Маргарита Симониан лышьра азыҟаҵара иадҳәалаз аусҭҵаара хыркәшоуп
13:00 20.10.2025 (ирҿыцуп: 14:18 20.10.2025)
© Sputnik / Алексей Куденко
/ Анапаҵаҩра
АҞӘА, жьҭаара 20 - Sputnik. Урыстәыла Ашьаусҭҵааратә еилакы Маргарита Симониан лышьра азыҟаҵара иадҳәалаз аусҭҵаара хнаркәшеит ҳәа аанацҳауеит аусбарҭа.
Уажәазы идыру:
2022 шықәсазы Михаил Балашов атеррористтә еиҿкаара "National Socialism/White Power"* аԥиҵеит, уахь анационал-социализм адгылаҩцәа алеигалон.
2022 шықәса цәыббрамза инаркны 2023 шықәса ԥхынгәымза анҵәамҭанӡа, аиҿкаара алахәылацәа, зықәра намӡацгьы уахь иналаҵаны, ақәыларақәа фба ҟарҵеит.
Балашови аиҿкаара даҽа лахәылак Егор Савелиеви, ақәшаҳаҭхеит амедиагәыԥ "Россия сегодня", Sputnik, @rt_russian рредактор хада $50 нызқь рзы лышьра.
Урҭ лара дахьыҟоу, дахьнеиуаз-дахьааиуаз аҭыԥқәа рзы адыррақәа еизыргеит, аха рыплан анагӡара иахьӡаанӡа АфШәМ аусзуҩцәа иааныркылеит.
Уажәазы ахара зхарарҵо зегьы абахҭа иҭакуп. Аус аӡбаразы апрокуратурахь идәықәҵоуп, анҩс – аӡбарҭахь ашьҭразы.
*Урыстәыла итеррористтәуп ҳәа ирылаҳәоуп
