Ҟрыми Аԥсни рнапхгара иааиуа хышықәса рзы аусеицуразы аԥкаанҵа рнапы аҵарҩит.
Ҟрыми Аԥсни рнапхгара иааиуа хышықәса рзы аусеицуразы аԥкаанҵа рнапы аҵарҩит.
Араион ахь иааит Аԥсны Аминистрцәа реилазаара аделегациа.
Аҭаара аҳәаақәа ирҭагӡаны, Симферополь ақалақь аҿы 2025-2027 шықәсазы еиуеиԥшым ахырхарҭақәа рыла ареспубликақәа русеицура аплан алацәажәаразы аилатәара мҩаԥысит ҳәа ааицҳауеит РИА Новости ҟрымтәи акорреспондент.
▪ Ахәаахәҭреи аекономикеи. Аганқәа еиқәшаҳаҭхеит Аԥснынтәи Ҟрымҟа наҟ-ааҟтәи абизнес-миссиа амҩаԥгареи, Иалтатәи аекономикатә форум аҿы Аԥсны аекономикатәи аинвестициатәи лшара аӡыргаразы.
▪ Ақыҭанхамҩа. Аефирхәшатә аалыҵ аарыхреи аус адулареи рзы аԥышәа аимдара шхымԥадатәиу азгәаҭан. Иара убасгьы, еиқәшаҳаҭхеит Ҟрымтәи агроааглыхратә еиҿкаарақәа аус рыцуразы агәазыҳәара змоу аԥснытәи анаплакқәа рсиа аиқәыршәаразы.
▪ Ааглыхра. Аганқәа ишьақәдырӷәӷәеит зыда ԥсыхәа ыҟам аалыҵқәа: Ҟрым – афымцеиқәыршәагақәа, аидырҭәалагатә еиқәыршәагақәа, акосметика, ахимиатә аалыҵқәа; Аԥсны – ацитрустә шәырқәа, алкоголь злам арыжәтәқәа, аӡы реимдараз.
Ҟрым Аминистрцәа рхеилак ахантәаҩы ихаҭыԥуаҩ, Урыстәыла ахада иҿы ареспублика ахаҭарнак Георги Мурадов Аԥсны ррегион иаҩыза иашаҵәҟьаны иҟоуп ҳәа азгәеиҭеит.
Иара иажәақәа рыла аҩреспубликак рыбжьара аусеицура ганрацәала ишьақәгылоуп, аԥеиԥш дуқәагьы амоуп.
