Аԥсуа театр аҟны 94-тәи атеатртә сезон аихшьаалақәа ҟарҵеит
© SputnikАбхазский театр подвел итоги 94-го театрального сезона

© Sputnik
Анапаҵаҩра
АҞӘА, нанҳәа 25 - Sputnik. Аԥсуа театр аҟны 94-тәи атеатртә сезон аихшьаалақәа ҟарҵеит
Атеатр аиҳабы Хьыбла Мықәԥҳа лажәақәа рыла, атеатртә сезон гәылҭәаан, уи иалагӡаны ахәаԥшцәа хә-спектакль ҿыц дырбан.
Иара убас еиуеиԥшым аноминациақәа рҿы иалкааз рыӡбахә рҳәеит:
Иреиӷьу аԥҳәыс лроль — Есма Кәыҵниаԥҳа — Мирандолина, аспектакль "Мирандолина", арежиссиор Алхас Шамба.
Иреиӷьу ахаҵа ироль — Михаил Цкәуа — Џьерри, аспектакль "Аџьаз иалоу ҭыԥҳацәоуп", арежиссиор Мадина Аргәынԥҳа.
Иреиӷьу аԥҳәыс лроль аҩбатәи аплан — Ира Коӷониаԥҳа — Сиҩ, аспектакль "Аџьаз иалоу ҭыԥҳацәоуп".
Иреиӷьу ахаҵа ироль аҩбатәи аплан —́Даур Арухаа — Баҭа, аспектакль "Асду", арежиссиор Мадина Аргәынԥҳа, иара убас Гари Аџьынџьал — Озгәыҭ, аспектакль "Аџьаз иалоу ҭыԥҳацәоуп".
Иреиӷьу асахьаҭыхыҩ-адекоратор — Гарри Дочиа — "Аџьаз иалоу ҭыԥҳацәоуп".
Иреиӷьу акостиумқәа рзы асахьаҭыхыҩ — Диана Допуа — "Аџьаз иалоу ҭыԥҳацәоуп".
Иреиӷьу алашаразы асахьаҭыхыҩ — Михаил Манџьгалаӡе — "Аџьаз иалоу ҭыԥҳацәоуп".