https://sputnik-abkhazia.info/20251120/isazaara-dalit-asny-zasaztyz-artist-beslan-bebia-1059183830.html
Иԥсҭазаара далҵит Аԥсны зҽаԥсазтәыз артист Беслан Бебиа
Иԥсҭазаара далҵит Аԥсны зҽаԥсазтәыз артист Беслан Бебиа
Sputnik Аҧсны
Беслан Бебиа диит 1963 шықәса лаҵарамза 12 рзы. 1978 шықәсазы дҭалеит Аҟәатәи акультура-ҵаралашаратә ҵараиурҭа, иара убри аамҭазы ансамбль "Шьараҭын" аҿы... 20.11.2025, Sputnik Аҧсны
2025-11-20T15:05+0300
2025-11-20T15:05+0300
2025-11-20T16:40+0300
аԥсны
ажәабжьқәа
аԥсны
https://cdnn1.img.sputnik-abkhazia.info/img/07e9/0b/14/1059181022_0:220:1014:790_1920x0_80_0_0_1f435e0ca009ff4a8d4f8b35358fcd9b.jpg
АҞӘА, абҵара 20 - Sputnik. 1992-1993 шықәсқәа рзы имҩаԥысуаз Аџьынџьтәылатә еибашьра аветеран Беслан Бебиа 62 шықәса дшырҭагылаз иԥсҭазаара далҵит ҳәа Sputnik иазеиҭеиҳәеит Ареспублика зҽаԥсазтәыз артист Зураб Маршьан. Беслан Бебиа данқәыԥшыз инаркны иаб, Аԥсны жәлар рартист Едуард Бебиа иаԥиҵаз аҳәынҭқарратә акәашаратә ансамбль "Шьараҭын" аҿы дкәашон. Акыр шықәса рыҩнуҵҟа акәашаратә коллектив иалахәыз Зураб Маршьан иажәақәа рыла, Беслан Бебиа иаразнак ансамбль дахәҭакхеит, хаҭалатә еиԥш, гәыԥлатәи ақәгыларақәа рҿгьы ибаҩхатәра ааирԥшуан. Аԥсны жәлар Рџьынџьтәылатә еибашьраан Беслан Бебиа иҩызцәа зегь реиԥш абџьар шьҭыхны Аԥсадгьыл ахьчара дгылеит. Аибашьра ашьҭахь, аԥсуа кәашаҩцәа рабиԥара ҿыцқәа еиҵааӡо, бзиа иибоз иусура дазыхынҳәит ҳәа иҳәеит Зураб Маршьан. Беслан Бебиа 1996 шықәсазы ансамбль адиректорси абалетмеистерси дҟалеит. Иара ахореографиатә композициақәа "СССР ажәларқәа реиҩызара", "Кавказ ажәларқәа реиҩызара" ықәиргылеит. "Шьараҭын" ақәыргыламҭақәа "Ауапақәа рыла акәашара", "Нарҭаа" рҿы акәашара хада наигӡон.
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аԥсны
Иԥсҭазаара далҵит Аԥсны зҽаԥсазтәыз артист Беслан Бебиа
15:05 20.11.2025 (ирҿыцуп: 16:40 20.11.2025) Беслан Бебиа диит 1963 шықәса лаҵарамза 12 рзы. 1978 шықәсазы дҭалеит Аҟәатәи акультура-ҵаралашаратә ҵараиурҭа, иара убри аамҭазы ансамбль "Шьараҭын" аҿы солистс дыҟан. 1981 шықәсазы иҵара иациҵеит Москватәи аҳәынҭқарратә культуратә институт аҿы.
АҞӘА, абҵара 20 - Sputnik. 1992-1993 шықәсқәа рзы имҩаԥысуаз Аџьынџьтәылатә еибашьра аветеран Беслан Бебиа 62 шықәса дшырҭагылаз иԥсҭазаара далҵит ҳәа Sputnik иазеиҭеиҳәеит Ареспублика зҽаԥсазтәыз артист Зураб Маршьан.
Беслан Бебиа данқәыԥшыз инаркны иаб, Аԥсны жәлар рартист Едуард Бебиа иаԥиҵаз аҳәынҭқарратә акәашаратә ансамбль "Шьараҭын" аҿы дкәашон. Акыр шықәса рыҩнуҵҟа акәашаратә коллектив иалахәыз Зураб Маршьан иажәақәа рыла, Беслан Бебиа иаразнак ансамбль дахәҭакхеит, хаҭалатә еиԥш, гәыԥлатәи ақәгыларақәа рҿгьы ибаҩхатәра ааирԥшуан.
"Беслани сареи акырынтә агастрольқәа рахь ҳаиццахаьан: Франциаҟа, Тунис имҩаԥысуаз Адунеизегьтәи афестиваль ахь. Уи иалахәын 45 тәыла рхаҭарнакцәа. Беслан амилаҭтә традициақәа рыла дааӡан, дҳәатәхаҵаҩын, дҳаҭырқәҵаҩын, кәашаҩык иҳасабала – дҟазан", - ҳәа азгәеиҭеит Маршьан.
Аԥсны жәлар Рџьынџьтәылатә еибашьраан Беслан Бебиа иҩызцәа зегь реиԥш абџьар шьҭыхны Аԥсадгьыл ахьчара дгылеит. Аибашьра ашьҭахь, аԥсуа кәашаҩцәа рабиԥара ҿыцқәа еиҵааӡо, бзиа иибоз иусура дазыхынҳәит ҳәа иҳәеит Зураб Маршьан.
Беслан Бебиа 1996 шықәсазы ансамбль адиректорси абалетмеистерси дҟалеит. Иара ахореографиатә композициақәа "СССР ажәларқәа реиҩызара", "Кавказ ажәларқәа реиҩызара" ықәиргылеит. "Шьараҭын" ақәыргыламҭақәа "Ауапақәа рыла акәашара", "Нарҭаа" рҿы акәашара хада наигӡон.
