Риҵатәи амилаҭтә парк акоманда Аҽыбӷаҟазаратә спорт азы Аԥсны ачемпионат аҿы аиааира агеит
22:05 02.11.2025 (ирҿыцуп: 00:18 03.11.2025)
© Sputnik Константин Грецов
Анапаҵаҩра
АҞӘА, абҵара 2 - Sputnik. Риҵатәи амилаҭтә парк акоманда Аҽыбӷаҟазаратә спорт азы Аԥсны ачемпионат аҿы аиааира агеит, убас ала хынтәны ареспублика иачемпионхеит.
Аҳәынҭқарратә спорт еилакы ишаанацҳауа ала, аспортсменцәа 290 кәатала роуит. Гәдоуҭеи Гагреи аҩбатәи аҭыԥ еиҩыршеит, рыцыԥхьаӡа 253-253 кәатала дырҳаит.
Акомандақәа еицлабуан аҽырхәмарра, аҽылампыл, аҵәеигәыдҵа, аҳәаҟьара рҿы.
Иара убас, ачемпионат аҳәаақәа ирҭагӡаны, Бзыԥтәи аҽырҩырҭаҿы еиуеиԥшым аҽырыҩрақәа мҩаԥган.
2 000 метра иҟаз аиԥхныҩлараҿы Мирбек Мамуров аҽы Огнемиот дақәтәаны аиааира игеит.
Аҳәынҭқарратә спорт еилакы ишаанацҳауа ала, аспортсменцәа 290 кәатала роуит. Гәдоуҭеи Гагреи аҩбатәи аҭыԥ еиҩыршеит, рыцыԥхьаӡа 253-253 кәатала дырҳаит.
Акомандақәа еицлабуан аҽырхәмарра, аҽылампыл, аҵәеигәыдҵа, аҳәаҟьара рҿы.
Иара убас, ачемпионат аҳәаақәа ирҭагӡаны, Бзыԥтәи аҽырҩырҭаҿы еиуеиԥшым аҽырыҩрақәа мҩаԥган.
2 000 метра иҟаз аиԥхныҩлараҿы Мирбек Мамуров аҽы Огнемиот дақәтәаны аиааира игеит.
2 000 метра иҟаз иаарту аиԥхныҩлараҿы Адам Шегушев аҽы Деноминал Барс дақәтәаны аиааира игеит.
2 400 метра иҟаз аиԥхныҩлараҿы Далим Биџьиев аҽы Инструктор дақәтәаны аиааира игеит.
3 200 метра иҟаз аиԥхныҩлараҿы Расим Киаков аҽы Макениа дақәтәаны аиааира игеит.
