Путин Алиев иԥылара хациркит Ҭаџьикисҭан иҭахаз AZAL иазкны иҟаиҵаз аҳәамҭала
15:30 09.10.2025 (ирҿыцуп: 15:47 09.10.2025)
© Sputnik / Григорий Сысоев
/ Анапаҵаҩра
АҞӘА, жьҭаара 9 - Sputnik. Путини Алиеви Ҭаџьикисҭан реиԥылара Урыстәыла ахада аҳаиреилахәыра AZAL аҳаирплан аҭахара иазкны иҟаиҵаз аҳәамҭа ала ихацыркхеит ҳәа аанацҳауеит Sputnik Ближнее зарубежье .
Путин иҭахаз рыуацәеи ргәакьацәеи гәык-ԥсык ала дрыдышшылеит, иара иазгәеиҭеит Урыстәыла ажәҩан аҿы арыцҳара шыҟалаз, уи азы Азербаиџьан ахада иҿаԥхьа аҭамзаара шышьҭеиҵаз.
Путин иҳәамҭа хадақәа:
Урыстәыла аҳаирплан аҭахара иадҳәалоу аусеилыргара инагӡаны ацхыраара анаҭоит.
Аҳаирплан акаҳара зыхҟьаз амзызқәа иреиуоуп Урыстәыла ажәҩан аҿы украинатәи аԥырҩы дызҭам ахархәагақәа рыҟазаара – атрагедиа аныҟалаз аҽны Урыстәыла аҳәынҭқарратә ҳәаа иахысыз х-дронк ирышьклаԥшуан.
Урыстәыла аҳауаҽацәыхьчаратә система иҭнарҟьаз аракетақәа ҩба ишиашоу AZAL аҳаирплан иақәымшәеит, аха метрқәак ныбжьаны иԥжәеит. Аҳаирплан, еиҳарак аԥҽыхақәа ракәзар ҟалоит иаахаз, аракета акәымкәа.
AZAL аҳаирплан аекипаж Махачкала итәарц рабжьган, аха рхатә ҳаирбаӷәазахь ицарц рыӡбеит.
Урыстәыла AZAL аҳаирплан акаҳара инадҳәаланы амаҵзуратә хаҿқәа зегьы русура азакәантә хәшьара анаҭоит.
Урыстәыла AZAL аҳаирплан аҭахара инадҳәаланы акомпенсациа ашәаразы иахәҭоу зегьы ҟанаҵоит.
