Аԥсны иаԥҵоуп "Мичурин ибаҳча".
Аԥсны иаԥҵоуп "Мичурин ибаҳча".
Аԥсны Аҭҵаарадыррақәа ракадемиа Ақыҭанхамҩа аинститут ашҭаҿы еиҭаҳауп здаҟам абаҳчатә культурақәа рыхкқәа, урҭ иреиуоуп иҷыдоу ацхаҵла хкы "Аԥсны" ҳәа хьӡыс измоу.
Ари адунеи аҿы раԥхьаӡа акәны асубтропикатә ҭыԥ аҿы еиҭаҳаз цхҵлоуп.
"Аладатәии асубтропикатәи аҭыԥқәа рзы иаԥҵоу ацхаҵла ахкҿыцқәа ишьақәдырӷәӷәоит аҭҵаарадырра ҳәаа шамам, насгьы Урыстәыла аҩадатәи акультура аԥсуа дгьыли аԥсуа жәлари ирзааигәоу акәны иҟалоит", — ҳәа инаҵшьны иазгәеиҭеит ааглыхра-ҭҵааратә центр "Агропищепром" анагӡаратә директор Сергеи Колесников.
"Мичуринтәи абаҳча" ари ажәҩан аҵаҟатәи лабораторианы иҟалоит. Уаҟа иҭырҵаалоит ашәырқәеи аҵиаа хкҿыцқәеи.
Урыстәыла Аҭҵаарадыррақәа ракадемиа аҟынтәи аделегациа иҳаҩсыз ашықәс абҵарамзазы ареспублика иаҭааны иҟан, Аԥсны ақыҭанхамҩа аинститути дареи аиқәшаҳаҭрақәа жәпакы рнапы аҵарҩит аселекциеи, агенетикеи, амикробиологиеи рганахьала аусеицуразы.
