Аҟәа машьынарныҟәцаҩык даҽа машьынак дасын, дыбналаны дцеит
13:31 02.11.2025 (ирҿыцуп: 14:00 02.11.2025)
© Sputnik / Томас Тхайцук
Анапаҵаҩра
Аҟәа машьынарныҟәцаҩык даҽа машьынак дасын, дыбналаны дцеит ҳәа Sputnik адырра аиҭеит Аҳәынҭавтоинспекциа аиҳабы Дамеи Аҩӡба.
Иара иазгәеиҭеит, "Мерседес" арныҟәцаҩ хырхарҭак мацара змоу амҩа даҿаланы дышцоз, Арӡынбеи Џьонуеи рымҩадуқәа реихысырҭаҿы асветофор алашара ҟаԥшь шакызгьы даанымгылакәа дышнеиуаз "Тоиота" дасит ҳәа.
"Тоиота" аԥсҟы зкыз аԥҳәызба ахәышәтәырҭахь днаргеит, уаҟа аҳақьымцәа лыбӷашшара ԥҵәоуп ҳәа азгәарҭеит. Лара лыхәышәтәразы ареспублика анҭыҵ дыргеит.
"Мерседес" иҭатәаз апассаџьыргьы ахәышәтәырҭаҿы днаргеит. Иара иԥсҭазаара шәарҭаӡам.
Азинхьчаратә усбарҭақәа ацәгьоура ҟазҵаз дазусҭоу рдыруеит, уи иԥшаара иаҿуп.
Иара иазгәеиҭеит, "Мерседес" арныҟәцаҩ хырхарҭак мацара змоу амҩа даҿаланы дышцоз, Арӡынбеи Џьонуеи рымҩадуқәа реихысырҭаҿы асветофор алашара ҟаԥшь шакызгьы даанымгылакәа дышнеиуаз "Тоиота" дасит ҳәа.
"Тоиота" аԥсҟы зкыз аԥҳәызба ахәышәтәырҭахь днаргеит, уаҟа аҳақьымцәа лыбӷашшара ԥҵәоуп ҳәа азгәарҭеит. Лара лыхәышәтәразы ареспублика анҭыҵ дыргеит.
"Мерседес" иҭатәаз апассаџьыргьы ахәышәтәырҭаҿы днаргеит. Иара иԥсҭазаара шәарҭаӡам.
Азинхьчаратә усбарҭақәа ацәгьоура ҟазҵаз дазусҭоу рдыруеит, уи иԥшаара иаҿуп.
