Аҭыԥантәи Аизарақәа рахь алхрақәа рзы адыррақәа рҿыцуп
17:41 08.11.2025 (ирҿыцуп: 18:22 08.11.2025)
© Sputnik / Томас Тхайцук
Анапаҵаҩра
АҞӘА, абҵара 8 - Sputnik. Аҭыԥантәи Аизарақәа рахь алхрақәа рзы адыррақәа рҿыцуп.
Адыррақәа Sputnik акорреспондент илырҭеит араионтә алхратә комиссиақәа рхадацәа.
Гагра араион аҿы асааҭ 14:00 рзтәи адыррақәа рыла 25% алхыҩцәа рыбжьы рҭиит.
Гәдоуҭа араион аҿы асааҭ 16:00 рзтәи адыррақәа рыла 30% инареиҳаны алхыҩцәа рыбжьы рҭиихьан. Ақалақьтә алхырҭатә ҭыԥ хадақәа хԥеи ақыҭатә алхырҭатә ҭыԥ хадақәа 13 рҟны алхрақәа иааиз рхыԥхьаӡарала имҩаԥысит ҳәа ишьоуп.
Аҟәа ақалақь алхырҭатә ҭыԥқәа 10 рҿы асааҭ 15:00 рзы иааиз рхыԥхьаӡарала алхрақәа мҩаԥысит ҳәа ишьоуп. Зынӡа зыбжьы зҭииз рхыԥхьаӡараз аԥхьаӡара мҩаԥысуеит.
Аҟәа араион аҿы асааҭ 12:00 рзтәи аинформациала 20% инареиҳаны алхыҩцәа рыбжьы рҭиит. Абжьыҭирақәа еилагарада имҩаԥысуеит.
Гәылрыԥшь араион аҿы асааҭ 15:00 рзтәи аинформациала 3290-ҩык рыбжьы рҭиит. Ари алхыҩцәа зегьы рхыԥхьаӡара аҟынтәи 28% ыҟоуп. Араионтә алхратә комиссиа анапхгаҩы Омар Кьышьмариа ишиҳәаз ала, алхрақәа мҩаԥысуеит еилагарада.
Тҟәарчал араион аҿы асааҭ 16:00 рзтәи аинформациала 1788-ҩык рыбжьы рҭиит. Ари алхыҩцәа зегьы рхыԥхьаӡара аҟынтәи 30% ыҟоуп. Алхырҭатә ҭыԥқәа 9 рҿы иааиз рхыԥхьаӡарала алхрақәа мҩаԥысит ҳәа ишьоуп. Абжьыҭира ҭынчрыла имҩаԥысуеит.
Гал араион аҿы иҟоу аинформациала 466-ҩык рыбжьы рҭиит. Ари алхыҩцәа зегьы рхыԥхьаӡара аҟынтәи 303,7% ыҟоуп. Алхырҭатә ҭыԥқәа 8 рҿы иааиз рхыԥхьаӡарала алхрақәа мҩаԥысит ҳәа ишьоуп.
Очамчыра араион аҿы иааиз рхыԥхьаӡара аԥхьаӡара иаҿуп.
