Владимир Путин "ШОС Плюс" аформат ала аилатәараҿы дықәгылеит
13:40 01.09.2025 (ирҿыцуп: 14:19 01.09.2025)
© Sputnik / Сергей Бобылев
/ Анапаҵаҩра
АҞӘА, цәыббра 1 - Sputnik. Владимир Путин "ШОС Плюс" аформат ала аилатәараҿы дықәгылеит.
Уи рхы аладырхәит аидгыла иалахәу аҳәынҭқаррақәа рхадацәа рыдагьы, анаԥшратә ҳәынҭқаррақәа рхаҭарнакцәа, адиалог азы партниорцәа, ааԥхьара зауз аҳәынҭқаррақәа, жәларбжьаратәи аиҿкаарақәа.
Ихадоу:
Адунеи ауаажәларра ШОС аусурахь ирымоу аинтереси ахшыҩзышьҭреи еизҳауеит, еиҳа-еиҳа ирацәахоит аидгылеи дареи еиҟароу реиҿцәажәарақәа зҭаху атәылақәа.
Урыстәыла аинтерес азаҵоуп Китаи иҿыцу, еиҳа хра злоу, иҭышәынтәалоу, афункциа рацәа змоу адунеизегьтәи анапхгаратә система аԥҵаразы иҟанаҵо ажәалагала. ШОС арҭ аусқәа рҿы аԥхьагыларатә роль ааннакылар алшоит.
Адунеизегьтәи аекономикаҿы иҟоу иуадаҩу аҭагылазаашьаан 2024 шықәсазы ШОС аҳәынҭқаррақәа зегьы еицырзеиԥшу азеиԥш хашәалахәы бжьаратәла 5% инареиҳаны иазҳаит, аҳәынҭқаррақәа аенергетика, афинансқәа, ақыҭанхамҩа, иҳараку атехнологиақәа уҳәа егьырҭ аусхкқәа рҿы русеицура дырҵаулоит.
ШОС атәылақәа ацивилизациатә еиуеиԥшымра ҳаҭыр ақәырҵоит, убри иабзоураны ауаа рыбжьара аимадарақәагьы ӷәӷәахоит. Убри аамҭазы адунеи аҿы атрадициатә малқәа амш аусхәаԥштә аҿы аҩбатәи аҭыԥ ахь ииасуеит, урҭ актәи рырхынҳәра аҭахуп.
