Есышықәса имҩаԥысуа ашықәсҿыцазтәи агәыҳалалратә акциа "Ашанаҵла" иахьарнахыс ихацыркуп
14:48 08.12.2025 (ирҿыцуп: 16:34 08.12.2025)
© Sputnik / Томас Тхайцук
Анапаҵаҩра
АҞӘА, ԥхынҷкәын 8 - Sputnik. Есышықәса имҩаԥысуа ашықәсҿыцазтәи агәыҳалалратә акциа "Ашанаҵла" иахьарнахыс ихацыркуп.
Аԥсны ауааԥсыра афондқәа "Ашанеи" "Кьарази" хылаԥшра зырҭо ахәыҷқәа ргәазыҳәарақәа рынагӡара рылшоит.
"Иахьа ҳара ақьиара апортал ааҳартуеит. Шәара ижәбоит аԥсаҵла, ашықәсҿыцазтәи ахәмаргақәа рыла акәымкәа ақьаадлых аԥҟақәа рыла ирԥшӡоу. Аԥҟақәа рмаҵәқәа ирыхьнырҳалоуп ахәыҷы ашықәс ҿыц азы ахәыҷқәа ргәазыҳәара зну ашәҟәы. Аԥҟа згаз ауаҩы дарбанызаалак уи ахәыҷы изы Аҵаа Бабаду иҭакԥхықәра ихахьы игоит", — ҳәа азгәалҭеит афонд "Ашана" адиректор Мактина Џьынџьалԥҳа.
Сынтәа 500 инареиҳаны агәазыҳәарашәҟәқәа ыҟоуп. Урҭ угар ҟалоит астанциа "Гәыма" аҟынтәи ԥхынҷкәынмза 8 инаркны 12 рҟынӡа, асааҭ 11:00 инаркны 14:00 рҟынӡа. Даҽа 50 шәҟәы Гагреи Очамчыреи рраионқәа рнапхгарақәа рахь идәықәҵахоит, урҭ зҭаху уа ишьҭырхуеит.
Ԥхынҷкәынмза 23 рзы астанциа "Гәыма" аҿы акциа афинал, аҳамҭақәа рызшара, иара убас "Ашықәсҿыцазтәи адәыӷба" захьӡу аусмҩаԥгатә мҩаԥысуеит.
Аусмҩаԥгатә "Аԥснытәи аихамҩақәа", аплатформа "Гәыма", Гагра, Гәдоуҭа, Афон Ҿыц ақалақьқәа ркультуратә усбарҭақәа, акоманда "Аҟәатәи аниматорцәа" рыцхыраарала еиҿкаауп.
Аԥсны ауааԥсыра афондқәа "Ашанеи" "Кьарази" хылаԥшра зырҭо ахәыҷқәа ргәазыҳәарақәа рынагӡара рылшоит.
"Иахьа ҳара ақьиара апортал ааҳартуеит. Шәара ижәбоит аԥсаҵла, ашықәсҿыцазтәи ахәмаргақәа рыла акәымкәа ақьаадлых аԥҟақәа рыла ирԥшӡоу. Аԥҟақәа рмаҵәқәа ирыхьнырҳалоуп ахәыҷы ашықәс ҿыц азы ахәыҷқәа ргәазыҳәара зну ашәҟәы. Аԥҟа згаз ауаҩы дарбанызаалак уи ахәыҷы изы Аҵаа Бабаду иҭакԥхықәра ихахьы игоит", — ҳәа азгәалҭеит афонд "Ашана" адиректор Мактина Џьынџьалԥҳа.
Сынтәа 500 инареиҳаны агәазыҳәарашәҟәқәа ыҟоуп. Урҭ угар ҟалоит астанциа "Гәыма" аҟынтәи ԥхынҷкәынмза 8 инаркны 12 рҟынӡа, асааҭ 11:00 инаркны 14:00 рҟынӡа. Даҽа 50 шәҟәы Гагреи Очамчыреи рраионқәа рнапхгарақәа рахь идәықәҵахоит, урҭ зҭаху уа ишьҭырхуеит.
Ԥхынҷкәынмза 23 рзы астанциа "Гәыма" аҿы акциа афинал, аҳамҭақәа рызшара, иара убас "Ашықәсҿыцазтәи адәыӷба" захьӡу аусмҩаԥгатә мҩаԥысуеит.
Аусмҩаԥгатә "Аԥснытәи аихамҩақәа", аплатформа "Гәыма", Гагра, Гәдоуҭа, Афон Ҿыц ақалақьқәа ркультуратә усбарҭақәа, акоманда "Аҟәатәи аниматорцәа" рыцхыраарала еиҿкаауп.
