Афон ҿыц Адомино азы афедерациа актәи ахада Артур Габуниа игәалашәара иазку Иаарту жәларбжьаратәи атурнир хацыркхеит.
14:17 21.11.2025 (ирҿыцуп: 14:26 21.11.2025)
© telegram sputnik_apsny_info
/ Анапаҵаҩра
Афон ҿыц Адомино азы афедерациа актәи ахада Артур Габуниа игәалашәара иазку Иаарту жәларбжьаратәи атурнир хацыркхеит.
Аусмҩаԥгатә аартуа, аԥыза-министр ихаҭыԥуаҩ, Аспорт азы аҳәынҭқарратә еилакы анапхгаҩы инапынҵақәа назыгӡо Ҭарашь Ҳагба Габуниа ареспубликаҿы адомино аҿиаразы илагала ду азгәеиҭеит.
"Ахәмаррахь имаз абзиабара, иҟазареи иааирԥшуаз аҩызареи дыздыруаз наунагӡа ргәаҵаҿы иаанхоит, аспортсменцәа ԥхьаҟатәи рабиԥарақәагьы ргәы шьҭнахуеит", — ҳәа азгәеиҭеит иара.
Атурнир абҵарамза 23 рҟынӡа имҩаԥыслоит, Аԥсни Урыстәылеи рыдагьы, Америка, Венесуела, Доминикантәи Ареспублика, Пуерто-Рико рҟынтәи 80-ҩык аспортсменцәа рхы аладырхәуеит.
Аҳамҭатә фонд 3 миллион мааҭ иҟоуп.
