260 миллион мааҭ инареиҳаны иныхуп нанҳәамза алагамҭа инаркны Урыстәылантәи иаауа афымцамч азы.
12:17 03.11.2025 (ирҿыцуп: 12:26 03.11.2025)
Анапаҵаҩра
260 миллион мааҭ инареиҳаны иныхуп нанҳәамза алагамҭа инаркны Урыстәылантәи иаауа афымцамч азы.
Алашара мҩанысуеит уахынлеи аԥсшьарамшқәеи раан, избан акәзар ари аамҭазы ахәқәа еиҳа илаҟәуп ҳәа адырра ҟанаҵеит Аенергетика аминистрра.
"Убас ишыҟоугьы, ҳара иааҳхәо афымцамч ахәԥса Аԥсны афымцамч азы ибжьаратәу ахәԥсақәа раасҭа ҩынтә еиҳауп", — ҳәа аҳәоит аҭыжьымҭаҿы.
Аминистрраҟны иазгәарҭеит ари афымцамч иахыршәаауа ахә аҳәынҭқарратә биуџьет аҟынтәи акәымкәа атәылауаа рхы иадырхәаз афымцамч иахыршәааз аԥарақәа рҟынтәи шакәу.
Афымцамч Урыстәылантәи аашьҭразы аӡбара рыдыркылеит Џьуартәи аӡеизакырҭаҿы аӡы аиҷаҳаразы, уи аҩаӡара ҭагалани аӡынреи раан акыр иахьылаҟәуа ҳасаб азуны. Абри иабзоураны уажәы аӡы аҩаӡара ҵыԥх аасҭа 56 метра рыла еиҳауп.
