Аԥсни Урыстәылеи рзинхьчаратә усбарҭақәа агенетикатә експертиза амҩаԥгара иалацәажәеит
11:59 12.11.2025 (ирҿыцуп: 12:10 12.11.2025)
© Sputnik / Томас Тхайцук
Анапаҵаҩра
АҞӘА, абҵара 12 - Sputnik. Аԥсни Урыстәылеи рзинхьчаратә усбарҭақәа Аҟәа иҟалаз ахысра аусҭҵааразы иаарласны агенетикатә експертиза амҩаԥгара иалацәажәеит.
Абри атәы Аԥсны Аҩнуҵҟатәи аусқәа рминистрраҿы имҩаԥысыз аилатәараҿы иҳәеит аԥыза-министр ихаҭыԥуаҩ, атәыла аҩнуҵҟатәи аусқәа рминистр Роберт Кьиут.
Аусбарҭа аусзуҩцәа иҟарҵаз адыррақәа рыла, ахысра ахьыҟалаз аҭыԥ аҿы еиуеиԥшым аџьазцәа, апатронақәа, ашьа, ахы злалаз агәараанда аҿыԥҟа, атәарҭа аҿыԥҟа, Драгунов иснаипертә шәақь ауп ҳәа агәҩара ззыҟоу абџьар уҳәа еидкылоуп.
"Ацәгьоура лабҿаба избаз, ашаҳаҭцәа рышьақәыргылара хымԥадатәиуп. Ахҭыс ахронологиа зегьы еиҭашьақәыргылатәуп. Ацәгьа зуз ауаҩы дахьыҟоуи иара ихаҿԥшреи ирызкны иахьынӡазалшо адыррақәа риура аҭахуп. Дызлахьаҵыз амҩа ҳәа агәаанагара ззыҟоу амаршрут аусеиҭадулатәуп", — иҳәеит Кьиут.
Аминистр инаҵшьны иазгәеиҭеит аҳәаа иахьаҵанакуа аҭыԥқәеи Аҳәынҭавтоинспекциа иатәу агәаҭаратә ҭыԥқәеи рҿы аусурақәа шырӷәӷәатәу, иара убас аусҭҵааразы АшәМ-и дареи русеицура шхымԥадоу.
Аҟәа, Гәыматәи амҩаҿы абҵарамза 11 рзы иҟаз ахысра иахҟьаны хәҩык ауаа ахәрақәа роуит. Иҟоу адыррақәа рыла, агәылара игылоу, уаҩ дызхым аҩнаҟынтәи ауп ахысра ахьынтәмҩаԥгаз.
Абри атәы Аԥсны Аҩнуҵҟатәи аусқәа рминистрраҿы имҩаԥысыз аилатәараҿы иҳәеит аԥыза-министр ихаҭыԥуаҩ, атәыла аҩнуҵҟатәи аусқәа рминистр Роберт Кьиут.
Аусбарҭа аусзуҩцәа иҟарҵаз адыррақәа рыла, ахысра ахьыҟалаз аҭыԥ аҿы еиуеиԥшым аџьазцәа, апатронақәа, ашьа, ахы злалаз агәараанда аҿыԥҟа, атәарҭа аҿыԥҟа, Драгунов иснаипертә шәақь ауп ҳәа агәҩара ззыҟоу абџьар уҳәа еидкылоуп.
"Ацәгьоура лабҿаба избаз, ашаҳаҭцәа рышьақәыргылара хымԥадатәиуп. Ахҭыс ахронологиа зегьы еиҭашьақәыргылатәуп. Ацәгьа зуз ауаҩы дахьыҟоуи иара ихаҿԥшреи ирызкны иахьынӡазалшо адыррақәа риура аҭахуп. Дызлахьаҵыз амҩа ҳәа агәаанагара ззыҟоу амаршрут аусеиҭадулатәуп", — иҳәеит Кьиут.
Аминистр инаҵшьны иазгәеиҭеит аҳәаа иахьаҵанакуа аҭыԥқәеи Аҳәынҭавтоинспекциа иатәу агәаҭаратә ҭыԥқәеи рҿы аусурақәа шырӷәӷәатәу, иара убас аусҭҵааразы АшәМ-и дареи русеицура шхымԥадоу.
Аҟәа, Гәыматәи амҩаҿы абҵарамза 11 рзы иҟаз ахысра иахҟьаны хәҩык ауаа ахәрақәа роуит. Иҟоу адыррақәа рыла, агәылара игылоу, уаҩ дызхым аҩнаҟынтәи ауп ахысра ахьынтәмҩаԥгаз.
