Аԥснытәи атуристтә џьармыкьа аҿаԥхьа иқәгылоу апроблема хада – атуристцәа рзымхароуп, ҳәа азгәеиҭеит урыстәылатәи атуристтә еилахәыра аԥснытәи ахырхарҭа аиҳабы Сергеи Косилов.
Аԥснытәи атуристтә џьармыкьа аҿаԥхьа иқәгылоу апроблема хада – атуристцәа рзымхароуп, ҳәа азгәеиҭеит урыстәылатәи атуристтә еилахәыра аԥснытәи ахырхарҭа аиҳабы Сергеи Косилов.
"Аԥсны 2,1-2,2 миллион иараҭыԥ ыҟоуп, убри аан аԥсшьараамҭаз акраамҭа аангылара ҳәа иаауа 1,3-1,4 миллионҩык ауаа роуп, 700-800,000 иараҭыԥ хархәарада иаанхоит", — иҳәеит иара.
Аексперт иажәақәа рыла, убри аҟнытә ареспублика алаҵәара анмаҷхо, иаауа асасцәа рхыԥхьаӡарагьы анмаҷхо аамҭазы аилшәарақәа ҟалоит.
Косилов акурорттә аамҭа анҵәамҭа уадаҩын ҳәа иԥхьаӡоит, аха атуроператорцәа ирылшеит "аџьармыкьа аиқәырхара".
Уи инаҵшьны иазгәеиҭеит, иааиуа ашықәс азы Анапатәи акурортқәа аартхоит, урҭ аныҟәаҩцәа рыхәҭакгьы рыдрыԥхьалашт ҳәа, убри аҟнытә урҭ атәыла радԥхьаларазы аусмҩаԥгатәқәа еиҿкаатәуп.
Урҭ иреиуоуп ҳәа иазгәеиҭеит, иазԥхьагәаҭаны иҟоу ареспублика асасааирҭақәа рышәҟәҭаҩра – уи атуристцәа рзы ихәарҭахоит иԥаршеиу апутиовкақәа зҭиуа ацәгьаршыҩцәа рҽырцәырыхьчарц.
