Апартиа "Иаку Аԥсны" VII аизара ду хыркәшахеит арезолиуциа адкыларала
© Sputnik
Анапаҵаҩра
АҞӘА, жьҭаара 9 - Sputnik. Апартиа "Иаку Аԥсны" VII аизара ду аҟны арезолиуциа рыдыркылеит.
Адокумент инақәыршәаны, аиҿкаара ахықәкы хадақәа рахь иаҵанакуеит:
Асуверенитет, иааҳакәыршаны иҟоу аԥсабара ахьчара, ауаажәларратә шәарҭадара, агәабзиарахьчара аҿиара, ауаҩытәыҩсатә капитал, ишьақәтәоу аекономика рырӷәӷәара шьаҭас измоу апрограмматә курс ҿыц аԥҵара;
Аԥсны атәылауаа рыбзазара аиӷьтәреи амилаҭтә интересқәа рыхьчареи ирызку атәыла анапхгара рполитикатә курс адгылара;
Апартиа "Иаку Урыстәыла" аус ацура арҵаулареи апартниортә проектқәа рынагӡареи;
амилаҭтә хдырра арӷәӷәара: аԥсуа бызшәеи атрадициатә малқәеи рыхьчара, акультуреи аҿар раԥшьгарақәеи адгылара рыҭара;
ауаажәларратә еилазаара активла аус рыдулара, аҭынха ахьчара, агәабзиарахьчара, аҿар рполитика, анаплак маҷқәеи абжьаратә наплакқәеи рыцхрааразы азакәанԥҵаратә аԥшьгамҭақәа аус рыдулара.
Аполитикатә хеилак мызкы иалагӡаны ахырхарҭақәа зегьы рзы "амҩатә хсаалақәа" еиқәнаршәарц адҵа аҭоуп.
