәа рҟынтә акодқәеи ахатә дыррақәеи зынӡа иразҵааӡом. Ииашаҵәҟьоу аҭеласрақәа зегьы аинформациа аиуразы мацара иҟаҵоуп. Аԥсны иҟоу ПСБ абанк аҭел ҷыда — 4444 (аҭелқәа хәыда-ԥсадоуп, уахгьы-ҽынгьы аус руеит).
https://sputnik-abkhazia.info/20250710/aa-psb-akhaarnakra-aadyrtit-1055916132.html
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
АҞӘА, ԥхынгәы 22 — Sputnik. Аԥсны ауааԥсыра рбанктә ԥхьаӡамҭақәа рҟынтәи аԥара рӷьычырц зҽазызшәо "аҭелтә мцҳәаҩцәа" рхыԥхьаӡара еизҳауеит ҳәа аанацҳауеит абанк апресс-маҵзура.
Ацәгьоуцәа абанк, азинхьчаратә усбарҭақәа, мамзаргьы асоциалтә усбарҭақәа русзуҩцәа ракәушәа ҟарҵоит. Зны-зынла урҭ авидеоеимадара алагьы аҭел иасуеит, аԥаршеи дыргақәа ргәы икыдҵаны, ма аԥаршеишәҟәқәа цәырганы.
Амцҳәаҩцәа еиҳа рхы иадырхәо:
"Акарта аусура аанкылоуп"
"Шәыхьӡала акредит аартуп"
"Шәыԥхьаӡамҭа аҟынтәи аԥара аҭыгараз аҽазышәара ҟаҵоуп"
"Шәфинанстә номер ԥсахуп"
Раԥхьа СМС аауеит, нас ацҵа шьақәшәыргыларц, мамзаргьы "аоперациа аанкыларазы" ҳәа аҵаҩрахьы шәиасырц азы ааҭел ишәзасуеит. Урҭ CVV-акод рашәҳәарц, шәхатәы аккаунт апароль, насгьы СМС акодқәа рышәҭарц шәазаагара иалагоит.
Ауаҩы агәыҩбара изцәырҵыр, аҭелқәа рысрала ихшыҩ еиҵарҟьоит, "аҭел ҷыдахь" дзамысыртә аиԥш.
Аҩбатәи асхема – амессенџьерқәа рышьақәҟьара.
Ацәгьоуцәа аккаунт ахь анеира рылшоит, нас иззасуаз ихьӡала урҭ рҩызцәа аԥаразы ирыҳәоит. Еиҳарак асеиԥш ҟалоит ахархәаҩ иԥырхагоу акод змоу ацҵахьы даниаслак ашьҭахь. Иаҳҳәап, "сашьа иԥа изы аицлабраҿы шәыбжьы шәҭи" ҳәа СМС аҭак ҟашәҵазар.
ПСБ ишәгәаланаршәоит абанк аусзуҩцәа аклиентцәа рҟынтә акодқәеи ахатә дыррақәеи зынӡа иразҵааӡом. Ииашаҵәҟьоу аҭеласрақәа зегьы аинформациа аиуразы мацара иҟаҵоуп.
Аԥсны иҟоу ПСБ абанк аҭел ҷыда — 4444 (аҭелқәа хәыда-ԥсадоуп, уахгьы-ҽынгьы аус руеит).
