https://sputnik-abkhazia.info/20250904/asny-aakhy-uastyla-urystyla-rybarat-nagatsa-razyaaraa-alada-eshyra-irylageit-1057322077.html
Аԥсны, Аахыҵ Уаԥстәыла, Урыстәыла рыӡбаратә нагӡаҩцәа рҽазыҟаҵарақәа Алада Ешыра ирылагеит
Аԥсны, Аахыҵ Уаԥстәыла, Урыстәыла рыӡбаратә нагӡаҩцәа рҽазыҟаҵарақәа Алада Ешыра ирылагеит
Sputnik Аҧсны
АҞӘА, цәыббра 4 - Sputnik. Аԥсни, Аахыҵ Уаԥстәылеи, Урыстәылеи рыӡбаратә нагӡаҩцәа злахәу аҽазыҟаҵарақәа Алада Ешыра иҟоу аполигон аҿы ихацыркхеит. 04.09.2025, Sputnik Аҧсны
2025-09-04T17:00+0300
2025-09-04T17:00+0300
2025-09-04T23:20+0300
ажәабжьқәа
https://cdnn1.img.sputnik-abkhazia.info/img/07e9/09/04/1057316571_20:0:1261:698_1920x0_80_0_0_fb634d81fe8fbb849189a2e2eb4b51bb.jpg
АҞӘА, цәыббра 4 - Sputnik. Аԥсни, Аахыҵ Уаԥстәылеи, Урыстәылеи рыӡбаратә нагӡаҩцәа злахәу аҽазыҟаҵарақәа Алада Ешыра иҟоу аполигон аҿы ихацыркхеит. Урҭ ареспублика раԥхьатәи ахада Владислав Арӡынба игәалашәара иазкуп. Аиустициа аминистр Анри Барцыц иажәақәа рыла, аусмҩаԥгатә хықәкы хадас иамоуп изышьцылам аҭагылазаашьаҿы иҷыдоу архәҭақәа русзуҩцәа реишьашәалара арӷәӷәара.Азыҟаҵарақәа рхы аладырхәит 24-ҩык, аусмҩаԥгатәқәа рыплан хымш ҳәа еихшоуп. Иахьа аицхысра, аԥышәа аимдара, анапышьашәалатә еиқәԥара аԥышәа мҩаԥысуеит. Цәыббра 5 рзы аҽазыҟаҵарақәа рҳәаа иҭагӡаны ахыбра "жәыларыла" анапахь аагара мҩаԥгахоит, цәыббра 7 рзы Кәыдрытәи аиҩхаахь ахалара азԥхьагәаҭоуп, уаҟа ауснагӡатә алахәылацәа ашьха ихалоит, Аԥсны аиустициа аминистрра рыӡбаратә нагӡаҩцәа рмаҵзура абираҟ ақәцәаҿ ишьҭырхуеит. Ашьха ахалара, Барцыц иажәақәа рыла, иара убас Владислав Арӡынба игәалашәара иазкхоит.
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Аԥсны, Аахыҵ Уаԥстәыла, Урыстәыла рыӡбаратә нагӡаҩцәа рҽазыҟаҵарақәа Алада Ешыра ирылагеит
17:00 04.09.2025 (ирҿыцуп: 23:20 04.09.2025) АҞӘА, цәыббра 4 - Sputnik. Аԥсни, Аахыҵ Уаԥстәылеи, Урыстәылеи рыӡбаратә нагӡаҩцәа злахәу аҽазыҟаҵарақәа Алада Ешыра иҟоу аполигон аҿы ихацыркхеит.
Урҭ ареспублика раԥхьатәи ахада Владислав Арӡынба игәалашәара иазкуп. Аиустициа аминистр Анри Барцыц иажәақәа рыла, аусмҩаԥгатә хықәкы хадас иамоуп изышьцылам аҭагылазаашьаҿы иҷыдоу архәҭақәа русзуҩцәа реишьашәалара арӷәӷәара.
"Акомфорттә зона алҵра иахьа аглобалтә дунеи аҿы иҟоу апроблемақәа рконтекст ала даара акырзҵазкуа ҭоурыхуп. Убри аҟнытә, азыҟаҵарақәа, аҳәоуеиқәшәара, еиуеиԥшым астильқәа рыла еиуеиԥшым акомандақәа русеицура, аԥышәа аимдара – абарҭ акыр зҵазкуа ахырхарҭақәа роуп ҳара нап злакны иаҳаӡбо", — ҳәа азгәеиҭеит иара.
Азыҟаҵарақәа рхы аладырхәит 24-ҩык, аусмҩаԥгатәқәа рыплан хымш ҳәа еихшоуп. Иахьа аицхысра, аԥышәа аимдара, анапышьашәалатә еиқәԥара аԥышәа мҩаԥысуеит.
Цәыббра 5 рзы аҽазыҟаҵарақәа рҳәаа иҭагӡаны ахыбра "жәыларыла" анапахь аагара мҩаԥгахоит, цәыббра 7 рзы Кәыдрытәи аиҩхаахь ахалара азԥхьагәаҭоуп, уаҟа ауснагӡатә алахәылацәа ашьха ихалоит, Аԥсны аиустициа аминистрра рыӡбаратә нагӡаҩцәа рмаҵзура абираҟ ақәцәаҿ ишьҭырхуеит.
Ашьха ахалара, Барцыц иажәақәа рыла, иара убас Владислав Арӡынба игәалашәара иазкхоит.
