Аԥсныҟа иаауа атуристцәа зҭаауа аҭыԥқәа рҿы ашәарҭадара арӷәӷәаразы аусмҩаԥгатәқәа реиҿкаашьа атәы иалацәажәеит Аԥсны Атуризм аминистрреи Ахәыҷы изинқәа рыхьчаҩ Мактина Џьынџьалԥҳаи.
Аԥсныҟа иаауа атуристцәа зҭаауа аҭыԥқәа рҿы ашәарҭадара арӷәӷәаразы аусмҩаԥгатәқәа реиҿкаашьа атәы иалацәажәеит Аԥсны Атуризм аминистрреи Ахәыҷы изинқәа рыхьчаҩ Мактина Џьынџьалԥҳаи.
Ари аус аҟны адгылара ҟарҵоит азинхьчаратә усбарҭақәа зегьы рхаҭарнакцәа лҳәеит аомбудсмен, арадио Sputnik аинтервиу аҭо.
Џьынџьалԥҳа илҳәеит раионцыԥхьаӡа ашәҟәқәа шырзынашьҭу ашәарҭара зцу аҭыԥқәа гәаҭаны, рсиа ҟарҵарц, насгьы урҭ аҭыԥқәа ршәарҭадаразы аусура еиҿыркаарц, ирылымшо акрыҟазар, адырра ҟарҵарц.
"Асиа аныҟоу ҭыԥцыԥхьаӡа, раионцыԥхьаӡа ианудыруа, иаҳа имариахоит. Ашәҟәаҿы иаҳҩит еиуеиԥшым авизуалтә стандартқәагьы ирыхәаԥшырц, еиуеиԥшым абызшәақәа рыла атабличкақәа, амаркировкақәа, аинформациа зну астендқәа, ишәарҭам аҭыԥқәа рмаршртуқәа анҵаны, аԥсшьаҩы иԥсшьара армариазы", — ҳәа инаҵылшьит Џьынџьалԥҳа.
Аԥсны атуризм аминистр Асҭамыр Логәуеи ахәыҷтәы аомбудсмен Мактина Џьынџьалԥҳаи алацәажәеит аибашьра ахьцо аҭыԥқәа рҿы инхо ахәыҷқәа рыԥсшьара аиҿкаареи ршәарҭадареи рзы аусбарҭабжьаратә комиссиақәа раԥҵара. Акомиссиақәа Аԥсны араионқәа зегь рҟны атуристтә ҭыԥқәа ринфраструктура гәарҭоит, иара убас аԥҟарақәа рықәныҟәара иахылаԥшлоит.
