https://sputnik-abkhazia.info/20251202/1059465189.html

Аԥсуа школқәа рҿы иаатит аурыс бызшәеи алитературеи рзы иҷыдоу аклассқәа

Аԥсуа школқәа рҿы иаатит аурыс бызшәеи алитературеи рзы иҷыдоу аклассқәа

Sputnik Аҧсны

АҞӘА, ԥхынҷкәын 2 - Sputnik. Урыстәыла аҵарадырра аминистрра ацхыраарала аԥсуа школқәа 14 рҿы иаатит аурыс бызшәеи алитературеи рзы иҷыдоу 15 класс.Ауадақәа... 02.12.2025, Sputnik Аҧсны

2025-12-02T15:42+0300

2025-12-02T15:42+0300

2025-12-02T16:09+0300

sputnik аԥсны

аԥсны

аԥсны

ажәабжьқәа

https://cdnn1.img.sputnik-abkhazia.info/img/07e9/0c/02/1059464497_0:42:800:492_1920x0_80_0_0_ccbb83e21b3e3ac0893e0dd47ff38fd9.jpg

АҞӘА, ԥхынҷкәын 2 - Sputnik. Урыстәыла аҵарадырра аминистрра ацхыраарала аԥсуа школқәа 14 рҿы иаатит аурыс бызшәеи алитературеи рзы иҷыдоу 15 класс.Ауадақәа рҟны аремонт ҟаҵоуп, аноутбукқәа, аинтерактивтә ӷәқәа, аклассқәа рзы аҩнымаҭәа, арҵага-методикатәи адидактикатәи материалқәа рыла еиқәыршәоуп. Иааизакны ареспубликахь иаагоуп 8, 5 нызқь ак инареиҳаны аҵаратә еиқәыршәагақәеи амаҭәахәқәеи."Аурыс бызшәа ҳажәларқәа рыбжьара аиҩызареи аилибакаареи рзы цҳаны иҟоуп. Зхаҭабзиара ҳараку аҵарадырра аҿиареи Аԥсны ахәыҷқәа зегьы рзы аурыс бызшәа аҵаразы ҳаамҭа иақәшәо ахархәагақәа рыла реиқәыршәареи ҳаҿызаауеит", — иҳәеит Урыстәылатәи Афедерациа аҵарадырра аминистр Сергеи Кравцов.Ареспублика араионқәа зегьы рҿы арҭ аклассқәа аартуп Урыстәыла аҵарадырра аминистрреи Афонд "Сҭоурыхи" рыцхыраарала инарыгӡо апроект "Урыстәыла – сара сҳәаақәа" иҭагӡаны."Урыстәыла – сара сҳәаақәа" захьӡу апроект ҳҵаҩцәеи ҳарҵаҩцәеи рзы алшарақәа ҿыцқәа аанартуеит. Ари ҳхәыҷқәа рԥеиԥш азы алшарақәа мацараӡам, Аԥсни Урыстәылеи реизыҟазаашьақәа зырӷәӷәо даҽа цҳа ӷәӷәангьы иҟоуп", — лҳәеит Аԥсны аҵара аминистр Хана Гәынԥҳа.Иара убас аҵаҩцәа рхархәаразы иаартуп азанааҭмҩақәҵаратә диагностикақәа Иаку рмодель "Аԥхьаҟаз абилет".Арҵаҩцәа акласс ҿыцқәа рҿы аусура иалагоит 2025 шықәса ԥхынҷкәынмза инаркны.

2025

Ажәабжьқәа

ab_AB

sputnik аԥсны, аԥсны, ажәабжьқәа