Бигәаа: Аԥсны аспорти акультуреи рхаҭарнакцәа жәларбжьаратәи аицлабрақәа раан ирԥырхагоуп
20:51 01.12.2025 (ирҿыцуп: 00:34 02.12.2025)
© telegram sputnik_apsny_info
/ Анапаҵаҩра
АҞӘА, ԥхынҷкәын 1 - Sputnik. Аԥсны аспорти акультуреи рхаҭарнакцәа жәларбжьаратәи аренаҿы аицлабрақәа раан лассы-лассы аԥкрақәа ирықәшәоит ҳәа азгәеиҭеит Аԥсны адәныҟатәи аусқәа рминистр ихаҭыԥуаҩ Одиссеи Бигәаа.
Иара иажәақәа рыла, уи зыхҟьо Қырҭтәыла иааҟәымҵӡакәа ареспублика аҭахкааразы иҟанаҵо аҽазышәарақәеи Мраҭашәаратәи атәылақәа ҩ-стандартк рыла имҩаԥырго аполитикеи роуп ҳәа.
Аԥсны Адәныҟатәи аусқәа рминистрраҿы иахьа жәларбжьаратәи аицлабрақәа "Кубок Небесная грация" аҿы зхы алазырхәыз жәашықәса зхыҵуа агимнастка Софиа Боџьгәуа дрыдыркылеит.
Бигәаа инаҵшьны иазгәеиҭеит аспортсмен қәыԥш иаалырԥшыз ақәҿиарақәа еиҵагыло аҿар рзы иҿырԥшы бзиоуп, ргәы азҭанаҵоит ҳәа.
"Адәныҟатәи аусқәа рминистрра аринахысгьы абаҩхатәра злоу Аԥсны аҿар рыцхраара иацнаҵоит", — ҳәа инаҵшьны иазгәеиҭеит аминистр ихаҭыԥуаҩ.
Иара хазы ҭабуп ҳәа леиҳәеит Жәларбжьаратәи Ассоциациа "Небесная грация" ахада, Аолимпиатә чемпион Алина Кабаева аԥснытәи аспортсменка илылҭаз адгылара азы.
Иара иажәақәа рыла, уи зыхҟьо Қырҭтәыла иааҟәымҵӡакәа ареспублика аҭахкааразы иҟанаҵо аҽазышәарақәеи Мраҭашәаратәи атәылақәа ҩ-стандартк рыла имҩаԥырго аполитикеи роуп ҳәа.
Аԥсны Адәныҟатәи аусқәа рминистрраҿы иахьа жәларбжьаратәи аицлабрақәа "Кубок Небесная грация" аҿы зхы алазырхәыз жәашықәса зхыҵуа агимнастка Софиа Боџьгәуа дрыдыркылеит.
Бигәаа инаҵшьны иазгәеиҭеит аспортсмен қәыԥш иаалырԥшыз ақәҿиарақәа еиҵагыло аҿар рзы иҿырԥшы бзиоуп, ргәы азҭанаҵоит ҳәа.
"Адәныҟатәи аусқәа рминистрра аринахысгьы абаҩхатәра злоу Аԥсны аҿар рыцхраара иацнаҵоит", — ҳәа инаҵшьны иазгәеиҭеит аминистр ихаҭыԥуаҩ.
Иара хазы ҭабуп ҳәа леиҳәеит Жәларбжьаратәи Ассоциациа "Небесная грация" ахада, Аолимпиатә чемпион Алина Кабаева аԥснытәи аспортсменка илылҭаз адгылара азы.
