https://sputnik-abkhazia.info/20251120/syzkhymaz-sashala-syshua-apoet-viacheslav-yanaa-igalashara-iazkny-1059166896.html
"Сызхьымӡаз сашәала сышәҵәуа!..": Апоет Виачеслав Ҷыҭанаа игәалашәара иазкны
"Сызхьымӡаз сашәала сышәҵәуа!..": Апоет Виачеслав Ҷыҭанаа игәалашәара иазкны
Sputnik Аҧсны
Збаҩхатәра ҳаракыз апоет Виачеслав Ҷыҭанаа диит Очамчыра араион Ԥақәашь ақыҭан абҵара 19 1955 шықәсазы. 20.11.2025, Sputnik Аҧсны
2025-11-20T11:10+0300
2025-11-20T11:10+0300
2025-11-20T11:10+0300
аԥсны
ажәабжьқәа
аԥсны
https://cdnn1.img.sputnik-abkhazia.info/img/07e4/0b/16/1031324806_0:0:1280:721_1920x0_80_0_0_47ea7b5f9f36d640b5cbc7b86878f454.jpg
"Сызхьымӡаз сашәала сышәҵәуа!.."Сгылоу џьышәымшьан насҭха,Сажәеинраалақәа ркәасҭха,Рымца аԥхарра сгәы ианшуа,Сыҟан, сыҟаӡам сашшуа.Виачеслав ҶыҭанааАпсны Ашәҟәыҩҩцәа реидгыла И. Гь. Папасқьыр ихьӡ зху Амилаҭтә библиотекаҿы имҩаԥнагеит апоет, апублицист Виачеслав Ҷыҭанаа диижьҭеи 70 шықәса аҵра иазку аиубилеитә хәылԥазы.Ахәылԥаз иалахәын ҳаԥсуа шәҟәыҩҩцәа, ҳаинтеллигенциа, ашколхәыҷқәа, арҵаҩцәа, апоет иуа-иҭынха.Араҟа еиҿкаан апоет ишәҟәқәа рцәыргақәҵа, иара убасгьы ипублицистикатә рҿиамҭақәа.Асценаҿ икнаҳаз аекран ду аҿы иддырбон апоет иҩызцәа арҿиаҩцәеи иареи рфотосахьақәа, иара ажәеинраалақәа дахьрыԥхьо авидео, ҳажәлари, ҳаԥсадгьыли, ҳбызшәеи рлахьынҵа дахьалацәажәо.Ахәылԥаз аартуа Аҟәатәи актәи ашкол аҟынтәи аҵаҩцәа Алани Илариеи Қапбааи Николь Кәыҵниеи апоет иажәеинраалақәа ирыԥхьеит.Апоет, Аԥсны Ашәҟәыҩҩцәа реидгыла аиҳабы Вахтанг Аԥҳазоу иқәгылараҿы инарҭбаан далацәажәоит апоет иԥсҭазаареи ирҿиаратә мҩеи.Иазгәеиҭеит, Виачеслав Ҷыҭанаа иԥсҭазаара заа ишҿахҵәазгьы дзыхьӡаз шырацәоу, иажәеинраалақәа ҳлитератураҿы ишаанхо, аамҭа ишазымҵәахуа, уаҵәы игылараны иҟоу ҳхьыбҿаргьы хымԥада ишырзааигәахо, дунеи ҿыцк шырзаанартуа.Уи ашьҭахь идырбан ҳаԥсуа проза аклассикцәа Џьума Аҳәбеи, Алықьса Гогәуеи Виачеслав Ҷыҭанаа изы ирҳәоз ргәалашәарақәа.Ажәа ирҭеит апоет, ауаажәларратә усзуҩы, ажурнал "Аҟазара" аредактор хада Геннади Аламиа. Уи дазааҭгылеит Виачеслав редакциатә усзуҩык иаҳасабала ажурнал "Аԥсны аҟазараҿы" акырӡа аџьабаа шибаз, аҭакзыԥхықәу маӡаныҟәгаҩыс дшыҟаз. Насгьы поетк иахасабала ирласны дышшәыз, ибжьы ижәлар ишраҳаз, аԥхьаҩцәа иаразнак ишизҿлымҳахаз.Ашәҟәыҩҩцәа рассоциациа аиҳабы Владимир Занҭариа дазааҭгылеит апоет ирҿиара адунеитә поезиа иадкыланы, уи агәра диргеит, автор иҩымҭақәа ишахәҭоу ианеиҭагаха, мышкызны апоетцәа дуқәа ихьӡ убарҭ ирыдургылартә ишыҟало.Даара агьама ҳарак змаз, иҵаулаз, афилософиатә хәыцрақәа рыла дықәгылеит ашәҟәыҩҩы Даур Наҷҟьебиа. Уи Виачеслав поетк иаҳасабалагьа, уаҩык иаҳасабалагьы дизааигәан, қыҭак иахьатәыз анаҩсгьы, доуҳалагьы, ҟазшьалагьы еиқәшәон, еилибакаауан, акырӡа аҳаҭырқәҵара рыбжьан.Ажәа бзиа, хшҩҵакыла иҭәыз агәалашәарақәеи агәхьаагарақәеи зцыз цәажәаран апоет Гәында Қәыҵниаԥҳа лықәгылара. Уи дрыԥхьеит Виачеслав иажәеинраалақәа маҷымкәа, иазгәалҭеит асеиԥш иҟоу, баҩхатәрала иҭәу ауаа ирлас-ырласны ишымиуа, рымаршәа шклатәу, ишрыхӡыӡаалатәу.Уи иналымданы дықәгылеит апоет, ахәыҷтәы журнал "Амцабз" аредактор хада Гунда Сақаниаԥҳа. Уи акыраамҭа гәык-ԥсык ала далацәажәон апоет ирҿиара, илаԥш ҳәаа аҭбаара, иҩызара, илаф, ифилософиатә поезиа, ахара иԥшра…Виачеслав иҩызцәа гәакьақәа, акыршықәса Ф. Ӡиӡариа ихьӡ зху аинтернат аҿы аҵара ицызҵоз, ирацәаны ахьҭеи аҵааи ицызфахьаз, ицгәырӷьахьаз, ицгәырҩахьаз арҵаҩы Феликс Џьынџьиеи апоет-академик Валентин Кәаӷәаниеи даара аинтерес зҵаз ргәалашәарақәа рҳәеит.Аҵыхәтәан ажәа рырҭеит апоет иашьа Гәакьа Савели Ҷыҭанааи, апоет ихатә ҩыза, Аԥсны Жәлар рпоет Баграт Шьынқәба ихьӡ зху Аҟәатәи 1-тәи ашкол аиҳабы Нонна Делԥҳаи.Аҵыхәтәан, аиубилеи хыркәшо, Аԥсны Ашәҟәыҩҩцәа реидгыла аиҳабы Вахтанг Аԥҳазоу даҽазныкгьы иазгәеиҭеит, Виачеслав Ҷыҭанаа ихьӡ ахаан ԥсра-ӡра ақәымкәа ҳлитератураҿы ишаанхо. Уи иажәеинраалақәа ҿыц игыло аҿар имҩақәҵаганы, ирхәыцганы, иааӡаганы ишырзыҟало. Аус злоу, усеиԥш иҟоу апоетцәа ирҩыз иреиӷьӡақәоу алхны ҳажәлар рызнагара ауп.
https://sputnik-abkhazia.info/20251119/1059157407.html
Sputnik Аҧсны
media@sputniknews.com
+74956456601
MIA „Rossiya Segodnya“
2025
Анатоли Лагәлаа
https://cdnn1.img.sputnik-abkhazia.info/img/103047/18/1030471891_0:0:924:924_100x100_80_0_0_977704efbe9eb1e91e362586be724fb0.jpg
Анатоли Лагәлаа
https://cdnn1.img.sputnik-abkhazia.info/img/103047/18/1030471891_0:0:924:924_100x100_80_0_0_977704efbe9eb1e91e362586be724fb0.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Анатоли Лагәлаа
https://cdnn1.img.sputnik-abkhazia.info/img/103047/18/1030471891_0:0:924:924_100x100_80_0_0_977704efbe9eb1e91e362586be724fb0.jpg
ажәабжьқәа, аԥсны
"Сызхьымӡаз сашәала сышәҵәуа!..": Апоет Виачеслав Ҷыҭанаа игәалашәара иазкны
Збаҩхатәра ҳаракыз апоет Виачеслав Ҷыҭанаа диит Очамчыра араион Ԥақәашь ақыҭан абҵара 19 1955 шықәсазы.
"Сызхьымӡаз сашәала сышәҵәуа!.."
Сгылоу џьышәымшьан насҭха,
Сажәеинраалақәа ркәасҭха,
Рымца аԥхарра сгәы ианшуа,
Апсны Ашәҟәыҩҩцәа реидгыла И. Гь. Папасқьыр ихьӡ зху Амилаҭтә библиотекаҿы имҩаԥнагеит апоет, апублицист Виачеслав Ҷыҭанаа диижьҭеи 70 шықәса аҵра иазку аиубилеитә хәылԥазы.
Ахәылԥаз иалахәын ҳаԥсуа шәҟәыҩҩцәа, ҳаинтеллигенциа, ашколхәыҷқәа, арҵаҩцәа, апоет иуа-иҭынха.
Араҟа еиҿкаан апоет ишәҟәқәа рцәыргақәҵа, иара убасгьы ипублицистикатә рҿиамҭақәа.
Асценаҿ икнаҳаз аекран ду аҿы иддырбон апоет иҩызцәа арҿиаҩцәеи иареи рфотосахьақәа, иара ажәеинраалақәа дахьрыԥхьо авидео, ҳажәлари, ҳаԥсадгьыли, ҳбызшәеи рлахьынҵа дахьалацәажәо.
Ахәылԥаз аартуа Аҟәатәи актәи ашкол аҟынтәи аҵаҩцәа Алани Илариеи Қапбааи Николь Кәыҵниеи апоет иажәеинраалақәа ирыԥхьеит.
Апоет, Аԥсны Ашәҟәыҩҩцәа реидгыла аиҳабы Вахтанг Аԥҳазоу иқәгылараҿы инарҭбаан далацәажәоит апоет иԥсҭазаареи ирҿиаратә мҩеи.
Иазгәеиҭеит, Виачеслав Ҷыҭанаа иԥсҭазаара заа ишҿахҵәазгьы дзыхьӡаз шырацәоу, иажәеинраалақәа ҳлитератураҿы ишаанхо, аамҭа ишазымҵәахуа, уаҵәы игылараны иҟоу ҳхьыбҿаргьы хымԥада ишырзааигәахо, дунеи ҿыцк шырзаанартуа.
Уи ашьҭахь идырбан ҳаԥсуа проза аклассикцәа Џьума Аҳәбеи, Алықьса Гогәуеи Виачеслав Ҷыҭанаа изы ирҳәоз ргәалашәарақәа.
Ажәа ирҭеит апоет, ауаажәларратә усзуҩы, ажурнал "Аҟазара" аредактор хада Геннади Аламиа. Уи дазааҭгылеит Виачеслав редакциатә усзуҩык иаҳасабала ажурнал "Аԥсны аҟазараҿы" акырӡа аџьабаа шибаз, аҭакзыԥхықәу маӡаныҟәгаҩыс дшыҟаз. Насгьы поетк иахасабала ирласны дышшәыз, ибжьы ижәлар ишраҳаз, аԥхьаҩцәа иаразнак ишизҿлымҳахаз.
Ашәҟәыҩҩцәа рассоциациа аиҳабы Владимир Занҭариа дазааҭгылеит апоет ирҿиара адунеитә поезиа иадкыланы, уи агәра диргеит, автор иҩымҭақәа ишахәҭоу ианеиҭагаха, мышкызны апоетцәа дуқәа ихьӡ убарҭ ирыдургылартә ишыҟало.
Даара агьама ҳарак змаз, иҵаулаз, афилософиатә хәыцрақәа рыла дықәгылеит ашәҟәыҩҩы Даур Наҷҟьебиа. Уи Виачеслав поетк иаҳасабалагьа, уаҩык иаҳасабалагьы дизааигәан, қыҭак иахьатәыз анаҩсгьы, доуҳалагьы, ҟазшьалагьы еиқәшәон, еилибакаауан, акырӡа аҳаҭырқәҵара рыбжьан.
Ажәа бзиа, хшҩҵакыла иҭәыз агәалашәарақәеи агәхьаагарақәеи зцыз цәажәаран апоет Гәында Қәыҵниаԥҳа лықәгылара. Уи дрыԥхьеит Виачеслав иажәеинраалақәа маҷымкәа, иазгәалҭеит асеиԥш иҟоу, баҩхатәрала иҭәу ауаа ирлас-ырласны ишымиуа, рымаршәа шклатәу, ишрыхӡыӡаалатәу.
Апоет Виачеслав Ҷыҭанаа диижьҭеи 70 шықәса аҵра иазкны арҿиаратә хәылԥазы мҩаԥган Амилаҭтә библиотекаҿы
Апоет Виачеслав Ҷыҭанаа диижьҭеи 70 шықәса аҵра иазкны арҿиаратә хәылԥазы мҩаԥган Амилаҭтә библиотекаҿы
Апоет Виачеслав Ҷыҭанаа диижьҭеи 70 шықәса аҵра иазкны арҿиаратә хәылԥазы мҩаԥган Амилаҭтә библиотекаҿы.
Апоет Виачеслав Ҷыҭанаа диижьҭеи 70 шықәса аҵра иазкны арҿиаратә хәылԥазы мҩаԥган Амилаҭтә библиотекаҿы
Апоет Виачеслав Ҷыҭанаа диижьҭеи 70 шықәса аҵра иазкны арҿиаратә хәылԥазы мҩаԥган Амилаҭтә библиотекаҿы
Апоет Виачеслав Ҷыҭанаа диижьҭеи 70 шықәса аҵра иазкны арҿиаратә хәылԥазы мҩаԥган Амилаҭтә библиотекаҿы
Апоет Виачеслав Ҷыҭанаа диижьҭеи 70 шықәса аҵра иазкны арҿиаратә хәылԥазы мҩаԥган Амилаҭтә библиотекаҿы
Апоет Виачеслав Ҷыҭанаа диижьҭеи 70 шықәса аҵра иазкны арҿиаратә хәылԥазы мҩаԥган Амилаҭтә библиотекаҿы.
Апоет Виачеслав Ҷыҭанаа диижьҭеи 70 шықәса аҵра иазкны арҿиаратә хәылԥазы мҩаԥган Амилаҭтә библиотекаҿы
Апоет Виачеслав Ҷыҭанаа диижьҭеи 70 шықәса аҵра иазкны арҿиаратә хәылԥазы мҩаԥган Амилаҭтә библиотекаҿы
Уи иналымданы дықәгылеит апоет, ахәыҷтәы журнал "Амцабз" аредактор хада Гунда Сақаниаԥҳа. Уи акыраамҭа гәык-ԥсык ала далацәажәон апоет ирҿиара, илаԥш ҳәаа аҭбаара, иҩызара, илаф, ифилософиатә поезиа, ахара иԥшра…
Виачеслав иҩызцәа гәакьақәа, акыршықәса Ф. Ӡиӡариа ихьӡ зху аинтернат аҿы аҵара ицызҵоз, ирацәаны ахьҭеи аҵааи ицызфахьаз, ицгәырӷьахьаз, ицгәырҩахьаз арҵаҩы Феликс Џьынџьиеи апоет-академик Валентин Кәаӷәаниеи даара аинтерес зҵаз ргәалашәарақәа рҳәеит.
Аҵыхәтәан ажәа рырҭеит апоет иашьа Гәакьа Савели Ҷыҭанааи, апоет ихатә ҩыза, Аԥсны Жәлар рпоет Баграт Шьынқәба ихьӡ зху Аҟәатәи 1-тәи ашкол аиҳабы Нонна Делԥҳаи.
Аҵыхәтәан, аиубилеи хыркәшо, Аԥсны Ашәҟәыҩҩцәа реидгыла аиҳабы Вахтанг Аԥҳазоу даҽазныкгьы иазгәеиҭеит, Виачеслав Ҷыҭанаа ихьӡ ахаан ԥсра-ӡра ақәымкәа ҳлитератураҿы ишаанхо. Уи иажәеинраалақәа ҿыц игыло аҿар имҩақәҵаганы, ирхәыцганы, иааӡаганы ишырзыҟало. Аус злоу, усеиԥш иҟоу апоетцәа ирҩыз иреиӷьӡақәоу алхны ҳажәлар рызнагара ауп.
